Luku 21:15 - Bibeli do fee

¹⁵ I maà biti ŋa domi an mu nŋɛ ide do bisi iyi mbɛɛ nŋɛ ŋa kãma nŋa a kaa yɔkɔ a jã ŋɛ hee má jɛ a kɔ̀.

Luku 21:15 Iomraidhean Croise

Mɔnda ŋa 2:6

Aɔ̃ Lafɛ̃ɛi í ya mua inɛ laakai. Hai si gɛlɛɛi kumà do yaasei mii ŋa ku gbɔ í ya fita wa.

Zeremi 1:9

Ŋɔi Aɔ̃ Lafɛ̃ɛ í yɔ awɔ í lu gɛlɛm, nɔ í sɔ̃m í ni, wee ǹ daaɛ idem ŋa si gɛlɛɛ.

Ezekiɛli 29:21

Si ajɔ nŋu bɛ, an jɔ̀ gbugbãi inɛi Izirɛli ŋa ku kɔ̃ɔsi nɔ awɔ Ezekiɛli, an muɛ kpãa í fɔ ide si anini nŋa. Do yaase bɛɛbɛ, aa mà iyi amui ǹ jɛ Aɔ̃ Lafɛ̃ɛ.

Luku 12:12

I maà ce njo ŋa domi waati bɛɛbɛ Hundei Ilaaɔ̃i á sɔ̃ ŋɛ iyi í jɔ i fɔ ŋa.

Luku 21:16

Baa iyeò baa nŋɛ ŋa do igbã nŋɛ ŋa do ifɔ nŋɛ ŋa do nyaanze nŋɛ ŋa do kpaasi nŋɛ ŋa, aa zamba ŋɛ nɔ a jɔ̀ a kpa inɛ nkpɔ si inɔ nŋɛ.

Luku 24:45

Ŋɔi í mu nŋa laakai jiida ku ba a gbɔ yaasei kukɔi idei Ilaaɔ̃u.

Woo bɛ ŋa 2:4

Ŋɔi aŋa iyi à wa bɛ fei à kɔ̃ò Hundei Ilaaɔ̃ nɔ à waa fɔ fee mmu gɔ ŋa, si bɛi Hundei Ilaaɔ̃ í mu nŋa aŋa fei ikã ikã.

Woo bɛ ŋa 24:25

Amma si bɛi Pɔlu wa sisi nŋa idei dee dee ku jɛ do idei ara ku mu do kiiti iyi wa naa, zigii Felisi í da nɔ í ni, aa yɔkɔ i nɛ titã. Bii ǹ ba faya an kpeɛ má.

Woo bɛ ŋa 26:28

Ŋɔi Agiripa í sɔ̃ Pɔlu í ni, debɛi, si waati keekeu ihɛ̃ ì waa tamaa aa cem inɛi Kirisi?

Woo bɛ ŋa 6:10

Amma a kù nɔɔ domi wa fɔ idei do bisi do gbugbãi Hundei Ilaaɔ̃.

Efɛɛzu 6:19

Nɔ i cea amu mɔ kutɔɔ ŋa ku ba bii ǹ cĩ gɛlɛ, n ya n ba ide iyi an fɔ nɔ n nɛ wɔɔkɔ n sisiò idei laabaau jiida iyi wa singau wo.

Zaaki 1:5

Do nŋu fei bii bisi í na wa gaizia inɛ akã nŋɛ gɔ, ku tɔɔ Ilaaɔ̃, nŋu iyi í ya mua inɛ fei do inɔ akã hai nɛ kugbagba.