Luku 21:12 - Bibeli do fee

¹² Amma hee nŋu ŋau bɛ fei ku maa ce aa mu ŋɛ a kpã ŋɛ iju. Aa dasi ŋɛ awɔi woo kiiti ŋa ile bii à ya ce kutɔtɔɔ ŋa, aa dasi ŋɛ piisɔ̃ɔ, nɔ a bɔò ŋɛ bi amanlu ŋa do bi ilu ilɛ ŋa na irim.

Luku 21:12 Iomraidhean Croise

Matie 22:6

Gɔgɔ ŋa à mu amaacɛ ŋau à cã ŋa à kpa ŋa.

Matie 24:8

Inɛ nŋu bɛ fei á yɛi bɛi ara kuro sintei bãasĩ ku bɛi ku bí.

Luku 21:11

Ilɛ á yaya bii gɔ ŋa nla nla, nɔ si ilɛ gɔ ŋa mɔ ari á ce do bɔ̃ɔ laalɔ ŋa iyi á kpa inɛ nkpɔ. Aa na i yɛ maamaake laalɔ ŋa do nyinda nla nla ikpa lele hee zigi nŋɛ ku da.

Laabaau jiida iyi Zãa í kɔ 15:20

Nɔ i ye gigii ide iyi ǹ sɔ̃ ŋɛ ǹ ni woo ce icɛ ci ya la ku re lafɛ̃ɛɛ. Bɛɛbɛi si bɛi à wahalam aa wahala iŋɛ mɔ. Bii í jɛ à jirima idem, bɛɛbɛ mɔi aa jirima ide nŋɛ.

Laabaau jiida iyi Zãa í kɔ 15:21

Amma mii ŋau bɛ fei aa ce nŋɛi na irim si na iyi í jɔ̀ a kù mà inɛ iyi í bɛm wa.

Woo bɛ ŋa 22:30

Inɛ ngboi igũu í bi nŋu ku mà kãm kãm mii iyi í jɔ̀ Zuifu ŋau à waa yɛ taalei Pɔlu. Na ŋɔi í jɔ̀ iju kumáɛ í jɔ̀ à fũu, nɔ í ni inɛ ngboi woo weei Ilaaɔ̃ ŋa do igbɛi woo kiiti ŋau fei a tɔtɔɔ wa. Nɔ í bɔò Pɔlu waju nŋa.

Woo bɛ ŋa 5:40

Ŋɔi à kpe woo bɛ ŋau à cã ŋa do kpɔtɔɔ à ni a maà fɔ ide do irii Jesu má à bɛi à jɔ̀ ŋa.

Woo bɛ ŋa 8:3

Amma Sɔlu í wasi inɛi igbɛi Jesu ŋa ku kpã iju. Í ya lɔ kpasɛ̃ do kpasɛ̃ ŋai ku maa mu inɛmɔkɔ do inaabo ŋa do gbugbã koo dasi ŋa piisɔ̃ɔ.

Woo bɛ ŋa 9:4

Ŋɔi í cuku ilɛ nɔ í gbɔ imui inɛ gɔ í ni, Sɔlu, Sɔlu, na mii í ce ì waa kpãm iju.

Piɛɛ 1, 2:13

I jirima ilu iri fei ŋa na irii Lafɛ̃ɛ, hai ilaalu nla nŋu iyi í re do gbugbã,

Kuyɛi Zãa 2:10

I maà ce njo na ijuukpã iyi wa naa si ŋɛ. Seetam á jɔ̀ a dasi inɛ gɔ nŋɛ ŋa piisɔ̃ɔ ku cɔ laakai nŋɛ. Aa yɛ wahala hee ajɔ mɛɛwa ŋa. Amma i jɔ̀ i leekĩ dim dim hee i koo i kuò ŋa. Bii ì ce bɛɛbɛ ŋa an mu nŋɛ kuwɛɛ ku jɛ riba nŋɛ.