Luku 21:1 - Bibeli do fee

¹ Iyi Jesu í fɔ bɛɛbɛ í tã ŋɔi í wu iju wa cɔ bɛi ilu fia ŋa à waa dasi fia si kpakoi kɔlɛtiu.

Luku 21:1 Iomraidhean Croise

Ilaalu 1, 14:26

Ŋɔi í ko amanii kpasɛ̃i Aɔ̃ Lafɛ̃ɛ ŋau do ti ilei ilaaluu fei. Í so tɛlii wura ŋa iyi Salomɔɔ í ceu fei.

Ilaalu 2, 12:9

Ŋɔi woo wee ŋau à jɛsi aŋa a maà gba fia gɔ hai bi zamaau má, nɔ aŋa a maà dasi kpasɛ̃i Aɔ̃ Lafɛ̃ɛu ku teese awɔ.

Ilaalu 2, 24:13

Ŋɔi í ko amanii kpasɛ̃i Aɔ̃ Lafɛ̃ɛ ŋau fei do ti kpasɛ̃i ilaaluu. Nɔ í lɛgɛ jĩnɛi wura ŋa iyi Salomɔɔ ilaalui Izirɛli í ce si kpasɛ̃i Aɔ̃ Lafɛ̃ɛu fei si bɛi Aɔ̃ Lafɛ̃ɛ í tako í fɔu.

Bomma 2, 36:18

Ŋɔi Nebukanɛsaa í ko mii ndii kpasɛ̃i Ilaaɔ̃ ŋau fei, hai keekeò nlaɛ ŋa, do amani iyi í wa bɛ, hee do amanii ilaalu do ti akaweɛ ŋa í nɛò ŋa Babilɔni.

Neemi 13:13

Ŋɔi ǹ jɔ̀a Selemia woo weeu ile ŋau ku maa cɔ ŋa, nŋu do Sadɔku woo mà woodau, do Pedaya inɛ akãi inɛi Levii ŋau. Nɔ ǹ ma nŋa si Hanaa amai Zakuu tɔkui Matania. Ǹ ce bɛɛbɛi si na iyi í jɔ̀ kuce nŋa í nɛ naanɛ. Aŋai à nɛ a ya kpɛ̃a nyaanze nŋa ŋa amua ŋau.

Matie 27:6

Inɛ ngboi woo weei Ilaaɔ̃ ŋau à so fiau à ni, bɛirei aa ka ceò fiau ihɛ̃. A kù nɛ kpãa ka dasi kpakoi kpasɛ̃i Ilaaɔ̃ si na iyi í jɔ̀ fia iyi à sã na a nikãò njɛi inɛ gɔi.

Luku 20:47

À ya takii jaaɔ̃ ŋa a gba mii ndu ŋa ŋa fei, nɔ à ya maa ce kutɔɔ sisɔ ku ba a yɛ ŋa nŋu akã. Na ŋɔi í jɔ̀ ijuukpã nŋa á la ku caa.

Laabaau jiida iyi Zãa í kɔ 8:20

Ideu bɛi Jesu í fɔ waati iyi wa kɔ inɛ ŋa si cio bantumai kpasɛ̃i Ilaaɔ̃ bii à ya jilɛ fiai kɔlɛtiu. Nɔ inɛ gɔ kù lesiɛ awɔ si na iyi í jɔ̀ waatiɛ kù to wa titã.

Zozue 6:19

Hai isɔ fũfũ do wura do isɔ nkpa do isɔ iyi í gbe fei, fei ndɛɛ ti Aɔ̃ Lafɛ̃ɛi á jɛ nɔ fei ndɛɛ bi ku singa amaniɛ ŋai á lɔ.

Zozue 6:24

Nɔ à dasi iluu ina hee do mii ŋa iyi à wa bɛ fei, í gbe isɔ fũfũ do wura do isɔ nkpa do isɔ iyi í gbe fei. Mii ŋau bɛ fei, bi ku singa amanii Aɔ̃ Lafɛ̃ɛi à koo à dasi.