Luku 2:33 - Bibeli do fee

³³ Ide iyi Simeɔ̃ wa fɔ si gãmɛi amau í mu iyeò baaɛ fei biti.

Luku 2:33 Iomraidhean Croise

Ezai 8:18

Amu do amu ŋa iyi Aɔ̃ Lafɛ̃ɛ í nam, awai à jɛ nyinda iyi inɛ ŋa aa maa cɔ do waju si ilɛi Izirɛli na saabui Aɔ̃ Lafɛ̃ɛi lele do ilɛ, nŋu iyi í nɛ bi kuwaɛ si iri kutai Siɔ̃ɔ.

Matie 12:46

Waati iyi Jesu wa ba zamaau ide ku fɔ, ŋɔi iyeɛ do ifɔɛ ŋa à naa à leekĩ waduude, à waa bi a baa ide ku fɔ.

Matie 8:10

Iyi Jesu í gbɔ ideu í biti nɔ í sɔ̃ inɛ ŋa iyi à waa tooɛu í ni, ntɔ ntɔ, baa si inɔi inɛi Izirɛli ŋa fei n kù yɛ inɛ iyi í yɔkɔ í dasim naanɛ nla bɛi inɛɛu ihɛ̃.

Luku 2:18

Nɔ inɛ ŋa iyi à gbɔ idei woo degbe ŋau fei ideu í ya mu ŋa bitii.

Luku 2:48

Iyi baaɛ ŋau à yɔɔ bɛ, ŋɔi aŋa mɔ à biti, nɔ iyeɛ í ni, amam, na mii í ce ì ce nwa bɛɛbɛ. Amu do baaɛ wee à wasi ku dɛdɛɛ do zigiida.

Luku 20:26

Ŋɔi à mɔngɔ ku too awɔ do ideɛ ŋa iyi wa fɔ si wajui zamaau. Ŋɔi à biti do ide ŋa iyi í jɛ, nɔ à coko nŋa.

Luku 9:43

Inɛ ŋa iyi à wa bɛ fei à biti do bɛi gbugbãi Ilaaɔ̃ í la í to. Si bɛi aŋa fei à wɛɛò bitiu bɛɛbɛ do mii iyi Jesu wa ce fei, ŋɔi Jesu í sɔ̃ mɔcɔɛ ŋa í ni,