Luku 23:13 - Bibeli do fee

¹³ Pilati í kpe inɛ ngboi woo weei Ilaaɔ̃ ŋa do inɛ ngboi Zuifu ŋa do zamaa nkpɔ má í tɔtɔɔ ŋa.

Luku 23:13 Iomraidhean Croise

Maaku 15:14

Nɔ Pilati í bee ŋa í ni, laalɔ yoomai í bɛi í ce. Amma bɛi Pilati wa fɔ fei, bɛɛbɛ mɔi inɛ ŋau à ya dɔ̃ anu hee lele a maa ni, kpakpaɛ si jĩi ku gaau.

Luku 23:35

Ŋɔi zamaau í wa bɛ wa cɔɔ. Nɔ inɛ ngbo ŋau à yaakoɛ à waa ni, í faaba inɛ gɔ ŋa. To, kú faaba araɛ bɛ bii nŋui í jɛ inɛ iyi Ilaaɔ̃ í cicau.

Luku 24:20

Ŋɔi inɛ ngboi woo weei Ilaaɔ̃ ŋa do inɛ ngbo nwa ŋa à daa inɛ ŋa si awɔ à yɛ taaleɛ à kpakpaɛ si jĩi à kpaa.

Laabaau jiida iyi Zãa í kɔ 12:42

Do nŋu fei, baa inɛ ngboi Zuifu ŋau nkpɔ í dasi Jesu naanɛ. Amma si bɛi à waa ce njoi Farisi ŋau a kù jɛsi si bantuma ku ba a maà na a ganji ŋa ile bii à ya ce kutɔtɔɔ ŋau ku bɔ má.

Laabaau jiida iyi Zãa í kɔ 18:38

Nɔ Pilati í beeɛ í ni, dimii mii mɔm nii à ya kpe ntɔ. Si anyii ide ŋau ŋɔi Pilati í fita má í bɔ bi Zuifu ŋau. Í sɔ̃ ŋa í ni, amu n kù yɛ taale kãma si mɔkɔu.

Laabaau jiida iyi Zãa í kɔ 19:4

Ŋɔi Pilati í fita wa má í sɔ̃ zamaau í ni, wee an fitaò nŋɛ mɔkɔu wa ku ba i mà ŋa iyi n kù yɛ siɛ kurara gɔ.

Laabaau jiida iyi Zãa í kɔ 3:1

Idũ ajɔ nŋu gɔ mɔkɔ gɔ í bɔ bi Jesu à ya kpoo Nikodɛmu. Mɔkɔu Farisii, nɔ wa jɛ inɛ akãi inɛ ngboi Zuifu ŋa. Iyi í to bi Jesu ŋɔi í ni, Mɛɛtu, à mà iyi Ilaaɔ̃i í bɛɛ wa i naa i kɔ nwa si cio. À mà bɛɛbɛi si na iyi í jɔ̀ inɛ gɔ kù wɛɛ iyi á yɔkɔ ku ce maamaake ŋa iyi ì ya maa ce bii kù jɛ Ilaaɔ̃i í wɛɛ do lafɛ̃ɛ.

Laabaau jiida iyi Zãa í kɔ 7:26

Nɔ wee wa fɔ ide si bantuma nɔ inɛ gɔ kù ni ide gɔ mɛɛ. Mà inɛ ngbo nwa ŋa à mà bɛbɛi iyi nŋui í jɛ inɛ iyi Ilaaɔ̃ í cicau do ntɔ de.

Laabaau jiida iyi Zãa í kɔ 7:48

Ì gbɔ bii inɛ ngbo gɔ walakɔ Farisi ŋau baa inɛ akã nŋa í dasiɛ naanɛ ŋai?

Woo bɛ ŋa 13:27

Wee inɛi Zeruzalɛmu ŋa do inɛ ngbo nŋa ŋa a kù mà yooi Jesu í jɛ dee dee, a kù nɔ a kù gbɔ yaasei idei walii ŋa iyi à ya maa cio si ajɔi kusĩmi feiu. Amma do nŋu fei à jɔ̀ ideu í kɔ̃ si waati iyi à yɛ taalei Jesu.

Woo bɛ ŋa 3:17

Nsɛi kpaasim ŋa, ǹ mà mii iyi ì cea Jesuu ŋa, ì cooi si ngɔgɔ hai mà ŋa, bɛɛbɛi do inɛ ngbo nŋɛ ŋa fei.

Woo bɛ ŋa 4:5

Iju kumáɛ ŋɔi inɛ ngboi Zuifu ŋa do inɛ ngbo bubu ŋa do woo kɔ inɛ ŋa si wooda ŋau à tɔtɔɔ Zeruzalɛmu.

Woo bɛ ŋa 4:8

Ŋɔi Piɛɛ í kɔ̃ò Hundei Ilaaɔ̃ nɔ í sɔ̃ ŋa í ni, iŋɛ inɛ ngbo ŋa,