Luku 2:41 - Bibeli do fee

⁴¹ Adɔ̃ fei iyeò baai Jesu ŋa à ya bɔ jingaui Iku ku kuai Zeruzalɛmu.

Luku 2:41 Iomraidhean Croise

Kufita 12:11

Yaase bɛi aa ŋɔɔò ŋa wee. Aa tã sɔɔlui isɛɛnɛ, nɔ i dasi jĩnɛ iyi i ya bɔò ilu ŋai, nɔ i dasi baata nŋɛ ŋa, nɔ i máa mu golo nŋɛ ŋa, nɔ i ŋɔɔ do saasa ŋa. Nŋui í jɛ jingaui Aɔ̃ Lafɛ̃ɛ iyi à ya kpe Iku ku kua.

Kufita 12:14

Na nŋu, i ya ye gigii ajɔu ihɛ̃ ŋa nɔ i ya jɛ jingau i jirimam do ŋa, amu Aɔ̃ Lafɛ̃ɛ. Jingau bɛi á jɛa iŋɛ do ama nŋɛ ŋa wooda iyi aa maa too si ŋa adɔ̃ do adɔ̃ hee do ajɔ fei.

Kufita 34:23

Adɔ̃ akã fei inɛmɔkɔ ŋa aa ya naa bi amu Aɔ̃ Lafɛ̃ɛi iŋɛ inɛi Izirɛli ŋai isɛ gbɛɛta.

Kuwee 23:5

Si ajɔ maatɛ̃ɛsiai cukpa sintei adɔ̃, hai alɛɛ gbakã aa jɛ jingaui Iku ku kua i naò irii amu Aɔ̃ Lafɛ̃ɛ nŋɛ bɛɛrɛ ŋai.

Kuka 28:16

Si ajɔ maatɛ̃ɛsiai cukpa sintei adɔ̃, i jɛ jingaui Iku ku kua i naò amu Aɔ̃ Lafɛ̃ɛ bɛɛrɛ ŋa.

Luku 2:42

Si waati iyi Jesu í nɛ adɔ̃ maateeji ŋɔi à bɔ jingauu si bɛi à nɛ dɔ̃ɔnɛɛ.

Laabaau jiida iyi Zãa í kɔ 11:55

Wee jingaui Zuifu ŋa iyi à ya kpe Iku ku kua í maai wa. Nɔ hai ilɛɛko ŋa inɛ nkpɔ í bɔ kuwee ku ce Zeruzalɛmu ku ba a maaju hee jingauu ku maa to wa.

Laabaau jiida iyi Zãa í kɔ 13:1

Ajɔ iyi bii iju í má á jɛ jingaui Iku ku kuau í to. Nɔ Jesu í mà iyi waatii nŋu í to mbɛ nŋu ku nɛ hai andunya nŋu ku bɔ bi Baai nŋu. Hai sinte hee ku baa nsɛi í nɛ kubii inɛɛ ŋa si andunya, nɔ kubi nŋa iyi í nɛu í bɔòi hee kɔɔ.

Laabaau jiida iyi Zãa í kɔ 2:13

Jingaui Zuifu ŋa iyi à ya ni jingaui Iku ku kuau í maai wa. Ŋɔi Jesu í bɔ Zeruzalɛmu.

Wooda ku kɔsi 12:11

Aɔ̃ Lafɛ̃ɛ nŋɛ á cica inya bii iriɛ á wai, nɔ tengi bɛi aa ya koo i ceaa kuwee iyi ǹ sɔ̃ ŋɛ ŋau fei ŋa. Kuwee ŋa iyi à ya jo si ina fei sãa sãau, do kuwee mmuɛ ŋa, do akã si mɛɛwa fei, do amuai mii sinte ŋau do amua ŋa iyi ì dasi idɔ i ce ŋa do iyi aa ce i kɔ̃ò kuwã ŋa iyi ì ceaa ŋau fei ŋa.

Wooda ku kɔsi 12:18

Bii aa yɔkɔ i jɔɔ ŋa nŋu akãi í jɛ si wajui Aɔ̃ Lafɛ̃ɛ. Tengi bii Aɔ̃ Lafɛ̃ɛ á cica, tengi bɛi aa jɔɔ ŋa iŋɛ do ama inɛmɔkɔ nŋɛ ŋa do ama inaabo nŋɛ ŋa do woo ce icɛ inɛmɔkɔ nŋɛ ŋa do woo ce icɛ inaabo nŋɛ ŋa, do inɛi Levii iyi í wa inɔ kpasɛ̃ nŋɛ. Tengi bii Aɔ̃ Lafɛ̃ɛ á cicau bɛ, tengi bɛi aa kpɛ̃ inɔ didɔ̃ nŋɛ do amani iyi ì nɛ fei ŋa.

Wooda ku kɔsi 16:16

Si adɔ̃ akã fei, inɛmɔkɔ ŋa aa koo si wajui Aɔ̃ Lafɛ̃ɛi bɛi isɛ gbɛɛta tengi bii í cicau, si waatii jingaui Pɛ̃ɛ hai nɛ levɛ̃ɛ ŋau do si waatii jingaui Amaajɛ sinte ŋau do si waatii jingaui Kusu ŋau. Nɔ a kù nɛ a koo si wajui Aɔ̃ Lafɛ̃ɛ awɔ ngbɛ.

Samuɛli 1, 1:21

Si anyii nŋu Elikana í dede má í bɔ Siloo do inɛi kpasɛ̃ɛ ŋa fei a ba a cea Aɔ̃ Lafɛ̃ɛ kuweei adɔ̃u do ti kuwã iyi í tako í ceu wo.

Samuɛli 1, 1:3

Nɔ adɔ̃ fei mɔkɔu í ya bɔ Siloo koo tɔɔ Aɔ̃ Lafɛ̃ɛi lele do ilɛ, nɔ ku ceaa kuwee. Siloo bɛi Ɔfini do Fineɛzi amai Elii ŋa à wa, à waa jɛ woo weei Aɔ̃ Lafɛ̃ɛ ŋa.