Luku 2:7 - Bibeli do fee

⁷ Nɔ í bí ama sinteɛ, ama inɛmɔkɔ. Í biiɛ do acɔ nɔ í tɔɔ si bi ku jɛi angudã ŋa, si na iyi í jɔ̀ inya kù wɛɛ bii inɛ njoo ŋa aa sɔ.

Luku 2:7 Iomraidhean Croise

Kusintii Andunya 42:27

Waati iyi idũ í dũ ŋɔi à koo à leekĩ. Iyi inɛ akã í fũ saakiɛ, wa bi ku bu ijɛ ku na gbankɛlɛɛ ŋɔi í ba wee fiaɛ wa lesi bɛ.

Kusintii Andunya 43:21

Ŋɔi à sinda à waa nɛ nɔ à koo à leekĩ à waa bi ka sũ. Nɔ iyi à fũ andɛi saaki nwa ŋa, à ba wee fiai awa fei í wa andɛi saaki nwa ŋau zakai bɛi awa fei à ra. Wee à nɔ à mu fiau à nyiò wa ihɛ̃.

Iri ku kɔ̃ 22:6

À dɔ̃ siɛ anu nɔ ì nya ŋa. Awɔi à dasi naanɛ nɔ anyɔ kù mu ŋa.

Kufita 4:24

Si isɛɛnɛ nŋau iyi à to inya gɔ bii à waa sũ idũ Aɔ̃ Lafɛ̃ɛ í naa si Moizi wa bi ku kpaa.

Ezai 7:14

Na nŋu, Aɔ̃ Lafɛ̃ɛ takaɛ á na ŋɛ nyinda gɔ. Nyindau wee. Ama mudɛ̃ɛ gɔ á nɛ asĩ nɔ ku bí ama inɛmɔkɔ. Waati iyi á na ku bí amau, Emanuɛlii á kpoo, waatɔ Ilaaɔ̃ í wɛɛ do awa.

Matie 1:25

Amma aŋaò a kù tɔtɔɔ sɛ̃ɛ hee í koo í bíò ama inɛmɔkɔɛ. Nɔ Zozɛfu í sɔɔ Jesu.

Matie 13:55

Í jɔ amai woo gbe jĩi nɔu mbɛ ya. Kù jɛ iyeɛi à ya kpe Maariu? Zaaki do Zozɛfu do Simɔɔ do Zudu ŋa si à jɛ ifɔɛ ŋa?

Matie 8:20

Nɔ Jesu í sɔ̃ɔ í ni, mɛɛmu ŋa à nɛ kolo ŋa nɔ baa yɛi ŋa mɔ à nɛ bi ku sũ. Amma amu Amai Amanɛ n kù nɛ bii an koo n sũ n sĩmi.

Luku 10:34

Nɔ í sɛkɛɛ siɛ í jɔaa ikpo do atɛ̃ vɛ̃ɛ si agbɛi kumɛɛ ŋau nɔ í dũu. Si anyiɛ nɔ í lesiɛ si gbankɛlɛi nŋu takaɛ í bɔòɛ bi ku sɔi inɛ njoo ŋa nɔ í gbɔaa.

Luku 2:6

Si waati iyi à wa bɛ, ajɔ í na í to si bii á bí amaɛ.

Luku 2:8

Woo degbe gɔ ŋa à wa inɔ sako bɛ, à waa degbe angudã ŋa idũ.

Laabaau jiida iyi Zãa í kɔ 1:14

Ideui í baa í jɛ amanɛ. Í kɔ̃ò didɔ̃ nɔ bɛɛbɛ mɔi í kɔ̃ò ntɔ, nɔ í ba wa kuwɛɛ. À yɛ amboeɛ, à cɔɔ do laakai, dimii amboe iyi Ilaaɔ̃ Baaba í na Ama akãɛu.

Kɔrɛnti 2, 8:9

Ì nɔ ì mà didɔ̃i Lafɛ̃ɛ nwa Jesu Kirisi ŋa, nŋu iyi í tako í jɛ ilu amani, nɔ í ce araɛ ilu are na iri nŋɛ ku ba areɛu ku ce ŋɛ ilu amani ŋa.

Galati 4:4

Amma iyi waati iyi Ilaaɔ̃ í jilɛu í na í to, ŋɔi í bɛ Amaɛ wa. Inaaboi í búu, nɔ si woodai Zuifu ŋai wa nɛ