Luku 2:13 - Bibeli do fee

¹³ Iyi í fɔ bɛɛbɛ í tã ŋɔi gbakã amaleka mmu gɔ ŋa à naa bi tɛɛ aŋa nkpɔ nkpɔ nɔ à saabu Ilaaɔ̃ à waa ni,

Luku 2:13 Iomraidhean Croise

Kusintii Andunya 28:12

Ŋɔi í laala í yɛ wee akpaa gɔ wa leekĩ ilɛ nɔ í koo í kã hee lelei Aɔ̃. Nɔ í yɛ amalekai Ilaaɔ̃ ŋa à gũ à wasi ku kita si akpaau.

Ilaalu 1, 22:19

Ŋɔi Misee í ni, i sotĩ i gbɔ ide iyi Aɔ̃ Lafɛ̃ɛ wa fɔ. Ǹ yɛ Aɔ̃ Lafɛ̃ɛ wa buba si kitãi bommaɛ nɔ soogei lelei Aɔ̃ ŋau fei à wa kɔkɔɛ canga do njɛɛ.

Zɔɔbu 38:7

waati iyi leleaɔ̃i amɛɛjuumá ŋau à waa kɔ̃ iri ajɔ nɔ amalekai Ilaaɔ̃ ŋa à waa dɔ̃ anu do inɔ didɔ̃.

Iri ku kɔ̃ 148:2

I saabuɛ ŋa, iŋɛ amalekaɛ ŋa. I saabuɛ ŋa, iŋɛ soogeɛ ŋa.

Iri ku kɔ̃ 68:17

Awɔ iri kuta iyi ì nɛ afe nkpɔ nkpɔ iyi í gboka, na mii í jɔ̀ ì waa ce igu do iri kuta bii Ilaaɔ̃ í bi nŋu ku wau. Ntɔ ntɔ, bɛi Aɔ̃ Lafɛ̃ɛ í ce bi kuwaɛ hee do ajɔ fei.

Ezekiɛli 3:12

Ŋɔi hundei Ilaaɔ̃ í dedem hai ilɛ nɔ do anyim ǹ wa n gbɔ ibai anu ku dɔ̃ nla gɔ wa ni, saabu ku jɛ ti Aɔ̃ Lafɛ̃ɛ tengi bii í wa wa nyisiò amboeɛ.

Daniɛli 7:10

Ina iyi í yɛ bɛi inyii ido, í faata wa nɔ wa cã si wajui mɔkɔ ngbou. Amanɛ dubu nkpɔ nkpɔi wa ceaa icɛ. Amanɛ dubu mɛɛwa ikɔ dubu mɛɛwai wa leekĩ si wajuɛ. Inɛ ngbo woo kiiti ŋa à waa buba bɛ, nɔ à cĩ tia ŋa.

Luku 15:10

Bɛɛbɛ mɔi ǹ wa n sɔ̃ ŋɛ, amalekai Ilaaɔ̃ ŋa à ya wɛɛò inɔ didɔ̃ na ilu dulum akã iyi í kpaasi idɔ.

Luku 2:12

Yaase bɛi aa màaò ŋa wee. Aa yɛ ama kpɔtɔɔ gɔ bɛ à biiɛ do acɔ, wa sũ si bi ku jɛi angudã ŋa.

Luku 2:14

Amboe ku jɛ ti Ilaaɔ̃ hee lele. Nɔ laakai ku sũ ku wa si ilɛ si inɛ ŋa iyi Ilaaɔ̃ í bi.

Efɛɛzu 3:10

ku ba inɛ ngboi lele ŋa do ilu yiikoi lele ŋa a mà yaasei bisiɛ do saabui igbɛi inɛi Jesu ŋa si waatiu ihɛ̃.

Timɔtee 1, 3:16

Do ntɔ, inɛ gɔ kù wɛɛ iyi á yɔkɔ ku jã kulai asiii kpãai Ilaaɔ̃ ku tɔɔ nwa. Kirisi í baa í jɛ amanɛ nɔ à yɔɔ, nɔ Hundei Ilaaɔ̃ í jɔ̀ à mà iyi inɛ dee deei. Amaleka ŋa mɔ à yɔɔ. Inɛ ŋa à waazo ideɛ si dimi baa yooma fei. Nɔ à dasi ideɛ naanɛ si andunya. Nɔ à soo lele í nyi si amboeɛ.

Ebɛɛ 1:14

Debɛi, mii amaleka ŋa à jɛ. Aŋa fei à jɛ hunde ŋa iyi à waa cea Ilaaɔ̃ icɛ. Aŋai í ya bɛ a koo a sobi inɛ ŋa iyi aa ba faaba.

Piɛɛ 1, 1:12

Ilaaɔ̃ í sisia walii ŋau í ni ide iyi nŋu í sɔ̃ ŋau kù jɛ ti aŋa taka nŋa, tu ŋɛi. Nsɛi woo sisi laabaau jiida ŋau à waazo nŋɛ nɔ ì gbɔ ideu ŋa. À fɔ idei do gbugbãi Hundei Ilaaɔ̃ iyi Ilaaɔ̃ í bɛ wa hai lele. Nɔ amaleka ŋau taka nŋa à waa bi a mà yaasei ideu.

Kuyɛi Zãa 5:11

Iyi ǹ cɔ ilu má nɔ ǹ gbɔ anui amaleka nkpɔ gɔ ŋa, kukpɔ nŋa í to dubu nkpɔ nkpɔ. À kaako kitãi bommau do ilu hunde ŋau do inɛ ngbo ŋau.