Luku 21:34 - Bibeli do fee

³⁴ I ce laakaii ara nŋɛ ŋa ku ba i maà na i jɛ hai nɛ laakai ŋa na atɛ̃ ku mɔ do ijɛ ku bi do lasabui mii ndii andunya ŋa. Bii kù jɛ bɛɛbɛ ajɔu á na ku boe ŋɛi bɛi cɛkũm,

Luku 21:34 Iomraidhean Croise

Kusintii Andunya 19:32

Naa wa ka sɔ baa nwau atɛ̃ vɛ̃ɛ ku ba ku sũò wa ku ba dimiɛ ku maà na ku kpa iri.

Kusintii Andunya 19:35

Ŋɔi à sɔ baa nŋau atɛ̃ vɛ̃ɛu má idũu, nɔ ifɔu mɔ í koo í ba baau ku sũ. Baau kù mà waati iyi amau í na í sũ hee má jɛ waati iyi í dede.

Kusintii Andunya 27:14

Zakɔbu í koo í mu iwo ŋau í naaò ŋa wa bi iyeɛ. Iyeu í banda ŋa si bɛi Izaaki í ya biu.

Iri ku kɔ̃ 35:8

Jɔ̀ wahala ku ba ŋa a maà mà. Jɔ̀ taa iyi à léem nɔu ku mu ŋa ku ba a cuku nɔ a maa wa si wahala.

Mɔnda ŋa 21:4

Ara ku so do inɛ ku dondai í ya nyisi dulum dii inɛ laalɔ ŋa.

Mɔnda ŋa 23:20

Maà ya wa inɔi woo mɔ atɛ̃ ŋa do woo jɛ sɔnda ku lɔ zaka ŋa,

Woo lasabu 9:12

Iyi í re mɔm, amanɛ kù mà ajɔi ikuɛ. Iku í ya naa si amanɛi ku zambaɛ bɛi à ya zamba cɛ̃ɛ ŋa do taao do bɛi taa í ya zamba yɛi ŋa.

Ezai 28:7

Inɛ ŋa iyi à mɔ atɛ̃ vɛ̃ɛ, à ya maa koosɛi, nɔ atɛ̃ ku nɛ gbugbã ŋa, à ya jɔ̀ inɛ ŋa a nyɔi. Woo wee do walii ŋa à waa koosɛi na atɛ̃ ku nɛ gbugbã ŋau. Atɛ̃ vɛ̃ɛu í la si ŋai ntɔ ntɔ, nɔ atɛ̃ ku nɛ gbugbã ŋaui í jɔ̀ à waa nyɔ. À ya nyɔ mɔm nii si kuyɛ nŋau, nɔ a ci ya leekĩ si ide akã.

Ozee 4:11

Sakara ku ce do vɛ̃ɛ titɔ̃ ku mɔi í jɔ̀ zamaam nɔu kù nɛ iri.

Kuwee 10:9

maà mɔ atɛ̃ vɛ̃ɛ, walakɔ mii gɔ iyi aa mɔ ku kpaɛ, awɔ do amaɛ ŋa fei waati iyi ì waa bi i lɔ ile bi kukou ŋa, ku ba i maà ti i na i ku ŋa. Nŋu bɛi í baa í jɛ wooda iyi tɔku nŋɛ ŋa aa na a maa too si hee do ajɔ fei.

Matie 13:22

Inɛ mɔ iyi í gba ideu bɛi si ilɛ ku nɛ agũ ŋau, wa gbɔ ideu amma lasabu bututui mii ŋa iyi wa bitandiɛ do fia ku bi iyi wa dĩ ijuɛ, aŋai à ya ganji ideu ku ce icɛ si inɛɛu.

Maaku 13:9

Amma iŋɛ taka nŋɛ i ce laakai. Aa na a mu ŋɛ a koo a na woo kiiti ŋa, nɔ a tɛ nŋɛ kpɔtɔɔ ile bi kutɔtɔɔ ŋa. Nɔ aa bɔò ŋɛ bi ilaalu ŋa do bi ilu ilɛ ŋa na irim ku ba i jɛ nŋa sɛɛda ŋa.

Maaku 4:19

amma lasabu bututui mii ŋa wa bitandi ŋa. Fia ku bi wa dĩ iju nŋa nɔ à nɛ kɔdɛɛi mii nkpɔ. Mii ŋau bɛi wa ganji ideu ku ce icɛ si ŋa.

Luku 10:41

Ŋɔi Lafɛ̃ɛ í jɛaa í ni, Maata, Maata, ì jɔ̀ zigiɛ wa da nɔ ì waa mante araɛ na mii nkpɔ.

Luku 12:40

Iŋɛ mɔ, i ce sɔɔlu ŋa domi amu Amai Amanɛ, an naai si waati iyi i kù waa tamaa ŋa.

Luku 17:3

I ya ce laakaii njɛ ŋa. Bii kpaasiɛ gɔ í na í ce kurara bi tɛɛ, sɔ̃ɔ ide do laakai i nyisiɛ taaleɛ. Bii í kpaasi idɔ, kpa idei kuraraɛ.

Luku 21:35

domi á na ku ba inɛ ŋa iyi à wa si andunyau ihɛ̃ fei.

Luku 21:8

Ŋɔi Jesu í sɔ̃ ŋa í ni, i ce laakai ŋa i maà jɔ̀ inɛ gɔ ku dĩ iju nŋɛ, domi inɛ ŋa iyi aa na a maa naa akã akã a maa ni aŋai à jɛ inɛ iyi Ilaaɔ̃ í cicau aa kpɔ. Nɔ aa nyi a sɔ̃ ŋɛ má a ni, waatiu í maai wa mbɛ. Amma i maà too ŋa ŋa.

Luku 8:14

Inɛ gɔ ŋa mɔ à yɛi bɛi inya iyi í nɛ agũ ŋau. Aŋai à gbɔ ideu, amma si bɛi à waa nɛ, zigiida do amani do didɔ̃i andunya ŋai à bii ideu à kpaa, nɔ iso nŋa ŋa kù jĩa.

Kɔrɛnti 1, 5:11

Ǹ ni i maà tɔtɔɔ do inɛ iyi wa kpe araɛ woo dasi Jesu naanɛ nɔ wa ce sakara, walakɔ binɛ, walakɔ iwɛ̃ ku tɔɔ, walakɔ inɛ ku bu, walakɔ í ya mɔ atɛ̃ hee ku kpaa, walakɔ í ya takii inɛ ŋa. Iŋɛò inɛ dimi bɛɛbɛ ŋa i maà ya tɔtɔɔ i jɛ ŋa mɔm.

Kɔrɛnti 1, 6:10

do ile ŋa do ilu binɛ ŋa do woo mɔ atɛ̃ hee ku caa ŋa do woo yaako inɛ ŋa do woo jɛ inɛ takii ŋa a kaa ba tubu si bommai Ilaaɔ̃.

Galati 5:20

do iwɛ̃ ku tɔɔ, do dobu dobu ku ce, do mbɛɛtɛ, do ija, do igu, do idɔɔkɔ̃ yaamɔ, do njɛ ku wã, do kakɔɔ, do njɛ ku fɛɛfɛ,

Wooda ku kɔsi 29:19

Aɔ̃ Lafɛ̃ɛ kaa cea suuru. Aɔ̃ Lafɛ̃ɛ kaa jɛsi mii hai jɛ dee dee iyi inɛɛu bɛ í ce. Á jɔ̀ idɔɔkɔ̃ɛ ku naa siɛi, nɔ idei ikpe ŋa iyi à wa si tiau ihɛ̃ fei, á jɔ̀ ku baai. Nɔ mii iyi á jɔ̀ a ye gigiɛ si ilɛu ihɛ̃ fei, á kpaai.

Filipi 4:6

I maà ya jɔ̀ zigi nŋɛ ku da do ngɔgɔ. Amma si mii fei i ya tɔɔ Ilaaɔ̃ do saabu nɔ i beeɛ bukaatai mii iyi ì bi ŋa.

Ebɛɛ 12:15

I ce laakai ŋa kãma nŋɛ ku maà na ku toa didɔ̃i Ilaaɔ̃ anyi, nɔ i maà jɛ ilu inɔ kuro ŋa, domi inɔ kurou á na ku la nɔ ku tosi inɛ nkpɔ bɛi icãi jĩi í ya yɔ.

Piɛɛ 2, 3:10

Do nŋu fei, ajɔi Lafɛ̃ɛ á naai bɛi ile. Si ajɔ nŋui, lele á kpa iri do iba nla nla. Mii iyi í wa bɛ fei á yɔ si ina nɔ ilɛ do mii iyi í wa si fei á kpa iri.

Piɛɛ 2, 3:14

Na saabu nŋu, iŋɛ baakɔɔm ŋa, si bɛi ì waa degbe ajɔu, i ce kookaai Lafɛ̃ɛ ku na ku ba ŋɛ si laakai ku sũ, riisi do kurara ku maà wa si ŋɛ.

Kuyɛi Zãa 3:3

Na nŋu, i ye gigii mii iyi à kɔ nŋɛ si do bɛi ì gbɔ ŋa. I jirimaɛ ŋa nɔ i kpaasi idɔ nŋɛ. Bii i kù jĩ hai si iri njoo ŋa, an naa n ba ŋɛ bɛi ile. I kaa mà waati iyi an naa si ŋɛ.

Samuɛli 1, 25:36

Waati iyi Abigali wa to wa inɔ kpasɛ̃, nɔ í ba wee Nabali wa jɛ jingau nla gɔ bɛi jingaui ilaalu ŋa. Í wɛɛò inɔ didɔ̃ nɔ atɛ̃ wa kpaa, nɔ Abigali kù sɔ̃ɔ ide kãma hee iju í koo í máò.