Luku 22:40 - Bibeli do fee

⁴⁰ Iyi à to inyau, ŋɔi í sɔ̃ ŋa í ni, i ce kutɔɔ ŋa ku ba i maà dási kulɛlɛ ŋa.

Luku 22:40 Iomraidhean Croise

Bomma 1, 4:10

Yabɛsi í ce kutɔɔ í ni, Ilaaɔ̃ Lafɛ̃ɛi inɛi Izirɛli ŋa, jɔ̀ kuweeɛ ku maa wɛɛ do amu. Jɔ̀ ilɛm ku la ku kɔ̃ɔsi. Bii sim awɔɛ i maa degbem, nɔ i jɔ̀ ijuukpã do wahala ku jĩim. Nɔ Ilaaɔ̃ í ceaa amuai mii iyi í tɔɔ.

Iri ku kɔ̃ 119:133

Jɔ̀ n ba gbugbã si bɛi ì fɔ, nɔ i maà jɔ̀ mii laalɔ kãma ku maa nɛɛm.

Iri ku kɔ̃ 17:5

Ǹ leekĩ dim dim si kpãaɛ, n kù yaa.

Iri ku kɔ̃ 19:13

Yooi á yɔkɔ ku mà kuraraɛ ŋa iyi í ce iyi kù jɛ si idɔɔbiɛ. Maà mum do taale si kurara iyi n kù mà.

Matie 6:13

Maà ti i jɔ̀ ka dasi kulɛlɛ, amma nya wa hai si awɔi Seetam. [Domi awɔi ì nɛ bomma do gbugbã do amboe hee do ajɔ fei. Ami.]

Luku 11:4

Kpa idei dulum du wa, domi awa mɔ à ya ka kpa idei kurara iyi inɛ ŋa à ce nwa. Maà ti i jɔ̀ ka dasi kulɛlɛ.

Luku 22:46

Nɔ í bee ŋa í ni, na mii í ce ì waa sĩ njoo ŋa. I dede i ce kutɔɔ ŋa ku ba i maà dasi kulɛlɛ ŋa.

Piɛɛ 1, 4:7

Kɔɔi mii fei í maai wa. Na nŋu, i mu ara nŋɛ do laakai, nɔ i jɔ̀ hunde nŋɛ ku wɔ njoo ku ba i yɔkɔ i ce kutɔɔ ŋa.

Kuyɛi Zãa 3:10

Ǹ ni i temua ŋa, nɔ ì jirima idem nɔu ŋa. Na ŋɔi í jɔ̀ amu mɔ an degbe ŋɛ si waatii wahala iyi wa naa si andunya fei ku na ku cɔ laakaii inɛ ŋa.