Luku 20:20 - Bibeli do fee

²⁰ Na ŋɔi í jɔ̀ si fei ndɛɛ à ya maa ce laakaiɛ. Nɔ à bɛ siɛ woo zamba gɔ ŋa iyi à yɛ bɛi inɛ jiida ŋa a koo a cɔ laakaiɛ. À bɛ ŋai ku ba a leaa taai ide nɔ a ba kpãa a muu a daa ilu ilɛu si awɔi nŋu iyi í nɛ gbugbã.

Luku 20:20 Iomraidhean Croise

Samuɛli 2, 14:2

Ŋɔi í bɛ inɛ gɔ Tekoa í ni koo kpea nŋu abo ilu bisiu wa. Iyi abou í to wa nɔ í sɔ̃ɔ í ni, ce bɛi inɛ iyi inɔɛ í fɔ, dasi jĩnɛi akũ ŋa, maà ti i jɔ ikpo, nɔ i ce bɛi abo iyi wa kpata akũ gɔ hai ku kpɛ wa.

Iri ku kɔ̃ 38:12

Kpaasim ŋa do inɛi anyim ŋa à jĩim na jujum ŋau. Inɛi kɔkɔm ŋa à sa à jĩim.

Iri ku kɔ̃ 66:3

I sɔ̃ Aɔ̃ Lafɛ̃ɛ i ni ŋa, icɛi awɔɛ ŋa í to njo. Na gbugbã nlaɛui í jɔ̀ mbɛɛɛ ŋa à ya naa a sɛɛbata si wajuɛ.

Iri ku kɔ̃ 81:15

anu akãi an kɛkɛ mbɛɛ nŋa ŋa, aŋa iyi à waa tɛɛsɛ ŋa ŋau n kpa ŋa.

Zeremi 11:19

Ǹ yɛi bɛi ama angudã kurɔ iyi à gbã à waa bɔò bi ku kpa mɛɛmu ŋa, nɔ n kù mà lasabu iyi à waa ce na irim. À waa ni, ka kpa jĩi nɔu do isoɛ fei. Ka nyaa hai si ilɛ ihɛ̃ bii ilu hunde ŋa à wa, nɔ a maà ye gigii iriɛ má.

Zeremi 18:18

Ŋɔi inɛ gɔ ŋa à ni, ka koo, waatii ihɛ̃ bɛ iyi aa ka ba kpãa ka dĩaò Zeremi zamba, domi a kaa ka kua woo wee ŋa iyi aa maa kɔ wa si cio, do ilu laakai ŋa iyi aa maa na wa ikɔ jiida, do walii ŋa iyi aa maa sɔ̃ wa idei Aɔ̃ Lafɛ̃ɛ. I naa wa ŋa kaa nya fũnɛɛ do idei gɛlɛ nwa, nɔ ka maà desi baa ide ku fɔɛ ŋa itĩ.

Zeremi 20:10

Ntɔ ntɔ ǹ ya n maa n gbɔ ide sãmi ŋai hai bi inɛ nkpɔ nkpɔ si gãmɛm, nɔ zigiida í ya maa naai hai bii fei. Inɛ gɔ ŋa à waa ni, ka kooò ideɛ bi inɛ ngbo ŋa. Inɛi kɔkɔm ŋa à ya maa ce laakaim nii a maa cɔ mà an ce kurara gɔ. À ya maa cɔ kpãai aŋa a mum nii si kurara gɔ. Na ŋɔi í jɔ̀ à ya maa ni, aa ka muui nɔ ka sã gbese.

Daniɛli 6:4

Daniɛli takaɛ í re inɛ ngbo minji iyi ihɔ̃ ŋau do akawei kukpɛ̃i ilɛ ŋau, domi hunde iyi í wa siɛu í nya ikã, nɔ ilaaluu wa lasabu nŋu ku na ku jilɔɔ ku jɛ inɛ ngbo si ilɛu fei.

Matie 27:2

Nɔ à dũu à koo à daa Pilati ilu ilɛu si awɔ.

Maaku 3:2

Nɔ inɛ ŋa iyi à wa bɛ à kãsi Jesu iju, à waa cɔ mà á jɔ̀ inɛɛu ku ba iri si ajɔi kusĩmi. À waa cɔɔ domi à waa bi a yɛ taaleɛi.

Luku 11:54

à waa leaò taai ide ku ba a muu si ide gɔ.

Luku 20:21

Inɛ ŋau à sɔ̃ɔ ide à ni, Mɛɛtu, à mà iyi ideɛ do cio iyi ì waa kɔ inɛ ŋa siu, fei ndɛɛ dee deei. I ci ya na inɛ gɔ ntɔ na kubi, ì waa nyisi inɛ ŋa kpãai Ilaaɔ̃ si ntɔɛ.

Luku 20:26

Ŋɔi à mɔngɔ ku too awɔ do ideɛ ŋa iyi wa fɔ si wajui zamaau. Ŋɔi à biti do ide ŋa iyi í jɛ, nɔ à coko nŋa.

Piɛɛ 2, 2:3

Na binɛ nŋa aa jɛ ŋɛ takii do ide ŋa iyi aŋa taka nŋa à waa lasabu. Amma hai ku kpɛ woo kiiti nŋa í tã sɔɔlu ku kiiti nŋa. Nŋu mɔi á ce ŋa nfe nɔ kaa kpɛ mɔm.