Luku 2:49 - Bibeli do fee

⁴⁹ Ŋɔi í bee ŋa í ni, na mii í ce ì waa dɛdɛɛm ŋa. I kù mà ŋa iyi wũai Baam nii ǹ nɛ n ce?

Luku 2:49 Iomraidhean Croise

Iri ku kɔ̃ 40:8

Na ŋɔi í jɔ̀ ǹ ni, amu wee ǹ wa n naa bi tɛɛ. Si tia iyi à káu ǹ yɛ à kɔ mii iyi ǹ nɛ ku ce.

Malasi 3:1

Ŋɔi Aɔ̃ Lafɛ̃ɛi lele do ilɛ í jɛ í ni, an bɛ amaacɛm wa ku na ku teesem kpãa. Lafɛ̃ɛ iyi ì waa dɛdɛ ŋau á lɔ si kpasɛ̃ɛu anu akã. Amaabɛ iyi ì bi ŋau wa naa ku na ku fɔ idei akabuum.

Matie 21:12

Ŋɔi Jesu í bɔ bantumai kpasɛ̃i Ilaaɔ̃. Iyi í to bɛ í lele woo ta iwò ŋa do woo ra iwò ŋa iyi à wa bɛ. Í fuka fuka taabui woo kpaasi fia ŋa, do kitãi woo ta ankasiidi ŋa.

Luku 2:48

Iyi baaɛ ŋau à yɔɔ bɛ, ŋɔi aŋa mɔ à biti, nɔ iyeɛ í ni, amam, na mii í ce ì ce nwa bɛɛbɛ. Amu do baaɛ wee à wasi ku dɛdɛɛ do zigiida.

Laabaau jiida iyi Zãa í kɔ 4:34

Nɔ Jesu í sɔ̃ ŋa í ni, ijɛm nŋui í jɛ n ce idɔɔbii inɛ iyi í bɛm wa nɔ n kpa irii icɛɛ iyi í dasim.

Laabaau jiida iyi Zãa í kɔ 5:17

Amma Jesu í sɔ̃ ŋa í ni, Baam í ya maa ce icɛi waati kãma fei, bɛɛbɛ mɔi amu takam ǹ wa n ce.

Laabaau jiida iyi Zãa í kɔ 5:36

Amma sɛɛda gɔ í wɛɛ iyi í la í re ti Zãa. Sɛɛdaui í jɛ icɛ iyi ǹ wa n ce. Aɔ̃ Baabai í daam si awɔ, nŋu mɔi wa jɛa inɛ ŋa sɛɛdam nɔ wa nyisi iyi Ilaaɔ̃ Baabai í bɛm wa.

Laabaau jiida iyi Zãa í kɔ 6:38

Ǹ kita wai hai lelei Aɔ̃ n na n ceò idɔɔbii inɛ iyi í bɛm wa, kù jɛ idɔɔbii amu takam.

Laabaau jiida iyi Zãa í kɔ 8:29

Nŋu iyi í bɛm wa í wɛɛ do amu. Kù jɔ̀m amu akã domi waati kãma fei iyi á dɔ̃a sii ǹ ya n ce.

Laabaau jiida iyi Zãa í kɔ 9:4

Dasã kù nɛ bɛi aa ka ce iyi a kù ce icɛi inɛ iyi í bɛm wa. Idũ í maai wa si bii inɛ gɔ kaa yɔkɔ ku ce icɛ.