Luku 21:3 - Bibeli do fee

³ Ŋɔi í ni, ntɔ ntɔ, jaaɔ̃ ilu areu ihɛ̃ í dasi fia í re inɛ ŋa iyi à gbe fei.

Luku 21:3 Iomraidhean Croise

Luku 12:44

Ntɔ ntɔ, lafɛ̃ɛu á daa amaacɛu mii ndɛɛ fei si awɔ.

Luku 21:2

Nɔ í yɛ abo jaaɔ̃ ilu are gɔ mɔ í sɔsi kpɛkɛlɛ keeke minji gɔ.

Luku 21:4

Inɛ ŋa iyi à gbe ŋau fei, iyi í lesi antaii fia nŋa ŋai à dasi, amma abou, baa do iyi í jɛ ilu are, andi iyi í nɛ feii í dasi bɛ, nkãma kù gbea iyi á maa wɛɛò má.

Luku 4:25

Ì mà sãa sãa ŋa iyi ari nla gɔ í ce si ilɛu fei si waatii Elii walii nlau. Ijĩ kù wɔ si afei adɔ̃ mɛɛta do cukpa mɛɛfa, mà irei. Waati bɛɛbɛ inaabo jaaɔ̃ nkpɔi í wa si ilɛi Izirɛli.

Luku 9:27

Ntɔ ntɔ, inɛ ŋa iyi à wa ihɛ̃ si nsɛi, gɔgɔ nŋa ŋa aa yɛ bommai Ilaaɔ̃ wa naa a bɛi a ku.

Woo bɛ ŋa 10:34

Ŋɔi Piɛɛ í so ide í ni, ǹ mà bɛbɛi iyi Ilaaɔ̃ kù waa cɔ inɛ kãma dimi mmu.

Woo bɛ ŋa 4:27

Ilaaɔ̃ Baaba, ide iyi Davidi í fɔu bɛ ntɔi, domi Herodu do Pɔnsu Pilati à ce anu akã. À tɔtɔɔ do dimi mmu ŋa do inɛi Izirɛli ŋa si iluu ihɛ̃ à yɛ taalei Jesu woo ce icɛ kumáɛ iyi ì cica ì nyaa ikãu.

Kɔrɛnti 2, 8:12

Bii ì na do inɔ akã, Ilaaɔ̃ í ya gbai. Zaka bɛi ì nɛi í ya cɔ, nɔ baaɛ ci ya wa si iyi i kù nɛ ŋa.