Luku 22:33 - Bibeli do fee

³³ Ŋɔi Piɛɛ í ni, Lafɛ̃ɛ, ǹ tã sɔɔlu awaɛ ka bɔ piisɔ̃ɔ, bii iku mɔi ka ku ajɔ.

Luku 22:33 Iomraidhean Croise

Mɔnda ŋa 28:26

Inɛ iyi wa kaaba lasabui iri araɛ nnyɛii, amma laalɔ kaa ba inɛ iyi wa ce isɛɛnɛɛ do laakai.

Zeremi 10:23

Aɔ̃ Lafɛ̃ɛ, ǹ mà iyi amanɛ kaa yɔkɔ ku maa nɛ dee dee si bɛi í jɔ. Inɛ gɔ kù wɛɛ iyi á yɔkɔ ku maa ce isɛɛnɛ si yaase jiida do araɛ.

Zeremi 17:9

Nkãma kù wɛɛ iyi í nɛ zamba bɛi idɔi amanɛ, nɔ inɛ kãma kaa yɔkɔ ku jɔ̀ ku ba iri. Nɔ bɛɛbɛ mɔi inɛ kãma kaa yɔkɔ ku mà idɔi amanɛ.

Matie 20:22

Ŋɔi Jesu í sɔ̃ mɔcɔ minji ŋau í ni, i kù mà mii iyi ì waa tɔɔm ŋa mɔm. Aa yɔkɔ i temuaò ijuukpã iyi an yɛ ŋa? Nɔ à ni aŋa aa yɔkɔ.

Maaku 14:29

Ŋɔi Piɛɛ í sɔ̃ɔ í ni, baa bii inɛ fei wa nyiò anyi na iriɛ, amu n kaa n nyiò anyi pai.

Maaku 14:31

Amma bɛi Jesu wa fɔ, bɛɛbɛ mɔi Piɛɛ í ya fɔ hee lele ku ni, n kaa n kɔ̀siɛ pai, baa bii í jɛ an ku do awɔ ajɔi. Ŋɔi aŋa fei à fɔ bɛɛbɛ.

Luku 22:34

Ŋɔi Jesu í ni, Piɛɛ, ǹ wa n sɔ̃ɛi, idũuyi mɔm, hee ajɛɛ ku maa kɔ, aa jã isɛ gbɛɛta i ni i kù màm.

Luku 22:57

Amma í jã í ni, abooyi, n kù màa.

Laabaau jiida iyi Zãa í kɔ 13:38

Ŋɔi Jesu í jɛaa í ni, ì tã sɔɔlu i na kuwɛɛɛ na irim do ntɔ? Ntɔ ntɔ ǹ wa n sɔ̃ɛi, hee ajɛɛ ku maa kɔ aa jã isɛ gbɛɛta i ni i kù màm.

Woo bɛ ŋa 21:13

Amma í ni, na mii í ce ì waa kpata bɛɛbɛ ŋa ì waa ganji wɔɔkɔm ŋa. Ǹ tã sɔɔlu n ku na irii icɛi Lafɛ̃ɛ Jesu Zeruzalɛmu bɛ, kù jɛ ku dĩ nŋu akã.