Luku 2:34 - Bibeli do fee

³⁴ Simeɔ̃ í wee nŋa nɔ í sɔ̃ Maari iyei Jesuu í ni, Ilaaɔ̃ í cica amau ihɛ̃i ku kɛkɛ inɛ nkpɔ nɔ ku dede inɛ nkpɔ mɔ si inɔi inɛi Izirɛli ŋa. Nŋui Ilaaɔ̃ í bɛ wa ku jɛ bɛi nyinda, amma inɛ ŋa aa kɔ siɛ.

Luku 2:34 Iomraidhean Croise

Kusintii Andunya 14:19

Nɔ í weea Aburamu í ni, Ilaaɔ̃ iyi í re mii fei iyi í taka lele do ilɛ ku weeɛ.

Kusintii Andunya 47:7

Si anyiɛ ŋɔi Zozɛfu í gbã Zakɔbu baaɛu mɔ í koo í nyisi Faraɔ̃, nɔ Zakɔbu í weea Faraɔ̃.

Kufita 39:43

Iyi Moizi í yɛ à ce fei ndɛɛ dee dee si bɛi Aɔ̃ Lafɛ̃ɛ í sɔ̃ nŋuu, ŋɔi í wee ŋa.

Ezai 8:18

Amu do amu ŋa iyi Aɔ̃ Lafɛ̃ɛ í nam, awai à jɛ nyinda iyi inɛ ŋa aa maa cɔ do waju si ilɛi Izirɛli na saabui Aɔ̃ Lafɛ̃ɛi lele do ilɛ, nŋu iyi í nɛ bi kuwaɛ si iri kutai Siɔ̃ɔ.

Ozee 14:9

Efaraimu, anu akã yoomai í wa si gãmɛi amu do iwɛ̃ ŋa. Amui ǹ ya n jɛɛ si kutɔɔɛ, nɔ amui ǹ wa n wɔ njoo siɛ. Amui ǹ jɛ bɛi jĩi ndii sipɛrɛɛsi iyi í ya maa tũ waati kãma fei. Amui ǹ ya n jɔ̀ i ba amaajɛ ŋa i da.

Matie 11:19

Nɔ iyi amu Amai Amanɛ ǹ naa, ǹ ya n jɛ nɔ n maa n mɔ, nɔ inɛ ŋa à ni ǹ bi ijɛ nɔ ǹ jɛ woo mɔ atɛ̃, nɔ ǹ jɛ kpaasii woo gba fiai lɛmpoo ŋa do ilu dulum ŋa. Do nŋu fei, à yɛ iyi bisii Ilaaɔ̃ í jɛ dee dee na icɛ ŋa iyi wa ce.

Matie 12:46

Waati iyi Jesu wa ba zamaau ide ku fɔ, ŋɔi iyeɛ do ifɔɛ ŋa à naa à leekĩ waduude, à waa bi a baa ide ku fɔ.

Matie 21:44

Inɛ iyi í cuku si kutau fei, kutau á cɛi. Inɛ iyi í nɔ í bata mɔ á lɔlɔ lafɛ̃ɛi nɛkɔ̃ nɛkɔ̃.]

Matie 27:63

À ni, lafɛ̃ɛ, à ye gigii ide iyi ilu ibou í fɔ si waati iyi í wɛɛ si andunya í ni si ajɔ mɛɛtasia nŋu á jĩ hai si balɛ má.

Luku 2:35

Nɔ lasabui idɔi inɛ nkpɔ kú fita gbugbãa. Awɔ takaɛ, inɔ kufɔ á gũɛ ajɔ akã si idɔɛ bɛi taakuba.

Laabaau jiida iyi Zãa í kɔ 3:20

Ntɔ ntɔ, inɛ iyi wa ce laalɔ fei í ya cé inya kumái. Ci ya naa si inya kumáu ku ba mii iyi wa ce ku maà fita gbugbãa.

Laabaau jiida iyi Zãa í kɔ 5:18

Na irii ideu bɛi Zuifu ŋa à teese à waa dɛ Jesu ku kpa, kù jɛ si na iyi í jɔ̀ í jɔ̀ inɛɛu í ba iri si ajɔi kusĩmi nŋu akã, amma si na iyi í jɔ̀ wa wã araɛi do Ilaaɔ̃ má, wa ni Ilaaɔ̃i í jɛ baai nŋu.

Woo bɛ ŋa 13:45

Iyi Zuifu ŋau à yɛ zamaau ŋɔi à dedeò igu ku ja à waa jã ide iyi Pɔlu wa fɔu nɔ à waa buu.

Woo bɛ ŋa 17:6

Iyi à dɛdɛ ŋa a kù yɛ ŋa, nɔ à mu Zasɔ̃ɔ do kpaasi woo dasi Jesu naanɛ gɔ ŋa à fa ŋa à bɔò ŋa bi inɛ ngboi ilu ŋa. Nɔ à wasi ku la à waa ni, inɛ ŋa iyi à waa sinda andunya feiu à to wa ihɛ̃,

Woo bɛ ŋa 24:5

À yɛ iyi mɔkɔu ihɛ̃ ilu naanaui, nɔ í nɛ kòsi si aninii Zuifu ŋa si andunyau ihɛ̃ fei. Nŋui í jɛ inɛ ngboi kpãai Aɔ̃ ku tɔɔ gɔ iyi à ya kpe ti inɛi Nazarɛti ŋa.

Woo bɛ ŋa 28:22

Amma awa taka nwa à bi ka gbɔ iyi í wa idɔɛ, domi à mà bii feii à ya maa fɔ laalɔi kpãa iyi ì waa toou.

Woo bɛ ŋa 4:26

Ilaalui ilɛ ŋa do ilu iri ŋa à dede nɔ à tɔtɔɔ ku ba a ce igũ do Aɔ̃ Lafɛ̃ɛ do inɛ iyi í cica.

Woo bɛ ŋa 6:7

Bɛɛbɛ mɔi idei Ilaaɔ̃ í fangaa wa koo nɔ kukpɔi inɛ ŋa iyi à waa too kpãai Jesuu í kɔ̃ɔsi wa koo si ilui Zeruzalɛmu, nɔ woo weei Ilaaɔ̃ nkpɔ í dasi Jesu naanɛ.

Romu 9:32

Na mii. Si na iyi í jɔ̀ inɛi Izirɛli ŋa a kù dɛdɛɛ do naanɛ ku dasi, í gbe do icɛ nŋa. À koosɛ si kuta iyi í ya jɔ̀ inɛ ŋa a koosɛu.

Kɔrɛnti 1, 1:23

Amma awa, waazoi Kirisi iyi à kpakpa si antaii jĩi ku gaauui à waa ce. Ideu bɛi í jɛ bɛi kuta bi ku koosɛ bi Zuifu ŋa nɔ í jɛ má bɛi idei sũmu bi dimi mmu ŋa.

Ebɛɛ 7:1

Mɛɛkizedɛkii í jɛ ilaalui Salɛmu do woo weei Ilaaɔ̃ nŋu iyi í re fei. Si waati iyi Aburahamu í jɛ amanlu ŋa igũ wa baa, ŋɔi Mɛɛkizedɛki í bɔ ku kòo nɔ ku weeaa.

Ebɛɛ 7:7

Kù nɛ sika gɔ, inɛ iyi í re nŋui í ya weea kpaasi.

Piɛɛ 1, 4:14

Iŋɛ ilu inɔ didɔ̃ ŋai bii à waa bu ŋɛ na irii Kirisi, domi Hundei Ilaaɔ̃ ilu amboe, í wa si ŋɛ.

Samuɛli 1, 2:20

Ŋɔi Elii í wee nŋa nɔ í sɔ̃ Elikana í ni, Aɔ̃ Lafɛ̃ɛ ku jɔ̀ abou ihɛ̃ ku bíɛ amu ŋa a sãsi agbɛi Samuɛli iyi í na Aɔ̃ Lafɛ̃ɛu ihɛ̃. Si anyiɛ nɔ à sinda à baa ide.