Luku 21:24 - Bibeli do fee

²⁴ Aa maa kpa ŋa do taakuba, nɔ a mu ŋa aru si ilɛ ŋa fei. Dimi mmu ŋa aa tɛɛsɛ Zeruzalɛmuui hee waatiu koo kpaò iri.

Luku 21:24 Iomraidhean Croise

Kusintii Andunya 34:26

hai Hamɔɔ do Sikɛmu amaɛu fei. Iyi à fita à waa nɛ nɔ à gbã Dina wecĩ nŋau hai kpasɛ̃i Sikɛmu à nɛò.

Kufita 17:13

Nɔ Zozue í jɛ inɛi Amalɛki ŋau igũ.

Ezai 5:5

Bɛbɛi, bɛi an cea jĩi ndii rezɛ̃ɛm nɔui ǹ wa n bi n sɔ̃ ŋɛ. An kpa ama jĩi ŋa iyi ǹ kaakoò ilɛui, nɔ mɛɛmu gaa ŋa a lɔ a jɔɔ. An lɛgɛ bindi iyi ǹ mau mɔi nɔ inɛ ŋa a lɔ a nɛ si.

Ezai 63:18

Awa zamaa iyi à nya ikã à jɛ titɛɛ, a kù ba a kù buba si ilɛu kù kpɛ, mbɛɛ nwa ŋa à naa à tɛɛsɛ kpasɛ̃ kumáɛu.

Ezai 66:12

Nɔ Aɔ̃ Lafɛ̃ɛ í fɔ má í ni, an jɔ̀ laakai ku sũ ku naa si Zeruzalɛmui bɛi inyii ido nla nla, nɔ amanii ilɛ mmu ŋa mɔ a naa siɛ bɛi acãi inyi iyi í nɛ gbugbã. An so ŋɛi n na ŋɛ amɔ, nɔ n kpã ŋɛ nɔ n lesi ŋɛ si ilugũ n maa n mɔɔmɔɔ ŋɛ.

Ezai 66:19

An jilɛ nyinda gɔ si anini nŋa. An jɔ̀ inɛ gɔ nŋa ŋa iyi à fita si a nɛ ikpa ilɛ gɔ ŋa. Inɛ gɔ ŋa aa nɛ ikpa Taasi, inɛ gɔ ŋa ikpa Pulu, inɛ gɔ ŋa mɔ ikpa Ludu tengi bii inɛ ŋa à jɛ woo ta afa ŋa. Inɛ gɔ ŋa mɔ, ikpa Tubalii aa nɛ, inɛ gɔ ŋa mɔ do ikpa Gɛrɛsi hee ikpa gũngũm ŋa iyi à wa hee jĩijĩ tengi bii a kù gbɔ bii à fɔ idem ajɔ kãma, nɔ a kù yɛ amboem. Aŋai aa koo a fɔ idei amboem nɔu bi inɛi ilɛ ŋau bɛ.

Kukpata 1:15

Aɔ̃ Lafɛ̃ɛ í kɛkɛ woo ja igũ ilu wɔɔkɔ ŋa iyi ǹ nɛ fei. Í tɔtɔɔ woo ja igũ mmuɛ gɔ ŋa wa sim, ku ba a ce nfei awaasũm ŋa. Aɔ̃ Lafɛ̃ɛ í tɛɛsɛ amu Zeruzalɛmu ilui Zudaaui bɛi à ya tɛɛsɛ rezɛ̃ɛ a fɔ̃ inyiɛ.

Daniɛli 12:7

Ŋɔi inɛ iyi wa dasi jĩnɛ iyi à ce do acɔ ku nɛ sisimau í wu awɔ minjiɛ ŋau fei ikpa lelei Aɔ̃, nɔ í gbasi do irii inɛ iyi í wɛɛ hee do ajɔ feiu í ni, kukpɛi mii ŋau bɛ á cei zakai adɔ̃ mɛɛta do bubu. Nɔ á koo á leekĩi waati iyi gbugbãi inɛi Ilaaɔ̃ ŋau á kpa iri fei mam mam.

Daniɛli 8:13

Ŋɔi ǹ gbɔ amaleka gɔ wa fɔ ide, nɔ amaleka mmuɛ gɔ wa ba inɛ iyi wa fɔ ideu ide ku fɔ wa ni, idei kuweei ajɔ fei iyi kuyɛu ihɛ̃ wa sɔ̃ wau bɛ, hee waati yoomai á kpɛ ku to ya. Aa na a leekĩɛ mbɛ? Kuce laalɔ ŋa iyi wa ce nfei mii feiu ihɛ̃, hee waati yoomai á koo leekĩ. Hee waati yoomai wahalai ile kumáu do ijuukpãi inɛi lelei Aɔ̃ ŋau á leekĩ.

Daniɛli 9:27

Si waatii ankãanyii adɔ̃ mɛɛjeu, á dĩ akabuu do inɛ nkpɔ nkpɔ. Nɔ si anyii adɔ̃ mɛɛta do bubu, á jɔ̀ a leekĩ kuwee do amua ŋa ku ceu. Woo ce laalɔu, á ce laalɔ sãmiɛ ŋai anu akã hee nŋu takaɛ koo kpaò iri si bɛi à fɔ à jilɔɔ.

Malasi 1:11

Hai nunui daakɔ hee ku bɔ nunui alɛ inɛi andunya ŋa fei à mà bɛɛrɛm. À ya maa joom tuae ŋa bii fei, nɔ à ya maa ceem kuwee ŋa ku ba a nyisiò bɛɛrɛi irim. Do ntɔ inɛi andunya ŋa fei à mà bɛɛrɛm.

Luku 21:25

Aa yɛ nyinda si inunu do si cukpa do si leleaɔ̃ ŋa. Nɔ si ilɛ ibai tenku do kucãi inyiu á jɔ̀ dimi ŋa a biti hee a kaa mà baa bɛi aa ce.

Romu 11:25

Iŋɛ inɛm ŋa, n kù bi asiii ideu ihɛ̃ ku manji nŋɛ hee ku jɔ̀ i maa cɔ ara nŋɛ ilu bisi ŋa. Asiiu wee. Idɔi inɛi Izirɛli fiti mbɔ ŋau í lei titã hee kukpɔi dimi mmu ŋa iyi aa ba faabau ku kɔ̃.

Ebɛɛ 11:34

à kpa gbugbãi ina nla, à ba à fita hai si awɔi inɛ ŋa iyi à waa dɛ a kpa ŋa do taakuba. À kua gbugbã wo, amma à na à ba gbugbã má. À waa ce njo nŋa si igũ, à jɛ dimi mmu ŋa igũ.

Kuyɛi Zãa 11:2

Amma maà wã bantumaɛ, domi à mua dimi mmu ŋa, aŋa iyi aa tɛɛsɛ ilu kumáu si afei cukpa ciiji do minji.