Luku 2:14 - Bibeli do fee

¹⁴ Amboe ku jɛ ti Ilaaɔ̃ hee lele. Nɔ laakai ku sũ ku wa si ilɛ si inɛ ŋa iyi Ilaaɔ̃ í bi.

Luku 2:14 Iomraidhean Croise

Ezai 44:23

Ntɔ ntɔ, Aɔ̃ Lafɛ̃ɛi í ce iyi bɛ. Na nŋu, lele, dɔ̃ anu do inɔ didɔ̃. Lɛlɛi ilɛ, dakpɛa. Iŋɛ iri kuta ŋa, i dɔ̃ anu do inɔ didɔ̃ ŋa. Nɔ iŋɛ mɔ jĩi ŋa do agbo ŋa, i ce bɛɛbɛ ŋa, domi Aɔ̃ Lafɛ̃ɛ í ya Zakɔbui, nɔ í nyisi bɛi amboeɛ í to si faabai Izirɛli.

Ezai 49:13

Lele, dɔ̃ anu do inɔ didɔ̃. Ilɛ, jɔ̀ i wɛɛ do inɔ didɔ̃. Iŋɛ iri kuta ŋa, i kɔ̃ iri do inɔ didɔ̃ ŋa, domi Aɔ̃ Lafɛ̃ɛ í tũ idɔi inɛɛ ŋa, í nɛ araarei inɛɛ ŋa iyi à jɛ ilu are ŋa.

Ezai 57:19

Nɔ Aɔ̃ Lafɛ̃ɛ í ni má, an dasi iri ku kɔ̃i saabu si gɛlɛ nŋa. Laakai ku sũi á jɛ ti inɛ ŋa iyi à wa amɛɛ hee do inɛ ŋa iyi à wa hee jĩijĩ fei. Amui an jɔ̀ a ba iri.

Misee 5:5

Aa gbã inɛi Asiri ŋaui do taakuba, nɔ aa tɛɛsɛ inɛi Nimirodu ŋai mam mam. Inɛ iyi á maa gbã waui á nya wa hai si awɔi inɛi Asiri ŋa bii à naa si ilɛ nwa nɔ à bii si ilɛu.

Matie 21:9

Inɛ ŋa iyi à waa cua Jesu do inɛ ŋa iyi à waa tooɛ fei à wasi ku dɔ̃ anu à waa ni, tɔkui Davidi, à waa saabuɛ. Aɔ̃ Lafɛ̃ɛ ku weeɛ, awɔ iyi ì waa naa do iriɛ. Ka saabu Ilaaɔ̃ hee lele.

Luku 1:79

ku ba ku má inya si inɛ ŋa iyi à waa buba si ilu kuku do si jĩjĩi iku ku maa nɛò awa fei si kpãai laakai akã.

Luku 19:38

À wasi ku ni, Ilaaɔ̃ ku weea ilaalu iyi wa naa do irii Lafɛ̃ɛ. Ilaaɔ̃ ku jɔ̀ laakai ku sũ ku wa lele nɔ ku nyisi amboeɛ bɛ.

Luku 2:13

Iyi í fɔ bɛɛbɛ í tã ŋɔi gbakã amaleka mmu gɔ ŋa à naa bi tɛɛ aŋa nkpɔ nkpɔ nɔ à saabu Ilaaɔ̃ à waa ni,

Luku 2:15

Ŋɔi amaleka ŋau à jɔ̀ ŋa à nyi lele. Si anyii nŋu, woo degbe ŋau à sabuu njɛ à waa ni, debɛi, ka bɔ Betelehɛmu, kaa cɔ mii iyi í ce, iyi Aɔ̃ Lafɛ̃ɛ í jɔ̀ à mà.

Luku 3:22

nɔ Hundei Ilaaɔ̃ í de siɛ wa hai lele do ara gɔ bɛi ankasiidi. Nɔ à gbɔ ide ku fɔ gɔ wa hai lele í ni, awɔ amam nii, ǹ biɛ jiida jiida. Siɛi inɔ didɔ̃m fei í ya wa.

Laabaau jiida iyi Zãa í kɔ 14:27

Laakai ku sũi ǹ wa n jɔ̀ nŋɛ. Bɛi amu takam ǹ wɛɛò laakai ku sũ, bɛɛbɛ mɔi an jɔ̀ iŋɛ mɔ i wɛɛò laakai ku sũ. Nɔ laakai ku sũ iyi an mu nŋɛu kaa jɛ bɛi ti andunya. Na nŋu, i maà wɛɛò inɔ kufɔ ŋa, nɔ i maà jɔ̀ zigi nŋɛ ku da.

Laabaau jiida iyi Zãa í kɔ 17:4

Ǹ jɔ̀ ì nɛ amboe si ilɛu ihɛ̃, nɔ ǹ ce icɛ ŋa iyi í dasim ku ceu fei.

Laabaau jiida iyi Zãa í kɔ 3:16

Ilaaɔ̃ í bi inɛi andunya ŋa jiida jiida hee í na ŋa Ama akãɛ ku ba inɛ iyi í dasiɛ naanɛ fei ku maà ce nfe, amma kú nɛ kuwɛɛ iyi ci ya tã.

Woo bɛ ŋa 10:36

Ì mà laabaau jiida iyi Ilaaɔ̃ í jɔ̀ à waazoa inɛi Izirɛli ŋa à ni inɛ ŋa aa ba laakai ku sũ do saabui Jesu Kirisi nŋu iyi í jɛ Lafɛ̃ɛi inɛ fei.

Romu 5:1

Nsɛi, si bɛi Ilaaɔ̃ í ce wa inɛ dee dee ŋa na naanɛ ku dasi nwa, à dɔ̃ do nŋu na saabui Lafɛ̃ɛ nwa Jesu Kirisi.

Efɛɛzu 1:6

ku ba ka saabu didɔ̃ nla nlaɛ iyi í ce nwa si anu akã nwa do Amaɛ, inɛ iyi siɛi kubiɛ fei í wa.

Efɛɛzu 1:9

Nɔ í jɔ̀ a mà asii iyi nŋu takaɛ í dasi idɔ ku ce hai tako si Kirisi.

Efɛɛzu 2:4

Amma araarei Ilaaɔ̃ í la. Na kubi nlaɛ iyi í bi wa,

Efɛɛzu 2:7

Í ce bɛɛbɛi ku ba ku nyisi didɔ̃ nla hai nɛ kɔɔɛ si jiida ku jɛɛ iyi í ce nwa do saabui Jesu Kirisi hee do ajɔ fei.

Filipi 2:11

Nɔ gɛlɛi inɛ fei ku jɛsi iyi Jesu Kirisii í jɛ Lafɛ̃ɛ. Nŋu bɛi á na Ilaaɔ̃ Baaba amboe.

Filipi 2:13

domi Ilaaɔ̃i wa ce icɛ si ŋɛ ku ba ku mu nŋɛ idɔɔbi do gbugbã iyi aa yɔkɔ i cooò ŋa bɛi nŋu takaɛ í bi.

Kolosee 1:20

Bɛɛbɛ mɔi í bi inɛi andunya fei ku dɔ̃ do nŋu, hai mii iyi í wa ilɛ hee do iyi í wa lele fei. Í ce nŋu bɛi si waati iyi Amaɛ í ku nɔ í nikã njɛɛ si antaii jĩi ku gaauu nɔ í naaò laakai ku sũ wa.

Tɛsalonika 2, 2:16

Nɔ Ilaaɔ̃ Baa nwa, nŋu iyi í bi wa, nɔ do saabui didɔ̃ɛ í mu nwa gbugbã iyi kù nɛ kɔɔ do kpãa ku cɔ jiida, nŋu do Lafɛ̃ɛ nwa Jesu Kirisi takaɛ

Kuyɛi Zãa 5:13

Nɔ ǹ gbɔ mii ilu hunde ŋa fei iyi à wa lele do ilɛ, do si lɛlɛi ilɛ, do si inɔ inyi, andi ilu hunde iyi í wa si andunya fei, à dɔ̃ anu à waa ni, inɛ iyi wa buba si kitãi bommau do ama angudãu, saabu do bɛɛrɛ do amboe do gbugbã ku jɛ tu ŋa hee do ajɔ fei.