Luku 2:35 - Bibeli do fee

³⁵ Nɔ lasabui idɔi inɛ nkpɔ kú fita gbugbãa. Awɔ takaɛ, inɔ kufɔ á gũɛ ajɔ akã si idɔɛ bɛi taakuba.

Luku 2:35 Iomraidhean Croise

Iri ku kɔ̃ 42:10

Ilaaɔ̃, awɔi ì jɛ kuta ku nɛ gbugbãm. Na mii í jɔ̀ ì gbɛjɛm, na mii aa jɔ̀ mbɛɛm ku maa tɛɛsɛm, nɔ n maa n nɛ si inɔ kufɔ.

Luku 2:34

Simeɔ̃ í wee nŋa nɔ í sɔ̃ Maari iyei Jesuu í ni, Ilaaɔ̃ í cica amau ihɛ̃i ku kɛkɛ inɛ nkpɔ nɔ ku dede inɛ nkpɔ mɔ si inɔi inɛi Izirɛli ŋa. Nŋui Ilaaɔ̃ í bɛ wa ku jɛ bɛi nyinda, amma inɛ ŋa aa kɔ siɛ.

Luku 2:36

Inaabo walii gɔ mɔ í wa bɛ à ya kpoo Ana, amai Fanuɛli si dimii Azɛɛ ŋa. Abou í gbo ntɔ ntɔ. Í ce muau zakai adɔ̃ mɛɛje mɔkɔɛ kù bɛi kù na kù wɛɛ,

Laabaau jiida iyi Zãa í kɔ 19:25

Wee iyei Jesu do ifɔi iyeɛ, do Maari aboi Kopa, do Maari inɛi Madalau, à waa leekĩ bi jĩi ku gaaui Jesu.

Kɔrɛnti 1, 11:19

Ntɔ ntɔ, kù nɛ bɛi á ce iyi njɛ ku fɛɛfɛ kù wa si anini nŋɛ, ku ba a mà inɛ ŋa iyi à jɛ ti ntɔ.

Wooda ku kɔsi 8:2

I ye gigii isɛɛnɛ sisɔ iyi Aɔ̃ Lafɛ̃ɛ nŋɛ í jɔ̀ ì ce ŋa adɔ̃ ciiji si gbaau ku ba ku cɔ laakai nŋɛ nɔ ku mà mii iyi í wa si idɔ nŋɛ, nɔ ku mà bii í jɛ aa yɔkɔ i jirima woodaɛ ŋa walakɔ bii í jɛ i kaa yɔkɔ ŋa.

Zãa 1, 2:19

Mbɛɛ ŋau, hai si inɔ nwai à fita, amma a kù jɛ inɛ nwa ŋa, domi bii à jɛ inɛ nwa ŋai wo aa wa inɔ nwa. Amma à fita ku ba ka mà iyi kãma nŋa kù jɛ inɛ nwai wo do ntɔ.