Luku 21:36 - Bibeli do fee

³⁶ Na nŋu, i cɔ kpãa i maa ceò kutɔɔ ŋa waati kãma fei ku ba i ba gbugbã i gbã si mii iyi wa naa fei ŋa, nɔ i yɔkɔ i leekĩ si wajui amu Amai Amanɛ ŋa.

Luku 21:36 Iomraidhean Croise

Zɔɔbu 27:10

Á nɛ inɔ didɔ̃ si Ilaaɔ̃ ilu gbugbã fei? Á maa tɔɔ Ilaaɔ̃ waati kãma fei?

Iri ku kɔ̃ 1:5

Na ŋɔi í ce ilu inɔ kukã ŋa a kaa ba a fita si ajɔi kiitiu. Nɔ ilu dulum ŋa mɔ a kaa yɔkɔ a wa si igbɛi inɛ dee dee ŋa.

Zeremi 35:19

amu Aɔ̃ Lafɛ̃ɛi lele do ilɛ, Lafɛ̃ɛi inɛi Izirɛli ŋa, ǹ wa n sɔ̃ ŋɛi, Yonadabu amai Rekabu kaa kua tɔkuɛ gɔ iyi á ya maa ceem icɛ.

Malasi 3:2

Yooi á yɔkɔ ku leekĩ dim dim si ajɔ iyi á to wa. Mà yooi á yɔkɔ ku leekĩ waati iyi á faata wa, domi á yɛi bɛi ina iyi wa yɔ isɔ. Nɔ ku yɛ bɛi acɛ jiidai woo fɔ jĩnɛ ŋa.

Matie 24:42

Na nŋu, i wɛɛò sɔɔlu ŋa, domi i kù mà ajɔ iyi Lafɛ̃ɛ nŋɛ á nyi wa.

Matie 24:43

I gbɔ iyi ihɛ̃ má ŋa. Bii ilu kpasɛ̃ í mà idũ zaka bɛi ile á naa, á dede ku wɔ njoo, kaa jɔ̀ ile ku lɛgɛ gamboɛ.

Matie 24:44

Na nŋu, iŋɛ mɔ, i wɛɛò sɔɔlu ŋa, domi amu Amai Amanɛ an nyi wa si waati iyi i kù waa tamaa ŋa.

Matie 25:13

Ŋɔi Jesu í ni má, to, na nŋu, i maa cɔ kpãa ŋa domi i kù mà ajɔ iyi an nyi wa ŋa hee má jɛ waatiu.

Matie 26:41

I wɔ njoo nɔ i maa ce kutɔɔ ŋa ku ba i maà na i dasi kulɛlɛi inɛ ŋa. Idɔi amanɛ í bi, amma araɛ í kua gbugbãɛ.

Matie 8:20

Nɔ Jesu í sɔ̃ɔ í ni, mɛɛmu ŋa à nɛ kolo ŋa nɔ baa yɛi ŋa mɔ à nɛ bi ku sũ. Amma amu Amai Amanɛ n kù nɛ bii an koo n sũ n sĩmi.

Maaku 13:33

I ce laakai ŋa, nɔ i ya maa cɔ kpãa ŋa, si na iyi í jɔ̀ i kù mà waati iyi ajɔu á to wa ŋa.

Maaku 13:37

Ide iyi ǹ wa n sɔ̃ ŋɛu ihɛ̃, nŋu mɔi ǹ wa n sɔ̃ inɛ fei. I máa cɔ kpãa ŋa.

Luku 1:19

Ŋɔi amalekau í jɛaa í ni, amui Gabiɛli. Amui ǹ ya n wa bi Ilaaɔ̃ n maa n ceaa icɛ. Nŋui í bɛm wa n na n baɛ ide ku fɔ nɔ n sisiɛ laabaau jiidau ihɛ̃.

Luku 18:1

Jesu í kpa nŋa mɔndau ihɛ̃ ku nyisi ŋa iyi í sĩa a maa ce kutɔɔ waati kãma fei, gbɛɛji ku maà wa si.

Luku 20:35

Amma inɛ ŋa iyi Ilaaɔ̃ í jɔ̀ à jĩ hai si balɛ à ba kuwɛɛi ala, abo do mɔkɔ ŋa a kaa ya so njɛ má.

Luku 21:35

domi á na ku ba inɛ ŋa iyi à wa si andunyau ihɛ̃ fei.

Woo bɛ ŋa 10:2

Mɔkɔu wa too Ilaaɔ̃ nɔ í ya maa jirimaɛ ntɔ ntɔ, nŋu do nyaanzeɛ ŋa fei. Í ya maa ce kutɔɔ waati kãma fei, í ya nɔ ku sobi ilu arei Zuifu ŋa ntɔ ntɔ.

Kɔrɛnti 1, 16:13

I ce laakaii ara nŋɛ, i leekĩ si naanɛ ku dasi dim dim ŋa. I ce wɔɔkɔ ku ba i ba gbugbã ŋa.

Kɔrɛnti 2, 4:14

À mà do ntɔ, inɛ iyi í jĩ Lafɛ̃ɛ Jesu hai si balɛ, á jĩ wa do Jesu ajɔ nɔ kú jɔ̀ awaɛ ŋa ka kò si wajuɛ.

Kolosee 4:2

I temua si kutɔɔ ŋa, i ya maa tɔɔ Ilaaɔ̃ waati kãma fei nɔ i maa saabuɛ ŋa.

Tɛsalonika 1, 5:17

I ce kutɔɔ hai nɛ kɔɔ ŋa.

Timɔtee 2, 4:5

Amma awɔ, mu araɛ si mii fei, temua do ijuukpã, ce icɛi laabaau jiidau ku waazoɛ, nɔ i jɔ̀ icɛi idei Ilaaɔ̃ iyi ì waa ce ku kɔ̃ mam mam.

Piɛɛ 1, 4:7

Kɔɔi mii fei í maai wa. Na nŋu, i mu ara nŋɛ do laakai, nɔ i jɔ̀ hunde nŋɛ ku wɔ njoo ku ba i yɔkɔ i ce kutɔɔ ŋa.

Piɛɛ 1, 5:8

I mu ara nŋɛ ŋa, i jɔ̀ hunde nŋɛ ku wɔ njoo, domi Seetam mbɛɛ nŋɛi, í dabii wa dɔ̃ anu bɛi muusu nla, wa dɛdɛ inɛ iyi á ŋɔ.

Zãa 1, 2:28

Nsɛi, iŋɛ amam ŋa, i jɔ̀ i nɛ anu akã do Kirisi ŋa, ku ba ajɔ iyi á faata wa ka nɛ idɔ ku buba, nɔ anyɔ ku maà mu wa si wajuɛ si ajɔ iyi á nyi wau.

Zudu 1:24

Ilaaɔ̃ nŋu akãi í jɛ woo faaba nwa, nŋu iyi á yɔkɔ ku degbe ŋɛ i maà na i cuku ŋa, nɔ ku jɔ̀ i naa si amboeɛ ŋa do inɔ didɔ̃, lɛɛfi ku maà wa si. Amboe do jirima do gbugbã do yiiko ku jɛ tɛɛ hai sinte, do nsɛi, hee do ajɔ fei na saabui Lafɛ̃ɛ nwa Jesu Kirisi. Ami.

Kuyɛi Zãa 11:4

Woo jɛ sɛɛda minji ŋaui à yɛ bɛi jĩi ndii olivi minji do bi ku lesi fitila minji iyi wa leekĩ si wajui Ilaaɔ̃ Lafɛ̃ɛi ilɛu fei.

Kuyɛi Zãa 6:17

I bii wa ŋa si na iyi í jɔ̀ ajɔi idɔɔkɔ̃ nla nla nŋau í to wa. Yooi á yɔkɔ ku leekĩ si waju nŋa.

Kuyɛi Zãa 7:9

Si anyii nŋu, nɔ ǹ cɔ ilu má nɔ ǹ yɛ zamaa nla nla iyi inɛ gɔ kaa yɔkɔ ku ka. À fita wa hai ilɛ fei do si dimi fei do si fee ikã ikã fei. Aŋa fei à waa leekĩ si wajui kitãu do ama angudãu, à waa dasi jĩnɛ fũfũ nɔ à waa mu wuai kpakpa si awɔ nŋa.

Kuyɛi Zãa 8:2

Si anyii nŋu, nɔ ǹ yɛ à na amaleka mɛɛje ŋa iyi à ya maa leekĩ si wajui Ilaaɔ̃u kãakãakĩ mɛɛje.