Luku 22:29 - Bibeli do fee

²⁹ Na nŋu, si bɛi Baaba í jilɛɛm bommau, bɛɛbɛ mɔi amu mɔ ǹ wa n jilɛ nŋɛ

Luku 22:29 Iomraidhean Croise

Matie 24:47

Ntɔ ntɔ, lafɛ̃ɛu á daa amaacɛu mii ndɛɛ fei si awɔ.

Matie 25:21

Ŋɔi lafɛ̃ɛɛ í sɔ̃ɔ í ni, í sĩa, awɔ amaacɛ jiida ilu naanɛi. Si mii keekeu ihɛ̃ ǹ yɛ iyi ì jɛ ilu naanɛ, na nŋu, an daaɛ mii nla si awɔ. Naa wa ka jɛ jingau.

Matie 25:34

Waati bɛɛbɛ amu ilaaluu an sɔ̃ inɛ ŋa iyi à wa awɔ njɛm n ni, i naa wa ŋa, iŋɛ iyi ì ba kuweei Baam. I naa i buba si bomma iyi à ce nŋɛ sɔɔluɛ hai waatii kusintii andunya.

Matie 28:18

Ŋɔi Jesu í sɛkɛɛ si ŋa wa í ni, yiikoi lele do ti ilɛ fei à nam nii.

Matie 5:10

Ilu inɔ didɔ̃ ŋai inɛ ŋa iyi à kpã ŋa iju si na iyi í jɔ̀ à waa ce mii iyi Ilaaɔ̃ í bi, domi aŋai à jɛ inɛi bommai Ilaaɔ̃ ŋa.

Matie 5:3

ilu inɔ didɔ̃ ŋai inɛ ŋa iyi à waa tɔɔ Ilaaɔ̃ do ara kukaye, domi aŋai à jɛ inɛi bommai Ilaaɔ̃ ŋa.

Luku 12:32

Nɔ Jesu wa ba mɔcɔɛ ŋau ide ku fɔ má í ni, iŋɛ gaa keekem, i maà ti i ce njo ŋa, domi á dɔ̃a Baa nŋɛ si ku jɔ̀ i jɛ amaalu ŋa si bommaɛ.

Luku 19:17

Ŋɔi í sɔ̃ɔ í ni, í sĩa, awɔ amaacɛ jiidai. Si bɛi ì jɛ ilu naanɛ si mii keekeu ihɛ̃, an jɔ̀ i jɛ inɛ ngbo si ilu mɛɛwa.

Kɔrɛnti 1, 9:25

Woo ce gaasai kusɛi ŋa à ya maa mu ara nŋai si fei ndɛɛ. À waa ce bɛɛbɛi ku ba a ba fulai wua ŋa iyi aa gbɛ. Amma awa à waa cei ku ba ka ba iyi ci ya tã.

Kɔrɛnti 2, 1:7

À waa naanɛ ŋɛ ntɔ ntɔ domi à mà, si bɛi ì nɛ ikpɛ̃ si ijuukpã nwa ŋa, bɛɛbɛ mɔi Ilaaɔ̃ á tũ idɔ nŋɛ si bɛi wa tũ tu wa.

Timɔtee 2, 2:12

Bii à temua, aa ka jɛ bomma do nŋu ajɔ. Bii à nɔ à kɔ̀siɛ, nŋu mɔ á kɔ̀si wa.

Zaaki 2:5

Iŋɛ baakɔɔm ŋa, i gbɔ. Inɛ ŋa iyi à jɛ ilu are si andunyau ihɛ̃i Ilaaɔ̃ í cica ku ba naanɛ nŋa ku la nɔ a baò bommaɛ iyi í wãò inɛ ŋa iyi à buu.

Piɛɛ 1, 5:4

Nɔ waati iyi Kirisi á faata wa, nŋu iyi í jɛ inɛ ngboi woo degbe ŋau, aa gba riba ilu amboe iyi kusĩaɛ kaa tã ŋa.

Kuyɛi Zãa 21:14

À nyɔ icui bindii iluui do kuta maateeji. Si antaiɛi à kɔ irii woo bɛ maateejii ama angudãu.