Luku 2:9 - Bibeli do fee

⁹ Ŋɔi amalekai Ilaaɔ̃ gɔ í faata si ŋa wa, nɔ inya kumá nla gɔ í kaako ŋa. Inya kumáu amboei Lafɛ̃ɛui. Ŋɔi njo í mu ŋa jiida.

Luku 2:9 Iomraidhean Croise

Ilaalu 1, 8:11

Woo wee ŋau à mɔngɔ ku leekĩ a ce icɛ nŋa na kudũi ijĩu, domi amboei Aɔ̃ Lafɛ̃ɛ í kɔ̃ ileɛu.

Kufita 16:10

Ŋɔi waati iyi Arɔ̃ɔ wa ba inɛi Izirɛli ŋau ide ku fɔ, à sinda à cɔ do ikpa gbaau nɔ à yɛ amboei Aɔ̃ Lafɛ̃ɛ í faata wa si kudũi ijĩu.

Kufita 16:7

á na ŋɛ iŋa i ŋɔ ŋa, domi í gbɔ ì waa weeweea si nŋu ŋa. Nɔ ala daakɔ á na ŋɛ pɛ̃ɛ ŋa zaka bɛi á to ŋɛ nɔ aa yɛ amboeɛ ŋa. Yooi awa à jɛ hee ì maa gbagba si wa ŋa. Kù jɛ si awai aa gbagba si ŋa, si Aɔ̃ Lafɛ̃ɛi.

Ezai 35:2

Koko ŋai aa biiɛ, nɔ á maa kɔ̃ iri ŋa do inɔ didɔ̃ nɔ á maa dɔ̃ anu má do inɔ didɔ̃. Aa na lɔɔmau bɛɛrɛ bɛi ti Libãa. Lɔɔmau á sĩai bɛi iri kutai Kaamɛli do lɔɔmai Sarɔ̃ɔu. Waati bɛɛbɛ, aa yɛ amboei Aɔ̃ Lafɛ̃ɛ si anini nŋa do kusĩai Ilaaɔ̃u.

Ezai 40:5

Waati bɛɛbɛ, amboei Aɔ̃ Lafɛ̃ɛ á naa, nɔ inɛ fei á yɔɔi ajɔ. Aɔ̃ Lafɛ̃ɛi í fɔ bɛɛbɛ.

Ezai 60:1

Dede Zeruzalɛmu, má inya, domi inya kumá wa dede na iriɛ. Amboei Aɔ̃ Lafɛ̃ɛ wa máɛ inya bɛi inya kumái inunui daakɔ.

Ezekiɛli 3:23

Nɔ ǹ fita ǹ bɔ si lɔɔmau. Ŋɔi ǹ yɛ amboei Aɔ̃ Lafɛ̃ɛ bɛi ǹ tako ǹ yɔɔ wo si itĩi idoi Kebaau. Ŋɔi ǹ sɛɛbata ilɛ.

Matie 1:20

Si bɛi wa lasabu bɛɛbɛ ŋɔi amalekai Ilaaɔ̃ í naa í sɔ̃ɔ si ala í ni, Zozɛfu, awɔ tɔkui Davidi ilaaluu, maà ce njoi i so Maari, mudɛ̃ɛ iyi à muuɛu. Dasiɛ kpasɛ̃. Asĩ iyi í nɛu bɛ, do gbugbãi Hundei Ilaaɔ̃i.

Luku 1:28

Amalekau í lɔ bi tɛɛ í sɔ̃ɔ í ni, ǹ wa n ceɛ fɔɔ, awɔ iyi Ilaaɔ̃ í cea didɔ̃. Aɔ̃ Lafɛ̃ɛ í wɛɛ do awɔ.

Luku 2:8

Woo degbe gɔ ŋa à wa inɔ sako bɛ, à waa degbe angudã ŋa idũ.

Luku 24:4

Si bɛi à waa leekĩ do bitiu ŋɔi amanɛ minji gɔ ŋa à naa si ŋa à waa dasi ibɔ ku daana gɔ ŋa.

Laabaau jiida iyi Zãa í kɔ 12:41

Ezai í fɔ bɛɛbɛi si na iyi í jɔ̀ í yɛ amboei Jesu nɔ í fɔ ide na iriɛ.

Woo bɛ ŋa 12:7

Ŋɔi gbakã amalekai Ilaaɔ̃ gɔ í naa si ile piisɔ̃ɔu, ŋɔi inya í má. Ŋɔi amalekau í cã Piɛɛ si cingaaɛ í jũu í ni, dede ńya ńya. Bɛ gbakã sesee ŋau à cuku hai si awɔɛ ŋa.

Woo bɛ ŋa 27:23

Ǹ mà bɛɛbɛi si na iyi í jɔ̀ Ilaaɔ̃, nŋu iyi ǹ jɛ tɛɛ, ǹ wa n ceaa icɛu, amalekaɛ í naa sim idũ ana

Woo bɛ ŋa 5:19

Ŋɔi idũu amalekai Ilaaɔ̃ í naa í cĩ gamboi ile piisɔ̃ɔu í nya ŋa nɔ í sɔ̃ ŋa í ni,

Kɔrɛnti 2, 3:18

Fuugɛsɛu kù wa si waju nwa má nɔ à ya ka maa yɛ amboei Lafɛ̃ɛi bɛi si digi, nɔ amboeɛ iyi à waa cɔu, nŋui wa kpaasi wa ku ba ka jɔɔ, nɔ í ya maa kɔ̃ɔsii waati kãma fei si wa. Icɛu bɛ, Hundei Lafɛ̃ɛi wa coo.

Kɔrɛnti 2, 4:6

Ilaaɔ̃i í ni, inya kumá ku ce si aninii ilu kuku, nŋui í nɔ í da nwa si inya kumáɛ si idɔ nwa ku ba ka mà amboeɛ. Amboei Ilaaɔ̃ui à waa yɛ si wajui Kirisi.

Timɔtee 1, 3:16

Do ntɔ, inɛ gɔ kù wɛɛ iyi á yɔkɔ ku jã kulai asiii kpãai Ilaaɔ̃ ku tɔɔ nwa. Kirisi í baa í jɛ amanɛ nɔ à yɔɔ, nɔ Hundei Ilaaɔ̃ í jɔ̀ à mà iyi inɛ dee deei. Amaleka ŋa mɔ à yɔɔ. Inɛ ŋa à waazo ideɛ si dimi baa yooma fei. Nɔ à dasi ideɛ naanɛ si andunya. Nɔ à soo lele í nyi si amboeɛ.

Ebɛɛ 12:21

Mii iyi à yɛ bɛ, í nɛ njo hee Moizi í fɔ í ni, njo í mum hee ǹ wa n yaya.

Kuyɛi Zãa 18:1

Si anyii nŋu ǹ yɛ amaleka mmu gɔ wa kita wa hai lele. Í nɛ gbugbã nla nla, nɔ amboeɛ wa daana bari bari wa má inya si andunya fei.

Kuyɛi Zãa 20:11

Si anyii nŋu, ŋɔi ǹ yɛ kitãi bomma nla fũfũ gɔ do inɛ iyi wa buba si antaiɛ. Nɔ ilɛ do lele à sa hai si wajuɛ, nɔ a kù yɛ gɔgɔ nŋa gɔ má.