Luku 20:10 - Bibeli do fee

¹⁰ Waati iyi jĩi ŋau à so à to ku ka, ŋɔi í bɛ woo ce icɛ gɔ bi gaanɔɔma ŋau koo gba iyi í jɛ ti nŋu wa. Nɔ gaanɔɔma ŋau à cãa à leleɛ í nɛ awɔ ngbɛ.

Luku 20:10 Iomraidhean Croise

Ilaalu 1, 22:24

Ŋɔi Sedesiasi amai Kenaana í naa í sambala Misee, nɔ í ni, hai do iwoi hundei Aɔ̃ Lafɛ̃ɛ í fita hai bi tom nɔ í naa í sɔ̃ɛ ide wa.

Ilaalu 2, 17:13

Aɔ̃ Lafɛ̃ɛ í tako í sɔ̃ waliiɛ ŋau fei í ni a sɔ̃ inɛi Izirɛli ŋau do inɛi Zudaa ŋau a ni, i jɔ̀ kuce laalɔ nŋɛ nɔ i jirima woodam do idem ŋa. Nɔ i too si wooda iyi ǹ jɔ̀a bala nŋɛ ŋau do iyi ǹ bɛò walii woo ce icɛm ŋau wa mam mam ŋa.

Bomma 1, 19:4

Ŋɔi Hanunu í mu woo bɛi Davidi ŋau, nɔ í jɔ̀ à wa nŋa iri, nɔ à bu ibɔ sisɔ nŋa ŋa si anini hee si akai icu. Si anyiɛ nɔ í ni a nɛ.

Bomma 2, 16:10

Ŋɔi idɔɔkɔ̃i Aza í dede si waliiu, nɔ í jɔ̀ à muu piisɔ̃ɔ. Si waati akãu bɛ, Aza í taa inɛ gɔ ŋa gbugbã má si inɔi zamaau.

Neemi 9:26

Do nŋu fei a kù jirimaɛ, à na à dedeò ide ku kɔ̀ siɛ. À nyɔ woodaɛ do anyi nŋa. À kpa waliiɛ ŋa iyi à waa mante ŋa a baa wa bi tɛɛ. Nɔ à waa ce daa ŋa iyi kù sĩa.

Neemi 9:30

Do nŋu fei ì temuaò ŋa adɔ̃ nkpɔ nkpɔ. Ì jɔ̀ hundeɛ í naa si waliiɛ ŋa ku ba a sɔ̃ ŋa a ce laakai. Amma a kù de si ŋa itĩ. Ŋɔi ì so ŋa ì daa dimi mmu ŋa si awɔ.

Iri ku kɔ̃ 1:3

Í yɛi bɛi jĩi iyi à lɛ si itĩi ido iyi í ya so iso bii waatiɛ í to, nɔ waati kãma fei wuaɛ í ya maa tũi, mii iyi wa ce fei í ya cei.

Zeremi 2:30

Ǹ kpã ama nŋɛ ŋa ijui si ngbɛ. A kù ce laakai si mii iyi í ba ŋau. Do taakuba nŋɛi ì kpaò walii nŋɛ ŋa, bɛi muusu nla kugaabu.

Zeremi 20:2

Ŋɔi í sambalaɛ nɔ í jɔ̀ à dũu si jĩi iyi í wa anu koofai Bɛnzamɛɛ hai do bii inɛ í ya too ku lɔò inɔ kpasɛ̃i Aɔ̃ Lafɛ̃ɛu.

Zeremi 35:15

Ǹ bɛ si iŋɛ fei walii woo ce icɛm ŋa wa. N kù gbɛɛjiò ku bɛ ŋa wa a naa a sɔ̃ ŋɛ a ni, iŋɛ fei i jɔ̀ kpãa laalɔ nŋɛ i sinda i baa wa ŋa. I teese kuce nŋɛ ŋa, nɔ i maà nɛ anu akã do iwɛ̃ ŋa hee i koo i maa tɔɔ ŋa ŋa. Do yaase bɛɛbɛ, an jɔ̀ i buba si ilɛ iyi ǹ muaa iŋɛ do bala nŋɛ ŋau. Amma wee i kù jɛ ku sotĩ ku gbɔ nɔ i kù jirimam ŋa.

Zeremi 5:24

A ci ya fɔ si idɔ nŋa a maa ni, ka jirima Aɔ̃ Lafɛ̃ɛ nwa iyi í jɔ̀ ijĩ wa wɔ si waatiɛ hai ti jɛadɔ̃ do ti sɔnkpasa. Nɔ í ya muu nwa azuma ŋa si bii aa ka daò amaajɛ.

Luku 13:34

Iŋɛ inɛi Zeruzalɛmu ŋa, iŋɛ iyi ì ya kpa walii ŋa, nɔ i ta ama abɛi Ilaaɔ̃ ŋa mɔ kuta i kpa ŋa ŋa, isɛ fɛloi ǹ ya n bi n tɔtɔɔ ŋɛ si abɛm bɛi ajɛɛ í ya tɔtɔɔ amaɛ ŋa si ikpaɛ, amma i kù jɛ ŋa.

Luku 20:11

Nɔ ilu ikou í bɛ woo ce icɛ mmu má. Nɔ à cã nŋu mɔ, à buu yaka yaka, à sindaɛ awɔ ngbɛ.

Luku 20:9

Si anyiɛ nɔ Jesu í kpaa inɛ ŋa mɔndau ihɛ̃ í ni, inɛ gɔ í ce ikoɛ nɔ í lɔ si jĩi ndii rezɛ̃ɛ ŋa. Ŋɔi í so gaanɔɔma ŋa í dasi ŋa si ikou a maa logooɛ, í bɛi í bɔ ilu koo kpɛ bɛ.

Laabaau jiida iyi Zãa í kɔ 15:16

Kù jɛ iŋɛi ì cicam, amma amui ǹ cica ŋɛ. Nɔ ǹ nya ŋɛ ikã ku ba i ya so iso iyi á kpɛ ŋa. Si bɛɛbɛ mii iyi aa tɔɔ Baaba do irim ŋa fei á mu nŋɛ.

Romu 7:4

Bɛɛbɛ mɔi iŋɛ inɛm ŋa, anu akã nŋɛ do Kirisi í jɔ̀ iŋɛ mɔ ì ku do nŋu ajɔ nɔ ì fita hai si awɔi wooda ŋa. Bɛbɛi ti inɛ mmui ì jɛ ŋa. Ti inɛ iyi í jĩ hai si balɛui ì jɛ ŋa ku ba i so iso iyi í jɛ ti Ilaaɔ̃ ŋa.