Luku 22:61 - Bibeli do fee

⁶¹ Nɔ Jesu í sinda í cɔ Piɛɛ. Ŋɔi Piɛɛ í ye gigii ide iyi Lafɛ̃ɛ í sɔ̃ɔu wo í ni, nnyi hee ajɛɛ ku maa kɔ aa jã isɛ gbɛɛta i ni i kù màm.

Luku 22:61 Iomraidhean Croise

Zɔɔbu 33:27

Á ya kɔ̃ iri si wajui inɛ ŋa ku maa ni, ǹ ce dulum nɔ ǹ kua wooda. Amma n kù ba ijuukpã iyi ǹ nɛ n ba.

Ezekiɛli 16:63

Aa ye gigii mii iyi ì ce wo nɔ anyɔ á muɛ. I kaa yɔkɔ i fɔ ide na anyɔu waati iyi an ceɛ suurui mii iyi ì ceu. Amu Aɔ̃ Lafɛ̃ɛi ǹ fɔ bɛɛbɛ.

Ozee 11:8

Do nŋu fei, Efaraimu, an yɔkɔ n fũsiɛ awɔ? Izirɛli, an yɔkɔ n soɛ n daa inɛ ŋa si awɔ? An yɔkɔ n ceɛ bɛi ǹ cea ilui Adima? N jɔ̀ i baa i yɛ bɛi ilui Seboimu? Ntɔ ntɔ, lasabum í fɔtɔtɔ, nɔ araareɛ iyi ǹ nɛ, í la ntɔ ntɔ.

Matie 26:34

Ŋɔi Jesu í sɔ̃ɔ í ni, ntɔ ntɔ, idũuyi mɔm, hee ajɛɛ ku maa kɔ, aa jã isɛ gbɛɛta i ni i kù màm.

Matie 26:75

Nɔ Piɛɛ í ye gigii ide iyi Jesu í sɔ̃ɔu wo í ni, hee ajɛɛ ku maa kɔ aa jã isɛ gbɛɛta i ni i kù màm. Ŋɔi í fita í koo wa kpata ntɔ ntɔ.

Maaku 5:30

Ŋɔi Jesu í mà gbakã iyi gbugbã gɔ í fita hai si arai nŋu nɔ í sinda wa cɔ zamaau nɔ í ni, yooi í lu ibɔm.

Luku 10:41

Ŋɔi Lafɛ̃ɛ í jɛaa í ni, Maata, Maata, ì jɔ̀ zigiɛ wa da nɔ ì waa mante araɛ na mii nkpɔ.

Luku 22:34

Ŋɔi Jesu í ni, Piɛɛ, ǹ wa n sɔ̃ɛi, idũuyi mɔm, hee ajɛɛ ku maa kɔ, aa jã isɛ gbɛɛta i ni i kù màm.

Luku 22:60

Amma Piɛɛ í ni, awɔ bɛ, n kù mà bɛi ì waa bi i fɔ. Si bɛi wa fɔ ideu gbakã ŋɔi ajɛɛ wa kɔ.

Luku 22:62

Ŋɔi í fita waduude í koo wa kpata do inɔ kufɔ.

Luku 7:13

Iyi Lafɛ̃ɛ í yɛ abou ŋɔi araare í muu, nɔ í sɔ̃ɔ í ni, maà kpata.

Luku 7:19

í bɛ ŋa bi Lafɛ̃ɛ a beeɛ a ni, awɔi ì jɛ inɛ iyi Ilaaɔ̃ á na ku bɛ wau? Mà ka degbe inɛ mmu gɔ.

Laabaau jiida iyi Zãa í kɔ 13:38

Ŋɔi Jesu í jɛaa í ni, ì tã sɔɔlu i na kuwɛɛɛ na irim do ntɔ? Ntɔ ntɔ ǹ wa n sɔ̃ɛi, hee ajɛɛ ku maa kɔ aa jã isɛ gbɛɛta i ni i kù màm.

Woo bɛ ŋa 5:31

Ŋɔi Ilaaɔ̃ í soo lele í jilɔɔ awɔ njɛɛ ku jɛ ilaalu do Woo faaba nɔ ku muaò inɛi Izirɛli ŋa kpãa a kpaasi idɔ ku ba ku kpa dulum du ŋa.

Efɛɛzu 2:11

Iŋɛ dimi mmu ŋa, i ye gigi ŋa iyi inɛ ŋa iyi à ya ce bango ŋau à ya maa kpe ŋɛ hai ce bango ŋa wo.

Kuyɛi Zãa 2:5

Na nŋu, i ye gigi hai hee bii ì cuku wa ŋa, nɔ i kpaasi idɔ i ce bɛi ì sintiò wa ŋa. Bii i kù kpaasi idɔ ŋa, an na n so bi ku lesi fitila nŋɛ hai si agbɛɛ.