Luku 2:12 - Bibeli do fee

¹² Yaase bɛi aa màaò ŋa wee. Aa yɛ ama kpɔtɔɔ gɔ bɛ à biiɛ do acɔ, wa sũ si bi ku jɛi angudã ŋa.

Luku 2:12 Iomraidhean Croise

Ilaalu 2, 19:29

Nɔ awɔ Ezekiasi, iyi ihɛ̃i á jɛɛ nyinda. Adɔ̃ɔyiu ihɛ̃, amaajɛ calɛ nŋu akãi aa jɛ ŋa. Si adɔ̃ minjisiaɛ má, bɛɛbɛi aa ce ŋa. Amma si adɔ̃ mɛɛtasiaɛ, i gbɛ̃ nɔ i da ŋa. I teese ikoi jĩi ndii rezɛ̃ɛ nŋɛ nɔ i jɛ isoɛ ŋa.

Ilaalu 2, 20:8

Ezekiasi í bɛi í bee Ezai í ni, do nyinda yoomai an màò iyi Aɔ̃ Lafɛ̃ɛ á jɔ̀ n ba iri nɔ n bɔ inɔ kpasɛ̃i Aɔ̃ Lafɛ̃ɛ si ajɔ mɛɛtasiau.

Iri ku kɔ̃ 22:6

À dɔ̃ siɛ anu nɔ ì nya ŋa. Awɔi à dasi naanɛ nɔ anyɔ kù mu ŋa.

Kufita 3:12

Nɔ Ilaaɔ̃ í ni, an wɛɛ do awɔ nɔ an naɛ sɛɛda ku ba i mà iyi ntɔ ntɔ amui ǹ wa n bɛɛ. Sɛɛdau wee. Bii ì nya inɛ ŋau wa hai ilɛi Ezibiti, si antaii iri kutau ihɛ̃i aa naa i tɔɔm ŋa.

Ezai 7:11

tɔɔ amu Aɔ̃ Lafɛ̃ɛɛ n nyisiɛ nyinda gɔ iyi á jɔ̀ i mà iyi amui ǹ jɛ gbugbãɛ. Á yɔkɔ ku ce si bi kuwai iku ŋa, walakɔ lelei Aɔ̃.

Ezai 7:14

Na nŋu, Aɔ̃ Lafɛ̃ɛ takaɛ á na ŋɛ nyinda gɔ. Nyindau wee. Ama mudɛ̃ɛ gɔ á nɛ asĩ nɔ ku bí ama inɛmɔkɔ. Waati iyi á na ku bí amau, Emanuɛlii á kpoo, waatɔ Ilaaɔ̃ í wɛɛ do awa.

Luku 2:13

Iyi í fɔ bɛɛbɛ í tã ŋɔi gbakã amaleka mmu gɔ ŋa à naa bi tɛɛ aŋa nkpɔ nkpɔ nɔ à saabu Ilaaɔ̃ à waa ni,

Luku 2:7

Nɔ í bí ama sinteɛ, ama inɛmɔkɔ. Í biiɛ do acɔ nɔ í tɔɔ si bi ku jɛi angudã ŋa, si na iyi í jɔ̀ inya kù wɛɛ bii inɛ njoo ŋa aa sɔ.

Samuɛli 1, 2:34

Nɔ iyi á na ku ba amaɛ ŋa Ɔfini do Fineɛzi á jɛɛ nyinda, domi si ajɔ akãi aŋa minji fei aa ku.