Luku 20:47 - Bibeli do fee

⁴⁷ À ya takii jaaɔ̃ ŋa a gba mii ndu ŋa ŋa fei, nɔ à ya maa ce kutɔɔ sisɔ ku ba a yɛ ŋa nŋu akã. Na ŋɔi í jɔ̀ ijuukpã nŋa á la ku caa.

Luku 20:47 Iomraidhean Croise

Ezai 10:2

A ci ya na hai nɛ gbugbã ŋa ntɔ bi ku ce kiiti, nɔ ilu are ŋa mɔ a ci ya na ŋa iyi í nɛ ku jɛ tu ŋa. À ya maa takii jaaɔ̃ ŋai nɔ a gba mii ndii kɔyɔ ŋa.

Ezekiɛli 22:7

Bi tu ŋɛ, inɛ ŋa à donda iyeò baa nŋa ŋa. Inɛ ŋa à ya maa takii inɛ njoo ŋa, nɔ à ya maa taa kɔyɔ ŋa do jaaɔ̃ ŋa gbugbãi.

Ezekiɛli 33:31

Inɛ ŋau à ya naa a tɔtɔɔ si wajuɛ a de siɛ itĩ a maa gbɔ ideɛ. Amma a ci ya ce iyi ì waa sɔ̃ ŋau. Lasabu nŋa do mii iyi à bii à ya maa ce.

Amɔsu 2:7

Ì ya bi i maa yɛ ilu are ŋai waati kãma fei si inɔ kufɔ, nɔ i ci ya saalu asaiya iyi í jɛ ti hai nɛ gbugbã ŋa. Ama do baa bi inaabo akãi à ya maa bɔ kú sũ, nɔ do yaase bɛɛbɛ, à ya bɛjɛ iri kumám nii.

Misee 2:2

Bii à ce binɛi ikoi inɛ ŋa, à ya gbaai. Bii à ce binɛi kpasɛ̃i inɛ ŋa, à ya gbaai. À ya taa ilu kpasɛ̃ do inɛɛ ŋa gbugbãi nɔ mii iyi inɛ ŋau à nɛ fei, à ya kooi.

Misee 2:8

Amma iŋɛi Aɔ̃ Lafɛ̃ɛ wa sɔ̃ wa ni ì ce inɛi nŋu ŋa mbɛɛ ŋa. Ì mu ŋa, ì bɔ jĩnɛ nŋa ŋa, waati iyi à waa baa hai igũ do naanɛu.

Misee 3:2

Ì cé mii iyi í jɛ jiida ŋai, nɔ iyi í jɛ laalɔi ì bi ŋa. Ì ya gba mii iyi inɛ ŋa à nɛ feii ŋa, nɔ ì jɔ̀ ŋa basĩ ŋa.

Matie 23:13

Jesu í ni, iŋɛ woo kɔ inɛ ŋa si wooda ŋa do Farisi ŋa, iŋɛ ilu muafiti ŋai. Aa yɛ ijuukpã ŋa, si na iyi í jɔ̀ ì waa cĩmboa inɛ ŋa kpãai bommai Ilaaɔ̃ ŋa. Iŋɛ taka nŋɛ, i kù jɛsi i lɔ ŋa, nɔ inɛ ŋa iyi à bi ku lɔ, ì waa ganji ŋa ŋa. [

Matie 23:14

Iŋɛ woo kɔ inɛ ŋa si wooda ŋa do Farisi ŋa, iŋɛ ilu muafiti ŋai. Aa yɛ ijuukpã ŋa, si na iyi í jɔ̀ ì ya maa ce kutɔɔ sisɔ ŋa ku ba inɛ ŋa a ni iŋɛu inɛ jiida ŋai. Nɔ wee mii iyi jaaɔ̃ ŋa à nɛ fei ì ya gbaa ŋai. Na ŋɔi í jɔ̀ ijuukpã nŋɛ á la ku re.]

Maaku 12:40

À ya takii jaaɔ̃ ŋa a gba mii ndu ŋa ŋa fei, nɔ à ya maa ce kutɔɔ sisɔ ku ba a yɛ ŋa nŋu akã. Na ŋɔi í jɔ̀ ijuukpã nŋa á la ku caa.

Luku 12:1

Waati iyi Jesu wa fɔ bɛɛbɛ zamaa í tɔtɔɔ dubu nkpɔ nkpɔ hee à waa tɛɛsɛ njɛ. Ŋɔi Jesu í sɔ̃ mɔcɔɛ ŋa si wajui zamaau í ni, i ce laakaii ara nŋɛ ŋa do levɛ̃ɛi Farisi ŋa iyi í jɛ muafiti.

Luku 20:46

i mu ara nŋɛ do woo kɔ inɛ ŋa si wooda ŋau, aŋa iyi à ya bi a maa dabii do ibɔ jaba ŋa, nɔ à bi a ya ce aŋa fɔɔ do jirima nla nla si bantuma. A ci ya bi kaa kitãi inɛ ngbo ŋa ile bi kutɔtɔɔ do inya sinte bi ku ce jingau ŋa.

Luku 21:1

Iyi Jesu í fɔ bɛɛbɛ í tã ŋɔi í wu iju wa cɔ bɛi ilu fia ŋa à waa dasi fia si kpakoi kɔlɛtiu.

Tɛsalonika 1, 2:5

Iŋɛ taka nŋɛ ì mà sãa sãa ŋa nɔ Ilaaɔ̃ í jɛ sɛɛda nwa iyi a kù lɛlɛ ŋɛ do ide didɔ̃ gɔ, a kù nɔ a kù ce waazou ku ba ka gba fia nŋɛ.

Titee 1:16

À waa fɔ do gɛlɛ à ni aŋa à mà Ilaaɔ̃, amma kookoosu nŋa wa jã ŋa ide. À jɛ inɛ laalɔ do woo kɔ̀ ide ŋa, a kaa yɔkɔ a ce mii jiida kãma má.

Zaaki 3:1

Kpaasim ŋa, i maà dɛ i kpɔ iŋɛ iyi ì waa bi i maa kɔ inɛ ŋa si idei Ilaaɔ̃, domi ì mà ŋa, awa iyi à waa kɔ inɛ ŋa si cioi idei Ilaaɔ̃, Ilaaɔ̃ kaa ce araare nwa si kiitiɛ.