Luku 22:37 - Bibeli do fee

³⁷ Si anyii nŋu má, í sɔ̃ ŋa í ni, ideu ihɛ̃ iyi à kɔ na irim nɔu á cei, si bɛi à ni, à dooaɛ si woo ce laalɔ ŋa. Kù nɔ kù nɛ bɛi á ce iyi kù ce bɛɛbɛ.

Luku 22:37 Iomraidhean Croise

Ezai 53:12

Na ŋɔi í jɔ̀ an dasiɛ si inɔi inɛ nla ŋa. Á ce ikpɛ̃i mii ŋa iyi à ya baaò wa hai si igũi do inɛ ŋa iyi à re do gbugbã ŋa, domi í na araɛ hee í koo í kuò. Í jɔ̀ à dasiɛ si inɔi woo ce laalɔ ŋa, nɔ í faaba ilu dulum nkpɔ nkpɔ.

Maaku 15:27

Ŋɔi à kpakpa ile minji gɔ ŋa bɛ má, inɛ akã ikpa awɔ njɛɛ, inɛ akã mɔ ikpa awɔ cangaɛ. [

Maaku 15:28

Bɛɛbɛi kukɔi idei Ilaaɔ̃ í kɔ̃ iyi í ni, à dooaɛ si inɛ laalɔ ŋa.]

Luku 18:31

Jesu í kpe mɔcɔ maateeji ŋau bi tɛɛ, nɔ í sɔ̃ ŋa í ni, wee à waa bɔ Zeruzalɛmu. Bɛi, ide iyi walii ŋau a kɔ na irii amu Amai Amanɛu fei á ce.

Luku 22:22

Amu Amai Amanɛ an ku si bɛi Ilaaɔ̃ í jilɔɔ. Amma ijuukpãi inɛ iyi á zambam nɔu á la.

Luku 22:36

Ŋɔi í ni, to, nsɛi, kù jɛ bɛɛbɛ má. Inɛ iyi í nɛ taalili ku soo, bɛɛbɛ mɔi inɛ iyi í nɛ bɔgɔ ku soo. Inɛ mɔ iyi kù nɛ taakuba, ku ta ibɔɛ ku raò.

Luku 22:52

Si anyii nŋu Jesu í bee inɛ ngboi woo weei Ilaaɔ̃ ŋa do inɛ ngboi woo degbe kpasɛ̃i Ilaaɔ̃ ŋau do inɛ ngboi Zuifu ŋa iyi à naa siɛu í ni, amui ì naa ku mu ŋa do taakuba do golo ŋa bɛi woo ce ile?

Luku 23:32

Waati iyi à waa nɛò Jesu à kooò woo ce laalɔ minji gɔ ŋa mɔ iyi aa kpa ŋa do nŋu ajɔ.

Luku 24:27

Ŋɔi í sisi nŋa ide iyi à fɔ si kukɔi idei Ilaaɔ̃ fei si gãmɛi nŋu takaɛ. Í sintiɛi hai si tiai Moizi ŋa do ti walii ŋau fei.

Laabaau jiida iyi Zãa í kɔ 10:35

Nɔ Jesu í sɔ̃ ŋa má í ni, à mà iyi kukɔi idei Ilaaɔ̃ ntɔi wa fɔ do ajɔ fei. To, si ideu ihɛ̃ Ilaaɔ̃ takaɛ wa kpe inɛ ŋa iyi à gbɔ ideɛu Ilaaɔ̃, mà irei.

Laabaau jiida iyi Zãa í kɔ 17:4

Ǹ jɔ̀ ì nɛ amboe si ilɛu ihɛ̃, nɔ ǹ ce icɛ ŋa iyi í dasim ku ceu fei.

Kɔrɛnti 2, 5:21

Kirisi, nŋu iyi kù ce dulum kãma, nŋui Ilaaɔ̃ í kãa dulum du wa ku ba ka jɛ dee dee si wajuɛ na anu akã nwa iyi à ce do Kirisi ajɔ.

Galati 3:13

Amma Kirisi í ya wa hai si ikpei wooda si waati iyi í na í jɛ ilu ikpe na iri nwa. Í na í jɛ ilu ikpe si na iyi í jɔ̀ kukɔi idei Ilaaɔ̃ wa fɔ í ni, inɛ iyi à kpakpa si antaii jĩi fei ilu ikpei.