Luku 21:22 - Bibeli do fee

²² Ntɔ ntɔ, waatiu á jɛ waati iyi Ilaaɔ̃ á kpã inɛ ŋa iju ku sã gbese ku ba mii iyi à fɔ si kukɔi ideɛ ku kɔ̃.

Luku 21:22 Iomraidhean Croise

Ezai 34:8

Ntɔ ntɔ ajɔ nŋu bɛ, ajɔi gbese ku sãi Aɔ̃ Lafɛ̃ɛi. Si adɔ̃ nŋu bɛi á kɔ̀ò inɛi Siɔ̃ɔ ŋa.

Ezai 61:2

Nɔ n sɔ̃ inɛ ŋau n ni, si adɔ̃u ihɛ̃i Aɔ̃ Lafɛ̃ɛ á nyisi ŋɛ jiida ku jɛɛ. Nnyiu ihɛ̃i á ja nŋɛ. Nŋui í bɛm wa n naa n tũ idɔi inɛ ŋa iyi à wa si inɔ kufɔi iku fei.

Ezai 63:4

Ntɔ ntɔ, ǹ wa n lasabu si ajɔ iyi an jaa inɛm ŋa, nɔ adɔ̃i ku ya nŋaui í to wa bɛ.

Zeremi 51:6

I sa i fita hai ilɛi Babilɔni ŋa, nɔ inɛ fei ku saò hundeɛ. I maà jɔ̀ i maa coko ŋa na kuraraɛu, domi waatii gbese ku sãi Aɔ̃ Lafɛ̃ɛ mbɛ. Aɔ̃ Lafɛ̃ɛ á sãa mii iyi í nɛ ku baai.

Ozee 9:7

Waati si bii Aɔ̃ Lafɛ̃ɛ á sã nŋɛ gbesei mii ŋa iyi ì ce ŋau fei mbɛ ŋa. Ntɔ ntɔ, waati si bii inɛ fei á ba ribai mii ŋa iyi ì ce ŋau mbɛ, nɔ inɛi Izirɛli ŋa à nɛ a mài. Ì ya fɔ ŋa i maa ni, waliiu ihɛ̃ í sũmui. Ì ya fɔ má ŋa i ni, inɛ iyi hundei Ilaaɔ̃ í wa siɛu ihɛ̃ wa fɔ ide hai nɛ yaase. Ntɔ ntɔ bɛɛbɛi, amma iyi bɛ ŋau bɛ fei, na laalɔ nkpɔ nkpɔ ku ce nŋɛ ŋai, do ide ku kɔ̀ nŋɛ do gbugbã nla nla.

Matie 1:22

Mii ŋau ihɛ̃ fei í cei ku ba ide iyi Aɔ̃ Lafɛ̃ɛ í tako í sɔ̃ walii Ezai ku sisia inɛ ŋau ku kɔ̃,

Romu 2:5

Amma si bɛi idɔɛ í le nɔ i kù jɛsi i kpaasi, ì waa faa araɛ idɔɔkɔ̃ iyi í la í rei si ajɔ iyi Ilaaɔ̃ á kiiti inɛ ŋa dee dee nɔ inɛ fei á yɔɔ.

Wooda ku kɔsi 32:34

Amu Aɔ̃ Lafɛ̃ɛ, mii iyi ǹ ce sɔɔluɛ si asii ǹ jilɔɔ na iri nŋa wee.

Wooda ku kɔsi 32:43

Lele kú wɛɛò inɔ didɔ̃ do inɛi Aɔ̃ Lafɛ̃ɛ ŋau. Iwɛ̃ ŋa fei, a gulɛ a tɔɔ Aɔ̃ Lafɛ̃ɛ. Aɔ̃ Lafɛ̃ɛ á jaa amaɛ ŋa iyi à kuu. Á jɔ̀ ijuukpã iyi í nɛ ku ba mbɛɛ ŋau ku cuku si iri nŋa. Inɛ ŋa iyi à cóo ŋau, á sã nŋa mii iyi í nɛ ku ba ŋai. Amma á jɔ̀ ilɛi inɛɛ ŋau ku maajui.

Piɛɛ 2, 2:9

Bɛɛbɛ mɔi Aɔ̃ Lafɛ̃ɛ í mà bɛi á ce ku faaba inɛ ŋa iyi à mà bɛɛrɛɛ si wahala. Í nɔ í mà bɛi á mu inɛ laalɔ ŋa ku wahala ŋa si ajɔi kiiti.

Piɛɛ 2, 3:7

Lele do ilɛ iyi í wɛɛ nsɛi, do ide akãu bɛi Ilaaɔ̃ á kpa ŋaò, amma bɛbɛi do inai á jɛ. Wa mu ŋai titã hee koo toò ajɔ iyi á kiiti inɛ ŋa iyi a kù mà bɛɛrɛɛ nɔ ku ce nfe nŋa.