Luku 21:8 - Bibeli do fee

⁸ Ŋɔi Jesu í sɔ̃ ŋa í ni, i ce laakai ŋa i maà jɔ̀ inɛ gɔ ku dĩ iju nŋɛ, domi inɛ ŋa iyi aa na a maa naa akã akã a maa ni aŋai à jɛ inɛ iyi Ilaaɔ̃ í cicau aa kpɔ. Nɔ aa nyi a sɔ̃ ŋɛ má a ni, waatiu í maai wa mbɛ. Amma i maà too ŋa ŋa.

Luku 21:8 Iomraidhean Croise

Zeremi 29:8

Bɛi Aɔ̃ Lafɛ̃ɛi lele do ilɛ, nŋu iyi í jɛ Lafɛ̃ɛi inɛi Izirɛli ŋa í fɔ wee. Í ni, i maà jɔ̀ walii ŋa iyi à wa bi tu ŋɛ ŋau a sɔ nŋɛ ibo, hee má jɛ woo ce alisi nŋɛ ŋau. I maà ya ceò idei àla ŋa iyi ì waa ce ŋau icɛ ŋa.

Matie 24:11

Walii ilu ibo nkpɔ ŋai aa na a naa a maa wa inyii itĩi inɛ nkpɔ.

Matie 3:2

Í ni, i kpaasi idɔ nŋɛ ŋa domi waati í maai iyi Ilaaɔ̃ á na ku jɛ bommaɛ.

Matie 4:17

Hai waati bɛɛbɛi Jesu í sinti ku waazo, í ni, i kpaasi idɔ nŋɛ si na iyi í jɔ̀ waati í maai wa iyi Ilaaɔ̃ á jɛ bommaɛ.

Luku 17:23

Inɛ gɔ ŋa aa sɔ̃ ŋɛ a ni, í wa ihɛ̃ walakɔ í wa ihɔ̃. I maà sɛi i koo ŋa.

Luku 21:7

Ŋɔi à beeɛ à ni, Mɛɛtu, waati yoomai inɛ nŋu á to wa. Nyinda yoomai aa ka tako ka yɛ.

Luku 21:9

Bii ì gbɔ à waa fɔ laabaaui igũ ŋa do ija ŋa, i maà jɔ̀ zigi nŋɛ ku da, domi nŋu ŋau bɛi á tako ku to wa. Amma kù jɛ iri ku kpai andunyau bɛ titã.

Laabaau jiida iyi Zãa í kɔ 5:43

Do irii Baam nii ǹ naa, nɔ i kù gbam ŋa. Amma bii inɛ gɔ njɛ í naa do irii arai nŋu takaɛ, lafɛ̃ɛi aa gba ŋa.

Laabaau jiida iyi Zãa í kɔ 8:24

Na ŋɔi í ce ǹ ni aa ku si dulum du ŋɛ ŋa. Ntɔ ntɔ, bii i kù dasi naanɛ ŋa iyi amui ǹ jɛ inɛ iyi Ilaaɔ̃ í cicau aa ku si dulum du ŋɛ ŋai.

Laabaau jiida iyi Zãa í kɔ 8:28

Ŋɔi Jesu í ni, ajɔ iyi aa so Amai Amanɛ i kɔaɛ lele ŋa, ajɔ nŋui aa mà ŋa iyi amui ǹ jɛ inɛ iyi Ilaaɔ̃ í cica. Nɔ ajɔ nŋui aa mà ŋa má iyi n kù wa n ce ngɔgɔ do aram. Ide iyi Baaba í sɔ̃m nŋu akãi ǹ wa n sɔ̃ iŋɛ mɔ.

Kɔrɛnti 1, 6:9

Iŋɛ, i kù mà ŋa iyi woo ce laalɔ ŋa a kaa ba tubu si bommai Ilaaɔ̃? I maà jɔ̀ a dĩ iju nŋɛ. Woo ce adɛi abo yaamɔ do woo tɔɔ iwɛ̃ ŋa do woo ce sakara ŋa do inɛ ŋa iyi à waa sũò inɛmɔkɔ kpaasi ŋa

Efɛɛzu 5:6

I maà ya jɔ̀ inɛ gɔ ku dĩ iju nŋɛ do ide nfe, domi na nŋu bɛi í jɔ̀ idɔɔkɔ̃i Ilaaɔ̃ wa naa si irii inɛ ŋa iyi a kù waa jirimaɛ.

Tɛsalonika 2, 2:3

I maà jɔ̀ inɛ gɔ ku dĩ iju nŋɛ si ide kãma. Ajɔi Lafɛ̃ɛu ku bɛi ku to wa inɛ nkpɔi á fũsi naanɛ ku dasiɛ awɔ. Si anyii nŋu, inɛ iyi wa ba Ilaaɔ̃ ku jau á faata wa, nŋu iyi í jɛ amai nfe ku ce.

Timɔtee 2, 3:13

Amma inɛ laalɔ ŋa do woo sɔ ibo ŋa waati kãma fei laalɔ nŋa í ya maa kɔ̃ɔsii. Si bɛi à waa dĩ ijui inɛ gɔ ŋa, bɛɛbɛ mɔi à waa dĩ ijui ara nŋa.

Zãa 1, 4:1

Iŋɛ baakɔɔm ŋa, i maà ya naanɛ inɛ ŋa iyi à ya ni aŋa à nɛ Hundei Ilaaɔ̃ fei, amma i cɔ yaase nŋa mà à jɛ ti Ilaaɔ̃ ntɔ ntɔ, domi walii ilu ibo ŋa à waa kɔ̃i si andunyau ihɛ̃.

Zãa 2, 1:7

Woo wa inyii itĩ nkpɔi í fangaa si andunya, inɛ ŋa iyi a kù jɛsi iyi Jesu Kirisi í baa í jɛ amanɛ. Inɛ iyi wa ce bɛɛbɛ, woo wa inyii itĩi inɛi do mbɛɛi Kirisi.

Kuyɛi Zãa 1:3

Inɛ iyi wa cio idei waliiu ihɛ̃ do inɛ ŋa iyi à waa gbɔɔ nɔ à waa jirimaɛ, ilu inɔ didɔ̃ ŋai domi awaatiu í maai wa.

Kuyɛi Zãa 12:9

Ŋɔi à nyɔ akandama nla nlau wa ilɛ. Akandamaui í jɛ njo iyi í wɛɛ hai tako. Nŋui à ya kpe woo yɛ taalei inɛ walakɔ Seetam. Nɔ nŋui í dĩ ijui inɛi andunya ŋa fei. À nyɔɔ wa ilɛ do amalekaɛ ŋa ajɔ.