Luku 22:35 - Bibeli do fee

³⁵ Si anyii nŋu ŋɔi Jesu í bee ŋa í ni, si waati iyi ǹ bɛ ŋɛ hai mu taalili do bɔgɔ do baata ì kua ngɔgɔ ŋa? Ŋɔi à jɛ à ni, aawo, a kù kua nkãma.

Luku 22:35 Iomraidhean Croise

Kusintii Andunya 48:15

Nɔ í weea Zozɛfu í ni, ǹ wa n tɔɔ Ilaaɔ̃ ku weea amu ŋau ihɛ̃, nŋu iyi balam Aburahamu do baam Izaaki à tɔɔ si kuwɛɛ nŋa fei. Nŋui í jɛ woo degbem hai waati iyi à bím hee ku baa nsɛi.

Ilaalu 1, 11:22

Ŋɔi Faraɔ̃ í beeɛ í ni, mii wa gaiziaɛ bi tom iyi í jɔ̀ ì waa bi i nyi ilɛɛ. Ŋɔi í jɛaa í ni, nkãma kù waa gaiziam, amma jɔ̀ n nɛ.

Iri ku kɔ̃ 23:1

Iriu ihɛ̃ ti Davidii. Aɔ̃ Lafɛ̃ɛ í jɛ woo degbem. N kaa n kua nkãma.

Iri ku kɔ̃ 37:3

Dasi Aɔ̃ Lafɛ̃ɛ naanɛ nɔ i maa ce mii iyi í sĩa. Wa si ilɛu nɔ i maa jɛ kuwɛɛɛ si dee dee ku jɛ.

Luku 10:4

I maà so taalili hee má jɛ bɔgɔ, walakɔ baata, nɔ i maà ya leekĩ kpãa i maà ce inɛ gɔ fɔɔ ŋa.

Luku 22:34

Ŋɔi Jesu í ni, Piɛɛ, ǹ wa n sɔ̃ɛi, idũuyi mɔm, hee ajɛɛ ku maa kɔ, aa jã isɛ gbɛɛta i ni i kù màm.

Luku 22:36

Ŋɔi í ni, to, nsɛi, kù jɛ bɛɛbɛ má. Inɛ iyi í nɛ taalili ku soo, bɛɛbɛ mɔi inɛ iyi í nɛ bɔgɔ ku soo. Inɛ mɔ iyi kù nɛ taakuba, ku ta ibɔɛ ku raò.

Luku 9:3

Nɔ í sɔ̃ ŋa í ni, i maà so nkãma si isɛɛnɛ nŋɛu, baa golo hee má jɛ bɔgɔ, walakɔ ijɛ, walakɔ fia, nɔ i maà so baa ibɔ minjisia ŋa.

Kɔrɛnti 2, 8:15

Bɛɛbɛi kukɔi idei Ilaaɔ̃ í fɔ í ni, inɛ iyi í kó í kpɔ, kù re gũa. Inɛ mɔ iyi í ko keeke, kù gaizia gũa.

Wooda ku kɔsi 8:16

Nŋui í jɔ̀ í ba dimii sɔnda gɔ iyi à ya kpe mana iyi bala nŋɛ ŋa a kù màu ì jɛ ŋa. Í jɔ̀ ì ba wahala ŋa ku ba ku cɔ laakai nŋɛ, nɔ ku ce nŋɛ sɔɔlui kuwɛɛ si ididɔ̃ do waju.