Luku 22:42 - Bibeli do fee

⁴² wa ni, Baaba, bii ì bi, aa jɔ̀ wahalau ihɛ̃ ku jĩim. Amma ku maà ti ku jɛ ti idɔɔbim, jɔ̀ idɔɔbiɛ ku ce. [

Luku 22:42 Iomraidhean Croise

Iri ku kɔ̃ 40:8

Na ŋɔi í jɔ̀ ǹ ni, amu wee ǹ wa n naa bi tɛɛ. Si tia iyi à káu ǹ yɛ à kɔ mii iyi ǹ nɛ ku ce.

Ezai 51:17

Zeruzalɛmu, jĩ, jĩ hai si iri njoo nɔ i dede, awɔ iyi Aɔ̃ Lafɛ̃ɛ í jɔ̀ ì mɔ kɔɔfui idɔɔkɔ̃ɛ. Ì mɔ kɔɔfui idɔɔkɔ̃ɛui, ì sindaɛ fei hee wa cĩɛ iju.

Ezai 51:22

ide iyi Aɔ̃ Lafɛ̃ɛ, nŋu iyi í jɛ Ilaaɔ̃ Lafɛ̃ɛɛ, nŋu iyi í jɛ woo kɔ̀ò inɛɛ ŋa í fɔ wee í ni, an gba kɔɔfu iyi í jɔ̀ iju wa cĩɛu hai si awɔɛ. Kɔɔfuui í jɛ kɔɔfui idɔɔkɔ̃m nɔu. I kaa mɔɔ má.

Zeremi 25:15

Ŋɔi Aɔ̃ Lafɛ̃ɛi inɛi Izirɛli ŋau í bam ide ku fɔ í ni, gba kɔɔfu iyi í kɔ̃ do atɛ̃ vɛ̃ɛi idɔɔkɔ̃u ihɛ̃ hai si awɔm, nɔ i jɔ̀ dimi ŋa iyi ǹ wa n bɛɛ bi tu ŋau aŋa fei a mɔ.

Matie 11:25

Waati bɛɛbɛ ŋɔi Jesu í ni, Baaba, awɔ iyi ì jɛ Lafɛ̃ɛi lele do ilɛ, ǹ wa n saabuɛ do iyi ì singaa ilu bisi do woo mà ŋa mii ŋau ihɛ̃ nɔ ì nyisi amu ŋa.

Matie 11:26

Í sĩa Baaba, si na iyi í jɔ̀ bɛɛbɛi ì bi.

Matie 20:22

Ŋɔi Jesu í sɔ̃ mɔcɔ minji ŋau í ni, i kù mà mii iyi ì waa tɔɔm ŋa mɔm. Aa yɔkɔ i temuaò ijuukpã iyi an yɛ ŋa? Nɔ à ni aŋa aa yɔkɔ.

Matie 26:39

Iyi í fɔ bɛɛbɛ í tã, ŋɔi í bɔ waju keeke í koo í sɛɛbata ilɛ wa ce kutɔɔ í ni, Baam, bii á ce, jɔ̀ wahalau ihɛ̃ ku jĩim. Amma do nŋu fei, ku maà ti ku jɛ ti idɔɔbim, jɔ̀ idɔɔbiɛ ku ce.

Matie 26:42

Nɔ í jĩò ŋa isɛ gbeejisia má í koo í ce kutɔɔ í ni, Baam, bii í jɛ wahalau ihɛ̃ kaa jĩim, bii í jɛ kù nɛ bɛi á ce iyi n kù yɔɔi, jɔ̀ idɔɔbiɛ ku ce.

Matie 26:44

Jesu í jɔ̀ ŋa má, í koo í ce kutɔɔ isɛ gbɛɛtasiaɛ si ide akãu.

Matie 6:10

Naa i jɛ bommaɛ. Jɔ̀ inɛ fei ku ce idɔɔbiɛ si ilɛu ihɛ̃ bɛi à waa ce lele.

Maaku 14:36

Wa ni, Baam, aa yɔkɔ i ce mii fei. Jɔ̀ wahalau ihɛ̃ ku jĩim. Amma do nŋu fei, ku maà ti ku jɛ ti idɔɔbim, jɔ̀ idɔɔbiɛ ku ce.

Luku 23:34

Nɔ Jesu í ni, Baaba, kpa idei dulum du ŋa, domi a kù mà mii iyi à waa ce. Si anyiɛ sooge ŋau à ta kpasa si jĩnɛɛ ŋa a ba a yɛ iyi inɛ fei á ba. Bɛɛbɛi à ceò ikpɛ̃i jĩnɛɛ ŋau.

Laabaau jiida iyi Zãa í kɔ 18:11

Amma Jesu í sɔ̃ Piɛɛ í ni, sindo taakubaɛ si ankɔ̃ɔɛ. Ì waa tamaa n kaa n temuaò ijuukpã iyi Baaba í jilɛɛm nii?

Laabaau jiida iyi Zãa í kɔ 4:34

Nɔ Jesu í sɔ̃ ŋa í ni, ijɛm nŋui í jɛ n ce idɔɔbii inɛ iyi í bɛm wa nɔ n kpa irii icɛɛ iyi í dasim.

Laabaau jiida iyi Zãa í kɔ 5:30

Jesu í ni, n kaa n yɔkɔ n ce ngɔgɔ do aram. Si bɛi Ilaaɔ̃ í sɔ̃m si bɛɛbɛi an ceò kiitiu, nɔ kiitim í jɛ dee dee domi n kù wa n dɛ idɔɔbim ku ce, bii kù jɛ idɔɔbii inɛ iyi í bɛm wa.

Laabaau jiida iyi Zãa í kɔ 6:38

Ǹ kita wai hai lelei Aɔ̃ n na n ceò idɔɔbii inɛ iyi í bɛm wa, kù jɛ idɔɔbii amu takam.

Woo bɛ ŋa 21:14

Iyi à yɛ kù gbɔ ide nwa, à coko nɔ à ni, Aɔ̃ Lafɛ̃ɛ ku ce idɔɔbiɛ.