Luku 21:6 - Bibeli do fee

⁶ mii ŋau bɛ iyi ì waa yɛ fei ŋa ajɔ akã á kpa iri. Kuta baa akã kaa na ku maa lesi njɛ bɛ má, aa kɛkɛɛ mbɛ fei.

Luku 21:6 Iomraidhean Croise

Zeremi 26:18

si waatii Ezekiasi ilaalui Zudaa, walii gɔ í wɛɛ iyi à ya kpe Misee inɛi Moresɛti. Nŋui í ce walii í sɔ̃ zamaai Zudaa fei í ni, ide iyi Aɔ̃ Lafɛ̃ɛi lele do ilɛ í fɔ wee. Í ni, Siɔ̃ɔ á na ku yɛi bɛi iko iyi à logoo à nya fiiɛ, Zeruzalɛmu mɔ bɛi ilu iyi í cuku í ce geete, nɔ iri kuta bii kpasɛ̃i Aɔ̃ Lafɛ̃ɛ í wau mɔ á ce agboi, fɔfɔ ku biiɛ fei.

Zeremi 26:6

Bii i kù waa jɛ ku gbɔ idem ŋa, an lɛgɛ kpasɛ̃i amu Aɔ̃ Lafɛ̃ɛu ihɛ̃i bɛi ǹ lɛgɛ ti Siloou. Nɔ an jɔ̀ Zeruzalɛmu ku baa ku jɛ yaase iyi inɛi andunya fei á ya so ku ceekpeò.

Zeremi 26:9

Bɛirei í ce ì jɛ ì waa ce walii do irii Aɔ̃ Lafɛ̃ɛ ì waa ni, aa lɛgɛ kpasɛ̃i Aɔ̃ Lafɛ̃ɛu ihɛ̃ bɛi à lɛgɛ ti Siloou nɔ iluu ihɛ̃ ku baa ku kpɔò bomma inɛ kãma kaa wa si. Ŋɔi zamaau fei í naa í tɔtɔɔ í kaako Zeremi si bantumai kpasɛ̃i Aɔ̃ Lafɛ̃ɛu.

Kukpata 4:1

Ee, bɛirei í ce wurai kpasɛ̃i Aɔ̃ Lafɛ̃ɛ iyi wa daanau, kù waa daana má, wura alalau í bɛjɛ. Kuta ŋa iyi à maò kpasɛ̃i Aɔ̃ Lafɛ̃ɛu à fangaa bii fei.

Kukpata 5:18

si na iyi í jɔ̀ iri kutai Siɔ̃ɔ í baa í ce gbaa, nɔ í baa í jɛ bi kuwai akã ŋai.

Misee 3:12

Na nŋu, na iri nŋɛ, Siɔ̃ɔ á yɛi bɛi ilɛ iyi à fa. Zeruzalɛmu á kpɔò bomma. Nɔ bɛɛbɛi iri kuta kumá bii kpasɛ̃i Ilaaɔ̃ í wau á baa ku yɛi bɛi agbo.

Zakari 11:1

Iŋɛ inɛi ilɛi Libãa ŋa i ce sɔɔlui kiiti nŋɛ, domi Aɔ̃ Lafɛ̃ɛ á jɔ̀ ina kú jo jĩi jiida nŋɛ ŋa iyi à ya kpe sɛɛdi.

Zakari 14:2

Si ajɔ nŋu, Aɔ̃ Lafɛ̃ɛ á tɔtɔɔ dimi ŋa a koo a ce igũ si ilui Zeruzalɛmu. Aa jɛ iluu igũ, nɔ a bɛjɛ kpasɛ̃ nŋa ŋau. Aa sũò inaabo nŋa ŋa do gbugbã. Nɔ a mu inɛ bubu ŋa a koo a jɛ aru. Amma inɛ mbɔ ŋa aa gbe si iluu.

Matie 24:2

Ŋɔi í sɔ̃ ŋa í ni, ì waa yɛ mii ŋau bɛ fei ŋa ya. Ntɔ ntɔ ǹ wa n sɔ̃ ŋɛi, kuta baa akã kaa na ku maa lesi njɛ bɛ má, aa kɛkɛɛ mbɛ fei.

Maaku 13:2

Ŋɔi Jesu í ni, ì waa yɛ ile nla ŋau ihɛ̃? Kuta baa akã kaa na ku maa lesi njɛ bɛ má, aa kɛkɛɛ mbɛ fei.

Luku 21:7

Ŋɔi à beeɛ à ni, Mɛɛtu, waati yoomai inɛ nŋu á to wa. Nyinda yoomai aa ka tako ka yɛ.