Luku 20:36 - Bibeli do fee

³⁶ Aa yɛi bɛi amaleka ŋa, a kaa ku má. Aa jɛ amai Ilaaɔ̃ ŋa si na iyi í jɔ̀ à jĩ hai si balɛ.

Luku 20:36 Iomraidhean Croise

Ezai 25:8

Á leekĩ iku mɔi hee do ajɔ fei. Ilaaɔ̃ Lafɛ̃ɛ á gbã cikãajui waju ŋa fei. Á jɔ̀ anyɔ ku fita hai si inɛɛ ŋai si andunyau fei. Aɔ̃ Lafɛ̃ɛi í fɔ bɛɛbɛ.

Ozee 13:14

Amu Aɔ̃ Lafɛ̃ɛ, an faaba inɛ ŋau hai si bi kuwai iku ŋa? An ya ŋa wa hai si iku? Iku, hee iwoi jĩnɛi igũɛ ŋa à wa. Iku, hee iwoi gbugbãɛ í wa. Araare ku ce kaa wɛɛm má.

Zakari 3:7

ide iyi Aɔ̃ Lafɛ̃ɛi lele do ilɛ í wãu wee. Í ni, bii ì waa nɛ si kpãam ŋa, nɔ ì waa ceem icɛ dee dee, awɔi aa jɛ inɛ ngboi kpasɛ̃m, nɔ aa kiiti inɛm ŋa, nɔ n jɔ̀ i maa ceem icɛ bɛi amaleka ŋa iyi à waa toom nɔu ihɛ̃.

Matie 22:30

Ntɔ ntɔ, si waati iyi iku ŋa aa na a jĩ, waati bɛɛbɛ inɛmɔkɔ ŋa do inaabo ŋa a kaa so njɛ má, amma aa yɛi bɛi amaleka ŋa.

Maaku 12:25

Ntɔ ntɔ, si waati iyi iku ŋa aa na a jĩ, waati bɛɛbɛ inɛmɔkɔ do inaabo ŋa a kaa so njɛ má, amma aa yɛi bɛi amaleka ŋa.

Romu 8:16

Hundei Ilaaɔ̃ takaɛ wa sɔ̃ hunde nwa iyi à jɛ amai Ilaaɔ̃ ŋa.

Kɔrɛnti 1, 15:26

Mbɛɛi ankãanyi iyi Kirisi á kpa, nŋui í jɛ iku.

Kɔrɛnti 1, 15:42

Bɛɛbɛ mɔi á yɛ si waati iyi Ilaaɔ̃ á jĩ iku ŋa. Ara iyi à siu, ara iyi á bɛjɛi, amma bii à jũu kaa bɛjɛ má.

Kɔrɛnti 1, 15:49

Nɔ si bɛi à jɔ inɛi ilɛu, bɛɛbɛ mɔi aa ka jɔ inɛi leleu.

Filipi 3:21

Do gbugbãɛ iyi á jɔ̀ mii fei ku jirimaɛò nŋui á kpaasiò ara hai nɛ bɛɛrɛ nwau ku jɔ arai nŋu takaɛ iyi í nɛ amboe.

Kuyɛi Zãa 20:6

Ilu inɔ didɔ̃ ŋai inɛ ŋa iyi à wa si kudede sinteu. Aŋai à nya ikã na irii Ilaaɔ̃. Iku minjisiau kù nɛ gbugbã si ŋa má, amma aa maa jɛ woo weei Ilaaɔ̃ ŋa do ti Kirisi, nɔ aa jɛ bomma do nŋu adɔ̃ dubu.

Kuyɛi Zãa 21:4

Á gbã cikãaju nŋa ŋa fei. Iku do inɔ kufɔɛ do kukpata do ara kuro kaa wɛɛ má, domi mii ndii tako ŋau fei à lɔ.

Kuyɛi Zãa 22:9

Amma í sɔ̃m í ni, maà ce bɛɛbɛ. Amu mɔ woo ce icɛi bɛi awɔ do bɛi walii kpaasiɛ ŋa do bɛi inɛ ŋa iyi à waa jirima idei tiau ihɛ̃ fei. Tɔɔ Ilaaɔ̃.