Luku 22:19 - Bibeli do fee

¹⁹ Si anyii nŋu, í so pɛ̃ɛ nɔ í saabu Ilaaɔ̃ titã í bɛi í bububuɛ, nɔ í na ŋa í ni, iyi ihɛ̃i í jɛ aram [iyi ǹ na na iri nŋɛ. I ya coo ŋa i maa yeò gigim.

Luku 22:19 Iomraidhean Croise

Iri ku kɔ̃ 111:4

Í bi a ya maa ye gigii maamaake ŋa iyi í ce. Aɔ̃ Lafɛ̃ɛ í ya cea inɛ didɔ̃ nɔ í nɛ araare.

Iri ku kɔ̃ iyi í dɔ̃ í re 1:4

Mu awɔm i fam nɔ ka sɛi ajɔ. Awɔi ì jɛ ilaalum, gbãm i bɔòm ilaawaɛ. ka kpɛ̃ ididɔ̃ nla nla na iriɛ. Ka kɔ̃ iri na kubiɛ iyi í re vɛ̃ɛ didɔ̃. Mudɛ̃ɛ ŋa à nɛ ntɔ a nɛ kubiɛ.

Ezekiɛli 37:11

Aɔ̃ Lafɛ̃ɛ í ni má, awɔ amanɛ, cɔ kũkũ ŋau bɛ fei, inɛi Izirɛli ŋa mbɛ. Inɛi Izirɛli ŋau à ni, à yɛi bɛi kũkũ ngbɛ, kpãa ku cɔ nwa í leekĩ, a kaa ka yɔkɔ ka ce nkãma má.

Ezekiɛli 5:5

Aɔ̃ Lafɛ̃ɛ í ni, mii iyi á ba Zeruzalɛmu ilu iyi ǹ jilɛ si aninii dimi ŋa nɔ ǹ jɔ̀ ilɛ mmu ŋa à kaakoɛu mbɛ.

Daniɛli 2:38

Nŋui í so amanɛ ŋa do mɛɛmui sako ŋa do yɛi ŋa í daaɛ si awɔ ku ba aŋa fei à maa sũɛ iri ilɛ tengi bii à wa fei. Awɔi ì jɛ iri iyi à ce do wura alalau.

Matie 14:19

Nɔ í ni zamaau ku buba si fɔfɔu, nɔ í so pɛ̃ɛ ara miiu do cɛ̃ɛ minjiu, í wu iju lele í saabu Ilaaɔ̃. Nɔ í bububu pɛ̃ɛ ŋau í na mɔcɔɛ ŋau nɔ aŋa mɔ à kpɛ̃a zamaau.

Matie 15:36

Nɔ í so pɛ̃ɛ ara mɛɛjeu do cɛ̃ɛ ŋau, í saabu Ilaaɔ̃ titã í bɛi í bububuɛ í na mɔcɔɛ ŋa a kpɛ̃ nŋa. Ŋɔi à kpɛ̃a inɛ ŋau.

Luku 22:17

Iyi í fɔ bɛɛbɛ í tã, ŋɔi í so kɔɔfu í saabu Ilaaɔ̃ nɔ í sɔ̃ mɔcɔɛ ŋa í ni, i gba vɛ̃ɛ iyi í wa si kɔɔfuu ihɛ̃ i mɔ iŋɛ fei.

Luku 22:20

Iyi à jɛ à tã ŋɔi í so kɔɔfu má í na ŋa í ni, kɔɔfuu ihɛ̃i í jɛ nyindai akabuu titɔ̃ iyi Ilaaɔ̃ í dĩ do njɛm iyi á nikã na iri nŋɛ si ikum.]

Luku 24:30

Ŋɔi aŋaò ŋa à waa jɛ. Waati iyi à waa jɛu ŋɔi í so pɛ̃ɛ í ce si kutɔɔ í bɛi í bububuɛ nɔ í na ŋa.

Laabaau jiida iyi Zãa í kɔ 6:23

Waati bɛɛbɛ, akɔi inyi gɔ ŋa mɔ à naa hai Tiberia nɔ à to inyau. Tengi bɛi Lafɛ̃ɛ Jesu í tako í saabu Ilaaɔ̃ í bɛi í na ŋa pɛ̃ɛ à jɛu.

Laabaau jiida iyi Zãa í kɔ 6:51

Amui ǹ jɛ ijɛi kuwɛɛ. Hai lelei Aɔ̃i ǹ kita wa. Nɔ inɛ iyi í ba ijɛu í jɛ fei í nɛ kuwɛɛ hai tã. Ijɛui í jɛ aram. An náai ku ba inɛi andunya ŋa a maa wɛɛò.

Kɔrɛnti 1, 10:16

Si ijɛi Lafɛ̃ɛ, kɔɔfu iyi à ya ka so ka saabuò Ilaaɔ̃ wa nyisi iyi à nɛ ikpɛ̃ si njɛi Kirisi. Nɔ pɛ̃ɛ iyi à ya ka so ka buu wa nyisi iyi à nɛ ikpɛ̃ si arai Kirisi, mà irei.

Kɔrɛnti 1, 10:4

Nɔ aŋa fei inyi dimi akãi à mɔ. Inyiu Ilaaɔ̃i í jɔ̀ í fita hai si kuta. Kutau í ya maa too ŋai. Nɔ Kirisii í jɛ kutau.

Galati 1:4

Jesu Kirisi í na araɛ na irii dulum du wa ku ba ku nya wa hai si kuce laalɔi andunyau ihɛ̃. Bɛɛbɛi í ce í ceò idɔɔbii Ilaaɔ̃ Baa nwa.

Efɛɛzu 5:2

I jɔ̀ kucei kuwɛɛ nŋɛ kú nyisi kubi bɛi Kirisi í bi wa, nɔ í na kuwɛɛɛ na iri nwa. Kuwɛɛɛ iyi í nau nŋui í jɛ kuwee jiida iyi inunuɛ í dɔ̃a Ilaaɔ̃ si.

Tɛsalonika 1, 5:18

Bɛi í jɛò fei i saabu Ilaaɔ̃ ŋa. Bɛɛbɛi Ilaaɔ̃ í bi i ce ŋa si kuwɛɛ nŋɛ do Jesu Kirisi.

Titee 2:14

Í so araɛ í na na iri nwa ku ya wa hai si laalɔ baa yooma fei, nɔ ku ce wa inɛ kumá ŋa ka na ka jɛ bɛi dimi akã iyi á jɛ titi nŋu akã nɔ ka jɛ ilu himma ka maa ceò icɛ jiida.

Piɛɛ 1, 2:24

Kirisi takaɛ í so dulum du wa si araɛ si jĩi ku gaauu ku ba ka jɛ bɛi iku si wajui dulum, nɔ ka ce kuwɛɛ nwa dee dee. Do saabui kumɛɛɛ ŋai à baò iri.