Luku 2:11 - Bibeli do fee

¹¹ Laabaauu wee. Nnyi, si ilui Davidi, à bí nŋɛ Woo faaba. Nŋui í jɛ Lafɛ̃ɛ, inɛ iyi Ilaaɔ̃ í cicau.

Luku 2:11 Iomraidhean Croise

Kusintii Andunya 3:15

An dasi mbɛɛtɛ si gãmɛi awɔ do abou, do si dimiɛ hee do si dimii abou fei. Dimii abou á lɛgɛ iriɛ, nɔ awɔ mɔ aa mɛɛ cicĩisɛɛ.

Kusintii Andunya 49:10

Batai bomma kaa fita hai si dimii Zudaa. Akpai bommau á maa wɛɛa tɔkuɛ ŋa hee Siloo koo toò wa. Nŋui zamaa á sũa iri ilɛ.

Iri ku kɔ̃ 2:2

Ilaalui ilɛ ŋa à dede nɔ amanlu ŋa à tɔtɔɔ a ba a ce igũ do Aɔ̃ Lafɛ̃ɛ do inɛ iyi í cica í jɛ ilaaluu à waa ni,

Ezai 9:6

Á jɔ̀ yiikoɛ ku bɔ ku jĩi, nɔ ku jɔ̀ laakai ku sũ hai nɛ kɔɔ ku maa wɛɛ. Nŋui á buba si kitãi bommai Davidi nɔ nŋui á jɛ ilaalui bommau ku ba ku muaa gbugbã nɔ ku jɔ̀ ku maa leekĩ si ntɔ do si dee dee ku jɛ hai nsɛi hee do ajɔ fei. Mii iyi Aɔ̃ Lafɛ̃ɛi lele do ilɛ á ce mbɛ si kubi nlaɛ.

Matie 1:16

Nɔ Zakɔbu mɔ í bí Zozɛfu mɔkɔi Maari, nɔ Maari mɔi í jɛ iyei Jesu iyi à ya kpe Kirisi.

Matie 1:21

Á bí ama inɛmɔkɔ nɔ i sɔɔ Jesu. Nŋui á faaba inɛɛ ŋa hai si dulum du ŋa.

Matie 16:16

Nɔ Simɔɔ Piɛɛ í jɛaa í ni, awɔ Amai Ilaaɔ̃ nŋu iyi í jɛ irii kuwɛɛui. Awɔi ì jɛ inɛ iyi í cicau.

Matie 16:20

Ŋɔi Jesu í sɔ̃ mɔcɔɛ ŋau do kugaabu í ni a maà na a sɔ̃ inɛ gɔ iyi nŋu í jɛ inɛ iyi Ilaaɔ̃ í cicau.

Luku 1:43

Yooi ǹ jɛ hee iyei Lafɛ̃ɛm í naa bi tom.

Luku 1:69

Nɔ í naa nwa woo faaba ilu gbugbã wa si nyaanzei ilaalu Davidi amaacɛɛu,

Luku 2:26

Hundei Ilaaɔ̃u í sɔ̃ɔ wo í ni á yɛ inɛ iyi Aɔ̃ Lafɛ̃ɛ í cicau ku bɛi ku ku.

Luku 2:4

Ŋɔi Zozɛfu mɔ í nɛ hai Nazarɛti si ilɛi Galilee, í bɔ ilɛi Zudee si ilui Davidi iyi à ya kpe Betelehɛmu, domi nŋu mɔ nyaanzei Davidii wa jɛ.

Laabaau jiida iyi Zãa í kɔ 1:41

Iyi í sɛkɛɛ hai bi Jesu gbakã í koo í kpe Simɔɔ igbãɛ nɔ í sɔ̃ɔ í ni, à yɛ inɛ iyi Ilaaɔ̃ í cicau.

Laabaau jiida iyi Zãa í kɔ 1:45

Ŋɔi Filipu í koo í dɛdɛ Nataniɛli í sɔ̃ɔ í ni, à yɛ inɛ iyi Moizi í kɔ ideɛ si tiai wooda ŋau nɔ walii ŋau mɔ à fɔ ideɛu. Inɛɛu nŋui í jɛ Jesu inɛi Nazarɛti amai Zozɛfu.

Laabaau jiida iyi Zãa í kɔ 11:27

Nɔ Maata í jɛaa í ni, oo Lafɛ̃ɛ, ǹ dasi naanɛ iyi awɔi ì jɛ Kirisi, Amai Ilaaɔ̃, iyi à ni á na ku naa si andunya.

Laabaau jiida iyi Zãa í kɔ 20:31

Amma ide iyi ihɛ̃ ŋai à kɔ ku ba i dasi naanɛ ŋa iyi Jesui í jɛ Kirisi Amai Ilaaɔ̃ ku ba naanɛ iyi ì dasiɛ ŋau ku jɔ̀ i ba kuwɛɛ hai tã ŋa.

Laabaau jiida iyi Zãa í kɔ 4:25

Ŋɔi abou í sɔ̃ɔ í ni, ǹ mà inɛ iyi Ilaaɔ̃ í cica á na ku naa, nŋui à ya kpe Kirisi. Bii í naa nŋui á sisi nwa fei ndɛɛ.

Laabaau jiida iyi Zãa í kɔ 4:42

ŋɔi à sɔ̃ abou à ni, kù jɛ na ide iyi ì fɔu nŋu akãi í jɔ̀ à dasi Jesu naanɛ má, amma si na iyi í jɔ̀ awa taka nwa à gbɔ ideɛi nɔ à mà iyi do ntɔ nŋui í jɛ Woo faabai andunya.

Laabaau jiida iyi Zãa í kɔ 6:69

Awa à dasi naanɛ nɔ à mà kãm kãm iyi awɔi ì jɛ Inɛ Kumá iyi í naa hai bi Ilaaɔ̃.

Laabaau jiida iyi Zãa í kɔ 7:41

Inɛ gɔ ŋa mɔ à ni, inɛ iyi Ilaaɔ̃ í cicaui. Amma inɛ gɔ ŋa à ni, bɛirei inɛ iyi Ilaaɔ̃ í cicau á ce ku naa hai ilɛi Galilee.

Woo bɛ ŋa 10:36

Ì mà laabaau jiida iyi Ilaaɔ̃ í jɔ̀ à waazoa inɛi Izirɛli ŋa à ni inɛ ŋa aa ba laakai ku sũ do saabui Jesu Kirisi nŋu iyi í jɛ Lafɛ̃ɛi inɛ fei.

Woo bɛ ŋa 13:23

Hai si dimii Davidii Jesu í fita, inɛ iyi Ilaaɔ̃ í cica ku jɛ woo faabai inɛi Izirɛli ŋa si bɛi í tako í ce nŋa kuwãɛu.

Woo bɛ ŋa 17:3

Wa sɔ̃ ŋa iyi kù nɛ bɛi á ce iyi inɛ iyi Ilaaɔ̃ í cicau kù yɛ ijuukpã. Á kú nɔ ku jĩ hai si balɛ má. Ŋɔi í sɔ̃ ŋa í ni, Jesuu iyi ǹ wa n sisi nŋɛ ideɛu ihɛ̃ nŋui í jɛ inɛ iyi Ilaaɔ̃ í cicau bɛ.

Woo bɛ ŋa 2:36

Na ŋɔi í jɔ̀ í sĩa iŋɛ inɛi Izirɛli ŋa fei i mà iyi ihɛ̃ ŋa sãa sãa. Jesu iyi ì kpakpa si jĩi nɔu bɛ ŋa, nŋui Aɔ̃ í ce Lafɛ̃ɛ do Kirisi.

Woo bɛ ŋa 5:31

Ŋɔi Ilaaɔ̃ í soo lele í jilɔɔ awɔ njɛɛ ku jɛ ilaalu do Woo faaba nɔ ku muaò inɛi Izirɛli ŋa kpãa a kpaasi idɔ ku ba ku kpa dulum du ŋa.

Kɔrɛnti 1, 15:47

Adamu sinteu, í naai hai si ilɛ nɔ í jɛ sãa. Adamu minjisiau í naai hai lelei Aɔ̃.

Filipi 2:11

Nɔ gɛlɛi inɛ fei ku jɛsi iyi Jesu Kirisii í jɛ Lafɛ̃ɛ. Nŋu bɛi á na Ilaaɔ̃ Baaba amboe.

Filipi 3:8

Ǹ doo fei ndɛɛ fei mɔm bɛi mii hai nɛ bɛɛrɛ na ide iyi í nɛ amboe í re. Ideu nŋui í jɛ Jesu Kirisi Lafɛ̃ɛm iyi ǹ mà. Na iriɛi ǹ jɔ̀ mii fei, ǹ doo aŋa fei bɛbɛi bɛi riisi iyi à kpã ku ba n nɛ Kirisi,

Kolosee 2:6

Na nŋu, si bɛi ì gba Jesu Kirisi í jɛ Lafɛ̃ɛ nŋɛ, i ce isɛɛnɛ nŋɛ si anu akã do nŋu.

Zãa 1, 4:14

Awa mɔ à yɛ iyi Ilaaɔ̃ Baaba í bɛ Amaɛ wa ku jɛ woo faabai inɛi andunya ŋa, à nɔ à waa jɛ sɛɛdaɛ.

Zãa 1, 5:1

Inɛ iyi í dasi naanɛ iyi Jesui í jɛ Kirisi, lafɛ̃ɛ amai Ilaaɔ̃i, nɔ inɛ iyi í bi Baa í bi amai Baa ŋau mɔi.