Luku 21:26 - Bibeli do fee

²⁶ Baa njo alála á jɔ̀ inɛ ŋa a kasãm na mii ŋa iyi á na ku ce si andunyau ihɛ̃, domi gbugbãi lele ŋa aa maa yayai.

Luku 21:26 Iomraidhean Croise

Ezai 5:30

Ajɔ nŋu bɛ iba nla nla gɔ á naa si ŋa bɛi ibai inyii tenku. Bii ì cɔ ilɛu, i kaa yɛ nkãma, í gbe ilu kuku do anu ku dɔ̃ nla nla. Kudũi ijĩ ŋai aa bii inya kumáu.

Kuwee 26:36

Inɛ nŋɛ ŋa iyi aa wa si ilɛi mbɛɛ nŋɛ ŋa, an jɔ̀ a ya wɛɛò zigiida nla nla hee baa bii í jɛ fufu í yaya wua akã gɔ lele, ibaɛ ku ya jɔ̀ a maa sa. Aa ya maa sai bɛi inɛ ŋa iyi à wa si wajui mbɛɛ iyi í wɛɛò jĩnɛi igũ, nɔ aa ya maa cukui baa bii inɛ gɔ kù waa lele ŋa.

Matie 24:29

Jesu í ni, si anyii wahalau gbakã, inunu á kuku inya, nɔ cukpa mɔ kaa má inya má, leleaɔ̃ ŋa aa cuku wa hai lele nɔ gbugbãi lele ŋa a yaya.

Maaku 13:25

leleaɔ̃ ŋa aa cuku wa hai lele, nɔ gbugbãi lele ŋa a yaya.

Luku 21:25

Aa yɛ nyinda si inunu do si cukpa do si leleaɔ̃ ŋa. Nɔ si ilɛ ibai tenku do kucãi inyiu á jɔ̀ dimi ŋa a biti hee a kaa mà baa bɛi aa ce.

Luku 21:27

Waati bɛɛbɛi inɛ ŋa aa yɛ amu Amai Amanɛ n faata wa si kudũi ijĩ do gbugbã nla nla do amboe.