Luku 2:25 - Bibeli do fee

²⁵ Wee mɔkɔ gɔ í wa Zeruzalɛmu bɛ à ya kpoo Simeɔ̃. Mɔkɔu í jɛ inɛ dee dee nɔ í mà bɛɛrɛi Ilaaɔ̃. Wa degbe Ilaaɔ̃ ku tũ idɔi inɛi Izirɛli ŋa nɔ Hundei Ilaaɔ̃ í wɛɛ do nŋu.

Luku 2:25 Iomraidhean Croise

Kusintii Andunya 6:9

Faajii nyaanzei Nowee wee. Nowee amanɛ dee deei, wa jirima Ilaaɔ̃ si inɔi inɛi waatiɛ ŋa. Ilaaɔ̃i wa too.

Zɔɔbu 1:1

Mɔkɔ gɔi í wɛɛ wo si ilɛi Usi à ya kpoo Zɔɔbu. Mɔkɔu kù nɛ taale kãma, í jɛ inɛ dee dee, í ya jirima Ilaaɔ̃, nɔ í ya saa laalɔ.

Zɔɔbu 1:8

Ŋɔi Aɔ̃ Lafɛ̃ɛ í beeɛ má í ni, i kù yɛ Zɔɔbu woo ce icɛm bɛ? Inɛ kãma kù wa si andunya iyi í yɛ bɛi nŋu. Mɔkɔu kù nɛ taale kãma, í jɛ inɛ dee dee, í ya jirimam, nɔ í ya saa laalɔ.

Ezai 25:9

Waati bɛɛbɛ inɛ ŋa aa maa nii, nŋui í jɛ Lafɛ̃ɛ nwa. Siɛi kpãa ku cɔ nwa í wa, nɔ nŋui í faaba wa. Nŋui í jɛ Aɔ̃ Lafɛ̃ɛ, nŋu iyi à waa cɔ kpãaɛ. Ka wɛɛò inɔ didɔ̃, ka wɛɛò inɔ didɔ̃i faaba iyi í ce nwa.

Ezai 40:1

Aɔ̃ Lafɛ̃ɛ nŋɛ í ni, i tũ idɔi inɛm ŋa ntɔ ntɔ ŋa.

Misee 6:8

Awɔ amanɛ, à jɔ̀ ì mà mii iyi í jɛ jiida, do mii iyi Aɔ̃ Lafɛ̃ɛ í bi i ce. Í bi i ce mii iyi í tɛ, do mii iyi í jɛ dee dee, nɔ i maa nɛ do ara ku kaye do nŋu Ilaaɔ̃ Lafɛ̃ɛɛ.

Kuka 11:25

Ŋɔi Aɔ̃ Lafɛ̃ɛ í kita wa si kudũi ijĩu aŋaò Moizi à fɔ ide, nɔ í jɔ̀ bubui gbugbã iyi í wa si Moiziu í lɔ si inɛ ngbo kitaò fɛɛwa ŋau. Iyi hundeu í lɔ si ŋa gbakã, à sinti ku fɔ idei bɛi walii ŋa, amma a kù mɔsi do bɛɛbɛ.

Kuka 11:29

Ŋɔi Moizi í jɛa í ni, ì waa ce igu na irim nii? Bii í jɛ Aɔ̃ Lafɛ̃ɛ í jɔ̀ hundeɛ í naa si inɛi Izirɛli ŋau ku ba aŋa fei a jɛ walii wo ni.

Luku 1:41

Waati iyi Elizabɛti í gbɔ fɔɔi Maariu, ŋɔi amau í yaga si inɔɛ, nɔ Elizabɛti í kɔ̃ò Hundei Ilaaɔ̃.

Luku 1:6

Aŋa minji fei à jɛ dee dee si wajui Ilaaɔ̃ Lafɛ̃ɛ nɔ à waa jirima woodaɛ ŋa do ideɛ fei mam mam.

Luku 1:67

Ŋɔi Zakari baai amau í kɔ̃ò Hundei Ilaaɔ̃, nɔ í ce walii í ni,

Luku 2:38

Waati bɛɛbɛ nŋu mɔ í sɛkɛɛ si ŋa wa, wa saabu Ilaaɔ̃, nɔ í lɔsi idei amau ku sisia inɛ ŋa iyi à waa degbe Ilaaɔ̃ ku faaba inɛi Zeruzalɛmu ŋa fei.

Woo bɛ ŋa 10:2

Mɔkɔu wa too Ilaaɔ̃ nɔ í ya maa jirimaɛ ntɔ ntɔ, nŋu do nyaanzeɛ ŋa fei. Í ya maa ce kutɔɔ waati kãma fei, í ya nɔ ku sobi ilu arei Zuifu ŋa ntɔ ntɔ.

Woo bɛ ŋa 10:22

Nɔ à ni, Kɔɔnɛi, inɛ ngboi sooge ŋai wa dɛdɛɛ. Inɛ dee deei, í ya maa jirima Ilaaɔ̃ nɔ Zuifu ŋa fei à ya maa fɔ jiida ku jɛɛ. Amalekai Ilaaɔ̃ gɔ í sɔ̃ɔ í ni ku kpeɛ bi tɛɛ ku ba ku gbɔ ide iyi aa sɔ̃ɔ.

Woo bɛ ŋa 2:5

Wee waati bɛɛbɛ Zuifu gɔ ŋa iyi à mà bɛɛrɛi Ilaaɔ̃ à naa hai ilɛ fei à wa Zeruzalɛmu.

Woo bɛ ŋa 24:16

Nŋui í jɔ̀ amu mɔ ǹ wa n hanya ajɔ fei ku ba idɔm ku maà yɛ taalem si wajui Ilaaɔ̃ do si wajui inɛ ŋa.

Wooda ku kɔsi 18:15

Aɔ̃ Lafɛ̃ɛ nŋɛ á jɔ̀ walii gɔ ku dede si anini nŋɛ hai si inɔi inɛ nŋɛ ŋau. Waliiu á yɛi bɛi amu, i ya gbɔ ideɛ ŋa.

Piɛɛ 2, 1:21

domi idei walii gɔ kù wɛɛ iyi inɛ gɔ í ce do idɔɔbii nŋu takaɛ, amma inɛ ŋa à ya sisi idei Ilaaɔ̃i si bɛi Hundeɛ í nyisi ŋa.