Luku 22:22 - Bibeli do fee

²² Amu Amai Amanɛ an ku si bɛi Ilaaɔ̃ í jilɔɔ. Amma ijuukpãi inɛ iyi á zambam nɔu á la.

Luku 22:22 Iomraidhean Croise

Kusintii Andunya 3:15

An dasi mbɛɛtɛ si gãmɛi awɔ do abou, do si dimiɛ hee do si dimii abou fei. Dimii abou á lɛgɛ iriɛ, nɔ awɔ mɔ aa mɛɛ cicĩisɛɛ.

Zakari 13:7

Aɔ̃ Lafɛ̃ɛi lele do ilɛ í ni, taakuba, cuku si woo degbe inɛm ŋa, nŋu iyi ǹ jɔ̀ í jɛ minjisiam. Kpa woo degbeu nɔ angudã ŋau a fangaa bii fei, nɔ n cuku si iyi a kù nɛ gbugbã ŋau mɔ.

Matie 26:24

Amu Amai Amanɛ an ku si bɛi kukɔi idei Ilaaɔ̃ wa fɔ. Amma inɛ iyi á zambam á yɛ ijuukpã nla nla. Á tiaa inɛɛu bii í jɛ a kù buu mɔm wo.

Matie 27:5

Ŋɔi Zudasi í nyɔ fiau si kpasɛ̃i Ilaaɔ̃ bɛ í nɛɛ. Nɔ í koo í dasi kɔ̃ɔɛ ikũ lele í kpa araɛ.

Maaku 14:21

Do ntɔ amu Amai Amanɛ an ku si bɛi kukɔi idei Ilaaɔ̃ wa fɔ. Amma inɛ iyi á zambam á yɛ ijuukpã nla nla. Á tiaa inɛɛu bii í jɛ a kù búu mɔm wo.

Luku 22:23

Ŋɔi à sinti ku bee njɛ à waa ni, yooi á yɔkɔ ku ce dimiɛ si inɔ nwa.

Luku 24:46

Nɔ í sɔ̃ ŋa í ni, bɛɛbɛi à kɔɔ à ni amu iyi Ilaaɔ̃ í cica an yɛ ijuukpã. Aa kpam, amma an jĩ hai si balɛ si ajɔ mɛɛtasia.

Laabaau jiida iyi Zãa í kɔ 17:12

Waati iyi ǹ wɛɛ do aŋa ǹ degbe ŋa do gbugbãɛ iyi ì nam nɔu. Ǹ degbe ŋa nɔ si inɔ nŋa baa inɛ akã kù ce nfe, í gbe amai nfe ku ceu nŋu akã ku ba kukɔi ideɛ ku kɔ̃.

Woo bɛ ŋa 10:42

Nɔ í dasi wa ka maa waazoa inɛ ŋa, nɔ ka jɛa inɛ ŋa sɛɛda iyi nŋui Ilaaɔ̃ í cica ku kiiti ilu hunde do iku ŋa.

Woo bɛ ŋa 17:31

Nɔ í jilɛ ajɔ si bii inɛ iyi í cicau á kiitiò inɛi andunya ŋa fei nɔ kiitiɛu dee deei á jɛ. Nɔ í jũu tã hai si balɛ ku ba ku nyisi inɛ fei iyi inɛ bɛ á na ku cei.

Woo bɛ ŋa 2:23

Jesuu, Ilaaɔ̃ takaɛi í lasabu hai sinte í jilɔɔ si a daa inɛ ŋa si awɔ. Nɔ iŋɛi ì daa ilu dulum ŋa si awɔ ì jɔ̀ à kpakpaɛ si jĩi ku gaau à kpaa ŋa.

Piɛɛ 1, 1:11

Hundei Kirisiu í wa si ŋa nɔ í sɔ̃ ŋa do njuma iyi Kirisi á ba ijuukpã, nɔ si anyiɛ á ba amboe. Nɔ à ce himma ku ba a mà waatiu do kpãa iyi wa fãau.

Piɛɛ 2, 2:3

Na binɛ nŋa aa jɛ ŋɛ takii do ide ŋa iyi aŋa taka nŋa à waa lasabu. Amma hai ku kpɛ woo kiiti nŋa í tã sɔɔlu ku kiiti nŋa. Nŋu mɔi á ce ŋa nfe nɔ kaa kpɛ mɔm.