Luku 22:32 - Bibeli do fee

³² Amma amu ǹ ce kutɔɔ na iriɛ ku ba naanɛ ku dasiɛ ku maà gaizia. Nɔ awɔ, waati iyi aa kpaasi idɔ má, mua kpaasiɛ ŋa mɔ gbugbã.

Luku 22:32 Iomraidhean Croise

Matie 18:3

Nɔ í ni, ntɔ ntɔ ǹ wa n sɔ̃ ŋɛi, bii i kù kpaasi idɔ nŋɛ nɔ i kù yɛ bɛi ama keeke ŋa, i kaa lɔ tengi bii Ilaaɔ̃ í jɛ bommaɛ.

Matie 26:75

Nɔ Piɛɛ í ye gigii ide iyi Jesu í sɔ̃ɔu wo í ni, hee ajɛɛ ku maa kɔ aa jã isɛ gbɛɛta i ni i kù màm. Ŋɔi í fita í koo wa kpata ntɔ ntɔ.

Maaku 14:72

Bɛ gbakã ajɛɛ í kɔ isɛ gbeejisiaɛ. Ŋɔi Piɛɛ í ye gigii ide iyi Jesu í sɔ̃ɔ wo í ni, hee ajɛɛ ku maa kɔ isɛ gbeeji aa jã isɛ gbɛɛta i ni i kù màm. Ŋɔi Piɛɛ í lɔsi ku kpata.

Maaku 16:7

Amma i koo bɛbɛi i koo i sɔ̃ mɔcɔɛ ŋau do Piɛɛ takaɛ i ni, á cua nŋɛ ku bɔ ilɛi Galilee. Bɛi aa koo i yɔɔ ŋa si bɛi í sɔ̃ ŋɛ wo.

Luku 8:13

Inɛ gɔ ŋa mɔ à yɛi bɛi ilɛ kuta. Aŋai à gbɔ ideu nɔ à gbaa do inɔ didɔ̃. Amma a kù jɔ̀ kù ce icã si idɔ nŋa. Naanɛ ku dasi nŋa í kpɛ keeke amma iyi wahala í naa, à nyiò anyi.

Laabaau jiida iyi Zãa í kɔ 14:19

Í gbe keeke nsɛi iyi inɛi andunya ŋa a kaa yɛm má, amma iŋɛ aa yɛm ŋa si na iyi í jɔ̀ ǹ wɛɛ, nɔ iŋɛ mɔ aa wɛɛ ŋa.

Woo bɛ ŋa 3:19

Na nŋu, i kpaasi idɔ nŋɛ i sinda si Ilaaɔ̃ ŋa ku ba ku kpa idei dulum du ŋɛ.

Romu 8:32

Ilaaɔ̃ kù kɔ̀ò Amai nŋu takaɛ, amma í jɔ̀ à daa inɛ ŋa si awɔ à kpaa na irii awa fei. Nŋu iyi í na wa Amaɛu bɛɛbɛ, bɛirei á ce iyi kù mu nwa mii iyi í gbe fei.

Romu 8:34

To, yooi á yɔkɔ ku jɔ̀ a yɛ ijuukpã. Kù wɛɛ, domi Jesu Kirisi í ku, nɔ iyi í re mɔm í jĩ hai si balɛ má, í wa awɔ njɛi Ilaaɔ̃. Í nɔ wa tɔɔ Ilaaɔ̃ na iri nwa.

Timɔtee 2, 2:18

aŋa iyi à jɔ̀ kpãai ntɔ nɔ à waa kɛkɛ naanɛ ku dasii inɛ nkpɔ domi à ni awaatii kujĩi iku ŋa í lɔ tã.

Titee 1:1

Amui Pɔlu, woo ce icɛi Ilaaɔ̃ do woo bɛi Jesu Kirisi, amui ǹ kɔ tiau wa. À bɛm nii n koo n sobi inɛ ŋa iyi Ilaaɔ̃ í cicau ku ba a dasiɛ naanɛ, nɔ a mà ntɔu si gãmɛi kpãai naanɛ ku dasi nwa.

Ebɛɛ 12:15

I ce laakai ŋa kãma nŋɛ ku maà na ku toa didɔ̃i Ilaaɔ̃ anyi, nɔ i maà jɛ ilu inɔ kuro ŋa, domi inɔ kurou á na ku la nɔ ku tosi inɛ nkpɔ bɛi icãi jĩi í ya yɔ.

Ebɛɛ 7:25

Na nŋu á yɔkɔ ku faaba inɛ ŋa iyi à waa sɛkɛɛ si Ilaaɔ̃ do saabuɛ mam mam, domi í wɛɛi hee do ajɔ fei ku maa tɔɔ Ilaaɔ̃ na iri nŋa.

Piɛɛ 1, 1:1

Amui Piɛɛ woo bɛi Jesu Kirisi. Ǹ kɔ nŋɛ tiau ihɛ̃i, iŋɛ iyi Ilaaɔ̃ í cica nɔ ì fangaa ì koo ì waa jɛ isɛ mmu ŋa si ilɛi Pɔntu, do Galati, do Kapadosi, do Azii, do Bitini.

Piɛɛ 1, 1:13

Na nŋu, i ce laakai ŋa. I mu ara nŋɛ ŋa, nɔ i dasi kpãa ku cɔ nŋɛ fei si didɔ̃ iyi aa na ŋɛ si waati iyi Jesu Kirisi á faata wa.

Piɛɛ 1, 1:5

iŋɛ iyi gbugbãi Ilaaɔ̃ wa degbe do saabui naanɛ ku dasi ku ba i faaba mam mam ŋa. Faabau Ilaaɔ̃ í ce sɔɔluɛ ku nyisi ŋɛ si ajɔi ankãanyiu.

Piɛɛ 2, 3:14

Na saabu nŋu, iŋɛ baakɔɔm ŋa, si bɛi ì waa degbe ajɔu, i ce kookaai Lafɛ̃ɛ ku na ku ba ŋɛ si laakai ku sũ, riisi do kurara ku maà wa si ŋɛ.

Zãa 1, 2:19

Mbɛɛ ŋau, hai si inɔ nwai à fita, amma a kù jɛ inɛ nwa ŋa, domi bii à jɛ inɛ nwa ŋai wo aa wa inɔ nwa. Amma à fita ku ba ka mà iyi kãma nŋa kù jɛ inɛ nwai wo do ntɔ.