Luku 2:51 - Bibeli do fee

⁵¹ Ŋɔi í too ŋa à nɛ Nazarɛti nɔ wa gbɔ ide nŋa. Wee iyeu wa mu ide ŋau bɛ fei si idɔɛ.

Luku 2:51 Iomraidhean Croise

Kusintii Andunya 37:11

Ŋɔi igbãɛ ŋa à waa muu do idɔɔkɔ̃, amma baau í singa ide ŋau fei si idɔɛ.

Iri ku kɔ̃ 119:11

Ǹ wa n mu ideɛ ŋai si idɔm, ku ba n maà n ce dulum bi tɛɛ.

Daniɛli 7:28

Kɔɔi ideui ihɛ̃ bɛ. Amu Daniɛli ideu í mum njo ntɔ ntɔ hee do si lasabum ŋa fei. Ideu í jɔ̀ wajum fei í baa í kpaasi, nɔ ǹ wasi ku lasabu si fei ndɛɛ si idɔm.

Matie 12:46

Waati iyi Jesu wa ba zamaau ide ku fɔ, ŋɔi iyeɛ do ifɔɛ ŋa à naa à leekĩ waduude, à waa bi a baa ide ku fɔ.

Matie 3:15

Ŋɔi Jesu í jɛaa í ni, jɔ̀ ku ce bɛɛbɛ titã, domi bɛɛbɛi à nɛ ka ce ka ceò mii iyi Ilaaɔ̃ í bi fei. Nɔ Zãa í jɛ.

Maaku 1:9

Waati bɛɛbɛ Jesu í dede wa hai Nazarɛti si ilɛi Galilee í naa bi Zãa. Iyi í to wa nɔ Zãa í dasiɛ inyi si idoi Zuudɛ̃ɛ.

Maaku 6:3

Kù jɛ woo gbe jĩi nɔu mbɛ ya, amai Maariu mɛɛ. Mà kù jɛ igbãi Zaaki do Zozee, do Zudu do Simɔɔ mbɛ ba. Nɔ wecĩɛ ŋa a kù wa inɔ nwa ihɛ̃? To, lasabu nŋu ŋau bɛi wa ganji ŋa a dasiɛò naanɛ.

Luku 18:37

Ŋɔi à sɔ̃ɔ à ni, Jesu inɛi Nazarɛtiui wa lɔ.

Luku 2:19

Amma Maari njɛ wa mu fei ndɛɛ si idɔɛ, nɔ wa lasabu si do laakai.

Luku 2:39

Waati iyi iyeò baai Jesu ŋa à tã mii ŋa iyi woodai Aɔ̃ Lafɛ̃ɛ í ni a ceu fei, ŋɔi à nyi Nazarɛti ilu nŋa si ilɛi Galilee.

Luku 4:16

Nɔ Jesu í bɔ Nazarɛti ilu bii í jɛ amau. Ŋɔi si ajɔi kusĩmi í bɔ ile bii Zuifu ŋa à ya ce kutɔtɔɔu si bɛi í nɛ dɔ̃ɔnɛɛ. Ŋɔi í dede ku cio tia.

Luku 4:23

Nɔ Jesu í sɔ̃ ŋa í ni, kù nɛ sika aa kpaam mɔndau ihɛ̃ i ni ŋa, awɔ lokotoo, faaba araɛ. Ce si iluɛ ihɛ̃ mii ŋa iyi à gbɔ ì ce Kapɛranumu fei.

Efɛɛzu 5:21

Iŋɛ iyi ì mà bɛɛrɛi Kirisi, i ya sũa njɛ iri ilɛ ŋa.

Piɛɛ 1, 2:21

Na ideu bɛi Ilaaɔ̃ í kpe ŋɛ domi Kirisi takaɛ í ba ijuukpã na iri nŋɛ nɔ wa nyisi ŋɛ yaase jiida ku ba i too tuubaɛ ŋa.