Luku 22:18 - Bibeli do fee

¹⁸ Amma ǹ wa n sɔ̃ ŋɛi, hai nsɛi amu n kaa n mɔ vɛ̃ɛ má hee andunya titɔ̃i Ilaaɔ̃ koo toò wa.

Luku 22:18 Iomraidhean Croise

Iri ku kɔ̃ 104:15

nɔ ku ba atɛ̃ vɛ̃ɛ iyi á jɔ̀ ku wɛɛò inɔ didɔ̃, do ikpo iyi á jɔ̀ wajuɛ ku maa daana, do sɔnda iyi á jɔ̀ ku ba gbugbã.

Iri ku kɔ̃ iyi í dɔ̃ í re 5:1

ǹ lɔ si inɔ lambom awɔ wecĩm, awɔ iyi à ceem kuwãɛ. Ǹ ka isoi miru do isoi jĩi mmu ŋa iyi à nɛ inunu jiida ŋau. Ǹ jɛ nyikɔ̃ fãfãm, nɔ ǹ mɔ vɛ̃ɛm do amɔm. I jɛ ŋa iŋɛ iyi i bi njɛ ŋa, i mɔ ŋa hee kubiu ku kpa ŋɛ bɛi atɛ̃ vɛ̃ɛ.

Ezai 25:6

Aɔ̃ Lafɛ̃ɛi lele do ilɛ á cea zamaau fei jingau do sɔnda didɔ̃ ŋa si iri kutau ihɛ̃. Á ce jingaui do atɛ̃ vɛ̃ɛ ncɛɛ, do sɔnda didɔ̃ ŋa, do iŋa ku nɛ lompi, do atɛ̃ vɛ̃ɛ jiida iyi wa maaju ntɔ ntɔ.

Ezai 55:1

Iŋɛ iyi agbɛ wa kpa fei, i naa wa tengi bii inyi í wa ŋa. Baa inɛ iyi kù nɛ fia, ku naa wa. I naa wa i naa i gba i jɛ ŋa, kù nɛ fia ku sã. I naa wa i naa i gba vɛ̃ɛ do amɔ ŋa hai nɛ fia ku sã.

Daniɛli 2:44

Si waatii ilaalu ŋau bɛ, Ilaaɔ̃ Lafɛ̃ɛi lele á jilɛ bomma gɔ iyi kaa ce nfe ajɔ kãma, nɔ kaa jɛ arui dimi mmu kãma gɔ má. Bommau á lɛgɛ bomma ŋa iyi à cuaa wa ŋau feii, nɔ ku kpa irii kuwɛɛ nŋa. Bommau á maa wɛɛi hee do ajɔ fei.

Zakari 9:15

Amu Aɔ̃ Lafɛ̃ɛi lele do ilɛ, an degbe inɛm ŋa. Aa jɛ sɔnda nɔ aa tɛɛsɛ kuta iyi à ta í haata. Aa mɔ atɛ̃ vɛ̃ɛ nɔ a maa dɔ̃ anu. Atɛ̃ vɛ̃ɛu á kpɔ bɛi kukpɔi njɛi kuwee iyi í wa si jɛɛi kuwee do si antaii gontai bi kuweeu.

Zakari 9:17

Ilɛu á jɛ jiida nɔ á sĩa. Sɔnda do atɛ̃ jiida á muaa awaasũ do mudɛ̃ɛ ŋa gbugbã.

Matie 16:18

Amui ǹ wa n sɔ̃ɛ iyi awɔ Piɛɛi, waatɔ kuta. Si antaii kutaui an jilɛ igbɛm, nɔ baa iku takaɛ kaa yɔkɔ ku ganji igbɛu.

Matie 26:29

An sɔ̃ ŋɛ, hai nnyi n kaa n mɔ atɛ̃ vɛ̃ɛ má í gbe hee ajɔ iyi awaɛ ŋa fei aa ka mɔ vɛ̃ɛ titɔ̃ si bommai Baam.

Maaku 14:23

Ŋɔi í so kɔɔfu má si bii à dasi vɛ̃ɛ í saabu Ilaaɔ̃ nɔ í na ŋa aŋa fei à mɔ.

Maaku 14:25

Ntɔ ntɔ, n kaa n mɔ atɛ̃ vɛ̃ɛ má í gbe hee ajɔ iyi an mɔ vɛ̃ɛ titɔ̃ si bommai Ilaaɔ̃.

Maaku 15:23

Nɔ à ná Jesu atɛ̃ vɛ̃ɛ iyi à yɔgɛɛ do iwɔ iyi à ya kpe miru, amma í kɔ̀ ku mɔɔ.

Maaku 9:1

Ŋɔi Jesu í sɔ̃ ŋa má í ni, ntɔ ntɔ, inɛ ŋa iyi à wa ihɛ̃ si nsɛi, gɔgɔ nŋa ŋa aa yɛ bommai Ilaaɔ̃ wa naa do gbugbã a bɛi a ku.

Luku 21:31

Bɛɛbɛ mɔi bii iŋɛ mɔ ì yɛ mii ŋau bɛ wa ce, i mà ŋa iyi bommai Ilaaɔ̃i í maai wa.

Luku 22:16

Nɔ ntɔ ntɔ ǹ wa n sɔ̃ ŋɛi, n kaa n jɛ jingau ihɛ̃ má bii kù jɛ si bommai Ilaaɔ̃.

Luku 9:27

Ntɔ ntɔ, inɛ ŋa iyi à wa ihɛ̃ si nsɛi, gɔgɔ nŋa ŋa aa yɛ bommai Ilaaɔ̃ wa naa a bɛi a ku.

Kolosee 1:13

Do ntɔi í nya wa hai si awɔ gbugbãi ilu kuku nɔ í buba wa si bommai Amaɛ iyi í bi.

Woo kiiti ŋa 9:13

Amma nŋu mɔ í jɛ nŋa má í ni, ì tamaa an jɔ̀ vɛ̃ɛ iyi í ya jɔ̀ iwɛ̃ ŋa do amanɛ ŋa a nɛ inɔ didɔ̃ n na n jɛ ilaalu nŋɛi?