Luku 2:37 - Bibeli do fee

³⁷ nɔ í buba jaaɔ̃ adɔ̃ nkpɔ nkpɔ. Nsɛi abou í nɛ adɔ̃ cinɛ do mɛɛ, nɔ ci ya fita hai bantumai kpasɛ̃i Ilaaɔ̃. Dasã do idũ fei, í ya maa cea Ilaaɔ̃ icɛi do anu kudĩ do kutɔɔ.

Luku 2:37 Iomraidhean Croise

Iri ku kɔ̃ 22:2

Ilaaɔ̃ Lafɛ̃ɛm, Ilaaɔ̃ Lafɛ̃ɛm, na mii í ce ì fũsim awɔ, na mii í ce ì jĩim. Na mii í ce ǹ kpata siɛ, nɔ i kù faabam.

Iri ku kɔ̃ 23:6

Ntɔ ntɔ jiida ku jɛɛ do didɔ̃ɛ aa maa wɛɛi do amu ajɔ fei si kuwɛɛm fei. Nɔ an sinda n nyi wa si kpasɛ̃ɛ, Aɔ̃ Lafɛ̃ɛ, ajɔ fei si kuwɛɛm fei.

Iri ku kɔ̃ 27:4

Mii akãi ǹ wa n tɔɔ Aɔ̃ Lafɛ̃ɛ, nɔ nŋui wa mum jiida jiida. Nŋui í jɛ n maa n wa inɔ kpasɛ̃ɛ si kuwɛɛm fei n maa n cɔ jiida ku jɛɛ, nɔ n maa n tɔɔɛ.

Iri ku kɔ̃ 84:10

Ilaaɔ̃, cɔ, awɔi ì jɛ bɛi tɛli nwa. Jɔ̀ i gba inɛ iyi ì cicau.

Iri ku kɔ̃ 84:4

Aɔ̃ Lafɛ̃ɛi lele do ilɛ, awɔ iyi ì jɛ ilaalum do Lafɛ̃ɛm, baa tiitii ŋa do kufeegala ŋa fei à ya ce antɛ bii ama nŋa ŋa aa wa si idĩi kpasɛ̃ɛ kɔkɔi bi kuweeɛ ŋau.

Iri ku kɔ̃ 92:13

Inɛ dee dee ŋa à ya lai bɛi jĩi ndii kpakpa. À ya dedei bɛi jĩi ndii Libãa gɔ iyi à ya kpe sɛɛdi.

Kufita 38:8

Ŋɔi à ce jɛɛ nantaa do isɔ nkpa, nɔ wa leekĩ si antaii isɔ nkpa. Inaabo ŋa iyi à waa ce icɛ anu koofai ile bi kukou, aŋai à na digii isɔ nkpa ŋau ku ba a ceò jɛɛ nantaau.

Luku 5:33

Ŋɔi inɛ ŋau à bee Jesu má à ni, bɛirei í ce mɔcɔi Zãa woo dasi inyiu do ti Farisi ŋa à ya dĩ anu a maa ceò kutɔɔ, nɔ wee mɔcɔɛ ŋa a ci ya dĩ anu. À ya maa jɛi nɔ a maa mɔ.

Woo bɛ ŋa 13:3

Iyi à ce anu ku dĩ do kutɔɔu à tã, ŋɔi à lea Baanabasi do Sɔlu awɔ si iri, nɔ à jɔ̀ ŋa à nɛ.

Woo bɛ ŋa 14:23

Ŋɔi à cicaa igbɛi inɛi Jesu ŋa fei inɛ ngbo ŋa. Si anyiɛ nɔ à ce kutɔɔ do anu ku dĩ à so ŋa à daa Lafɛ̃ɛ si awɔ, nŋu iyi à dasi naanɛu.

Woo bɛ ŋa 26:7

Kuwãui dimi maateeji nwa ŋau mɔ fei à waa cɔ kpãaɛ. Na ŋɔi í jɔ̀ à waa cea Ilaaɔ̃ icɛ do himma alɛò daakɔ. Ilaalu, kpãau bɛ iyi ǹ wa n cɔ nŋui í jɔ̀ Zuifu ŋau à waa mám ide.

Timɔtee 1, 5:5

Inaabo iyi í jɛ jaaɔ̃ do ntɔ nɔ kù nɛ inɛ gɔ iyi á woo, kpãa ku cɔɛ fei si Ilaaɔ̃i í ya wa nɔ í ya maa ce kutɔɔ ku maa tɔɔ sobiɛ dasãò idũ.

Kuyɛi Zãa 3:12

Inɛ iyi í jɛ igũ, an jɔ̀ ku jɛ sɔbe si kpasɛ̃i Ilaaɔ̃, kaa fita má. An kɔ irii Ilaaɔ̃ siɛ do irii iluɛ iyi í jɛ Zeruzalɛmu titɔ̃ iyi Ilaaɔ̃ á jɔ̀ ku kita wa hai lele. Nɔ n kɔ iri titɔ̃m siɛ.

Kuyɛi Zãa 7:15

Nŋui í jɔ̀ à waa leekĩ si wajui kitãi bommai Ilaaɔ̃ à waa tɔɔɛ dasãò idũ inɔ kpasɛ̃ɛ. Nɔ Ilaaɔ̃ á wa inɔ nŋa ku maa degbe ŋa.

Samuɛli 1, 2:2

Inɛ kãma kù má bɛi awɔ, Aɔ̃ Lafɛ̃ɛ, awɔ akãi aa ka tɔɔ, awɔ akãi ì waa degbe inɛɛ ŋa.