Luku 20:14 - Bibeli do fee

¹⁴ Amma iyi gaanɔɔma ŋau à yɔɔ, à busi njɛ à waa ni, i cɔ inɛ iyi á na ku jɛ tubuu. Ka kpaa ku ba ilɛu ku jɛ tu wa.

Luku 20:14 Iomraidhean Croise

Iri ku kɔ̃ 2:8

Í sɔ̃m má í ni, tɔɔm nɔ n naɛ ilɛ ŋau a jɛ tubuɛ. Andunyau fei titɛɛi á jɛ.

Iri ku kɔ̃ 89:27

Nŋui á tɔɔm ku ni, awɔi ì jɛ baam, awɔi ì jɛ Ilaaɔ̃ Lafɛ̃ɛm. Awɔi ì jɛ kuta ku nɛ gbugbã bii faabam í wa.

Matie 16:7

Ŋɔi mɔcɔ ŋau à waa lasabu si idɔ nŋa à waa ni, na iyi í jɔ̀ a kù so pɛ̃ɛ kosĩai í jɔ̀ wa fɔ bɛɛbɛ.

Matie 21:25

Hai iwoi Zãa í ba kpãa iyi í dasiò inɛ ŋa inyi. Hai bi Ilaaɔ̃ de, mà hai bi amanɛ ŋa. Ŋɔi à busi njɛ à waa ni, bɛirei aa ka jɛaa. Nsɛi nɔɔ, bii à jɛaa à ni Ilaaɔ̃i, á bee wa na mii í ce a kù dasi Zãa naanɛ.

Matie 21:34

Waati iyi isoi jĩi ŋau í jĩa í to ku ka, ŋɔi í bɛ amaacɛ ŋa wa bi woo logoo ŋau a koo a gba iyi í jɛ ti nŋu wa.

Luku 19:47

Jesu í ya maa kɔa inɛ ŋa si cioi idei Ilaaɔ̃ ajɔ fei kpasɛ̃i Ilaaɔ̃ bɛ. Ŋɔi inɛ ngboi woo weei Ilaaɔ̃ ŋa do woo kɔ inɛ ŋa si wooda ŋa do inɛ ngboi Zuifu ŋa à waa bi a kpaa.

Luku 20:13

Ŋɔi ilu ikou í ni, bɛirei an ce. An bɛ ama akãm iyi ǹ bi jiidaui. Aa yɔkɔ a jirimaɛ.

Luku 20:15

Ŋɔi à muu à fitaɛ hai si ikoi jĩi nɔu nɔ à kpaa. Ŋɔi Jesu í ni, to, nsɛi, bɛirei ilu ikou takaɛ á ce nŋa.

Luku 20:19

Iyi inɛ ngboi woo weei Ilaaɔ̃ ŋa do woo kɔ inɛ ŋa si wooda ŋau à gbɔ ideu gbakã ŋɔi à waa dɛ bɛi aa ce a mu Jesu. Amma à waa ce njoi zamaau. À waa bi a muui domi à mà iyi na irii aŋai í kpa mɔndau.

Luku 20:5

Ŋɔi à waa busi njɛ à waa ni, bɛirei aa ka jɛaa. Nsɛi nɔɔ, bii à jɛaa à ni hai bi Ilaaɔ̃i, á bee wa bɛirei í ce a kù dasi Zãa naanɛ.

Luku 22:2

Inɛ ngboi woo weei Ilaaɔ̃ ŋa do woo kɔ inɛ ŋa si wooda ŋau à waa dɛ kpãa bɛi aa ce a kpaò Jesu, amma à waa ce njoi zamaau.

Woo bɛ ŋa 2:23

Jesuu, Ilaaɔ̃ takaɛi í lasabu hai sinte í jilɔɔ si a daa inɛ ŋa si awɔ. Nɔ iŋɛi ì daa ilu dulum ŋa si awɔ ì jɔ̀ à kpakpaɛ si jĩi ku gaau à kpaa ŋa.

Woo bɛ ŋa 3:15

Si bɛɛbɛ ì kpa inɛ iyi í jɛ irii kuwɛɛu ŋa. Amma Ilaaɔ̃ í jũu hai si balɛ, nɔ awa à yɔɔ.

Romu 8:17

To, si bɛi à jɛ amaɛ ŋa, nŋui í jɔ̀ à nɛ baa si mii iyi í jilɛ nwa. Aa ka nɛ ikpɛ̃ do Kirisi ajɔ, domi bii à baa ijuukpãɛ ku kpɛ̃, bɛɛbɛ mɔi aa ka baa amboeɛ ku kpɛ̃ má.

Ebɛɛ 1:2

Amma si waatii ankãanyiu ihɛ̃ awa à gbɔ ide ku fɔi Ilaaɔ̃i hai si gɛlɛi Amaɛ takaɛ. Amaui Ilaaɔ̃ í cica ku jɛ woo jɛ tubui mii fei, nŋu iyi aŋaò à taka andunya.