Luku 2:4 - Bibeli do fee

⁴ Ŋɔi Zozɛfu mɔ í nɛ hai Nazarɛti si ilɛi Galilee, í bɔ ilɛi Zudee si ilui Davidi iyi à ya kpe Betelehɛmu, domi nŋu mɔ nyaanzei Davidii wa jɛ.

Luku 2:4 Iomraidhean Croise

Kusintii Andunya 35:19

Rasɛli í ku nɔ à suu itĩ kpãai Efarata. Efarataui à waa kpe Betelehɛmu si nsɛi.

Kusintii Andunya 48:7

Si waati iyi ǹ wa n baa hai ilɛi Padan-Aramu, Rasɛli iyeɛ í ku sim kɔkɔi Efarata si ilɛi Kanaã. Ǹ suui itĩ kpãai Efarata bɛ, waatɔ Betelehɛmu.

Misee 5:2

Na ŋɔi í ce, Aɔ̃ Lafɛ̃ɛ á fũsi inɛɛ ŋa awɔ hee koo to waati iyi abo iyi á bí amau ku bí, nɔ inɛɛ ŋa iyi à gbe à wɛɛ si hunde ilɛ mmu a baa a na a tɔtɔɔ do inɛi Izirɛli ŋau.

Matie 1:20

Si bɛi wa lasabu bɛɛbɛ ŋɔi amalekai Ilaaɔ̃ í naa í sɔ̃ɔ si ala í ni, Zozɛfu, awɔ tɔkui Davidi ilaaluu, maà ce njoi i so Maari, mudɛ̃ɛ iyi à muuɛu. Dasiɛ kpasɛ̃. Asĩ iyi í nɛu bɛ, do gbugbãi Hundei Ilaaɔ̃i.

Matie 2:23

Nɔ í koo í buba ilui Nazarɛti. Bɛɛbɛi idei walii ŋau í kɔ̃, si bɛi à ni aa kpoo inɛi Nazarɛti.

Luku 2:3

Nɔ inɛ fei í nɛ si iluɛ koo na iriɛ a kɔɔ si tia.

Luku 2:5

Í bɔ ku na iriɛ, nŋu do Maari abo bãasĩɛu.

Luku 4:16

Nɔ Jesu í bɔ Nazarɛti ilu bii í jɛ amau. Ŋɔi si ajɔi kusĩmi í bɔ ile bii Zuifu ŋa à ya ce kutɔtɔɔu si bɛi í nɛ dɔ̃ɔnɛɛ. Ŋɔi í dede ku cio tia.

Laabaau jiida iyi Zãa í kɔ 1:46

Ŋɔi Nataniɛli í beeɛ í ni, inɛ jiida gɔ á yɔkɔ ku fita hai Nazarɛti mbɛ? Ŋɔi Filipu í ni, naa i koo i cɔ.

Laabaau jiida iyi Zãa í kɔ 7:42

Kukɔi idei Ilaaɔ̃ kù ni inɛ iyi Ilaaɔ̃ í cicau á fita wai hai si dimii Davidi? Hai Betelehɛmu ilui Davidi takaɛi á naa.

Ruutu 1:19

Ŋɔi aŋaò fei à nɛ hee Betelehɛmu. Kuto nŋa í dede anu ku dɔ̃ nla nla si iluu. Inaabo ŋa à wasi ku ni, Naomi mbɛ ntɔ ntɔ?

Ruutu 2:4

Iyi í ce sãa ŋɔi Boazi í to wa hai Betelehɛmu. Nɔ í ce woo mu ŋau fɔɔ í ni, Aɔ̃ Lafɛ̃ɛ ku wɛɛ do iŋɛ. Nɔ aŋa mɔ à jɛaa à ni, Aɔ̃ Lafɛ̃ɛ ku weeɛ.

Ruutu 4:11

Ŋɔi inɛ ngbo ŋau hee do inɛ ŋa iyi à wa bɛ ŋau fei à jɛ à ni, oo, à jɛ sɛɛda. Aɔ̃ Lafɛ̃ɛ ku weea inaabo iyi wa naa si inɔ kpasɛ̃ɛu. Aɔ̃ Lafɛ̃ɛ ku jɔ̀ ku yɛ bɛi Rasɛli do bɛi Lea, abo minjii Zakɔbu ŋau, aŋa iyi à ma kpasɛ̃i Izirɛli. Nɔ Aɔ̃ Lafɛ̃ɛ ku jɔ̀ amanii awɔ takaɛ ku la si dimii Efarata nɔ iriɛ ku bɔ lele si ilui Betelehɛmu fei.

Ruutu 4:17

Inaabo ŋa iyi à wa amɛɛ bɛ fei à wasi ku ni, Naomi í ba ama inɛmɔkɔ. Nɔ à sɔ amau Obɛdi. Obɛdii í jɛ baai Izai, Izai mɔi í jɛ baai Davidi.

Samuɛli 1, 16:1

Ŋɔi Aɔ̃ Lafɛ̃ɛ í sɔ̃ Samuɛli í ni, maà kpataa Saulu má domi ǹ kɔ̀siɛ nɔ kaa jɛ ilaalui inɛi Izirɛli ŋa má. Dasi ikpo si inɔ ngoɛ i bɔ Betelehɛmu bi Izai. Si inɔi amaɛ ŋai ǹ yɛ ilaalu iyi an so.

Samuɛli 1, 16:4

Ŋɔi Samuɛli í ce bɛi Aɔ̃ Lafɛ̃ɛ í fɔu, í dede í bɔ Betelehɛmu. Iyi inɛ ngboi ilu ŋau à yɔɔ ŋɔi njo í mu ŋa nɔ à sɛi à koo à beeɛ à ni, baanii ì waa naaò wa ihɛ̃?

Samuɛli 1, 17:12

Wee Davidi amai Izai inɛi Efarata iyi í wa Betelehɛmu si ilɛi Zudaai. Izai í nɛ ama inɛmɔkɔ mɛɛjɔ, nɔ si waati nŋu Saulu í gbo ntɔ ntɔ.

Samuɛli 1, 17:58

Ŋɔi Saulu í beeɛ í ni, awɔ amai yooi. Ŋɔi Davidi í jɛaa í ni, amu amai woo ce icɛɛ Izai inɛi Betelehɛmui.

Samuɛli 1, 20:6

Bii baaɛ í beeɛ í ni na mii í ce n kù naa, nɔ i sɔ̃ɔ i ni ǹ tɔɔɛ ǹ ni i jɔ̀ n bɔ ilum Betelehɛmu si na iyi í jɔ̀ ǹ nɛ kuweei adɔ̃ ku ce do inɛi kpasɛ̃m ŋa.