Luku 22:15 - Bibeli do fee

¹⁵ Ŋɔi Jesu í sɔ̃ ŋa í ni, ǹ bi ntɔ ntɔ n ce jingaui Iku ku kuau ihɛ̃i awaɛ ŋa n bɛi n yɛ ijuukpãm nɔu.

Luku 22:15 Iomraidhean Croise

Luku 12:50

Nɔ inyi ku dasi gɔ í wɛɛ kù nɛ bɛi á ce iyi n kù coo. Nɔ laakaim kaa jɛ akã í gbe hee bii í ce.

Luku 22:14

Iyi waatiu í to, Jesu do mɔcɔɛ ŋau à bɔ tengi bii à ce sɔɔluu, nɔ à buba à waa jɛ.

Luku 22:16

Nɔ ntɔ ntɔ ǹ wa n sɔ̃ ŋɛi, n kaa n jɛ jingau ihɛ̃ má bii kù jɛ si bommai Ilaaɔ̃.

Laabaau jiida iyi Zãa í kɔ 13:1

Ajɔ iyi bii iju í má á jɛ jingaui Iku ku kuau í to. Nɔ Jesu í mà iyi waatii nŋu í to mbɛ nŋu ku nɛ hai andunya nŋu ku bɔ bi Baai nŋu. Hai sinte hee ku baa nsɛi í nɛ kubii inɛɛ ŋa si andunya, nɔ kubi nŋa iyi í nɛu í bɔòi hee kɔɔ.

Laabaau jiida iyi Zãa í kɔ 17:1

Iyi Jesu í fɔ bɛɛbɛ í tã, ŋɔi í wu iju lele í ni, Baaba, awaati í to. Jɔ̀ amu Amaɛ n nɛ amboe ku ba amu mɔ n jɔ̀ i nɛ amboe,

Laabaau jiida iyi Zãa í kɔ 4:34

Nɔ Jesu í sɔ̃ ŋa í ni, ijɛm nŋui í jɛ n ce idɔɔbii inɛ iyi í bɛm wa nɔ n kpa irii icɛɛ iyi í dasim.