Luku 2:10 - Bibeli do fee

¹⁰ Amma amalekau í sɔ̃ ŋa í ni, i maà jɔ̀ njo ku mu ŋɛ. Laabaau jiidai ǹ naa ku sisi nŋɛ, iyi á jɛa inɛ fei inɔ didɔ̃ nla nla.

Luku 2:10 Iomraidhean Croise

Kusintii Andunya 12:3

Inɛ ŋa iyi à waa weeɛ amu mɔ an wee nŋa. Inɛ ŋa mɔ iyi à waa ceekpeɛ amu mɔ an ceekpe lafɛ̃ɛ ŋa. Do saabuɛi dimi fei á baò kuwee si andunya.

Ezai 40:9

Siɔ̃ɔ, awɔ iyi ì naaò laabaau jiidau wa, gũ antaii iri kuta kugboka nɔ i dɔ̃ anu hee lele do gbugbã. Zeruzalɛmu, awɔ iyi ì naaò laabaau jiidau wa, dɔ̃ anu hee lele, maà jɔ̀ njo ku muɛ. Sɔ̃ inɛi ilui Zudaa ŋa i ni, i cɔ Aɔ̃ Lafɛ̃ɛ nŋɛ.

Ezai 41:27

Inɛ sinte iyi í to iri kutai Siɔ̃ɔ í ni, à wa bɛ. Amu Aɔ̃ Lafɛ̃ɛi ǹ bɔɔ bi inɛi Zeruzalɛmu ŋa koo fɔ laabaau jiidau.

Ezai 49:6

Í sɔ̃m í ni n jɛ woo ce icɛi nŋu, n jɔ̀ dimii Zakɔbu ŋau a dede, nɔ n baaò inɛi Izirɛli ŋa iyi à gbe si hunde ŋau wa, iyi bɛ kù to. Í ni amui nŋu á jɔ̀ n jɛ inya kumái inɛi ilɛ ŋau ku ba faabaɛu ku bɔ hee kɔɔi andunya.

Ezai 52:10

Aɔ̃ Lafɛ̃ɛ í nyisi gbugbãɛ si ijui inɛi ilɛ ŋau fei. Nɔ hee ku bɔ kɔɔi andunya fei, inɛ ŋa aa yɛ faaba iyi Aɔ̃ Lafɛ̃ɛ nwa í naaò wa.

Ezai 52:7

Inɔ didɔ̃ nla nlai inɛ iyi wa naaò laabaau jiidau wa si antaii iri kuta ŋa, nɔ wa fɔ idei laakai ku sũ. Nŋu iyi wa naaò laabaau jiidai inɔ didɔ̃ nɔ wa fɔ idei faabau, nŋui í sɔ̃ ilui Siɔ̃ɔ í ni, Aɔ̃ Lafɛ̃ɛɛi í jɛ ilaalu.

Ezai 61:1

Hundei Aɔ̃ Lafɛ̃ɛ í wa sim, domi Aɔ̃ Lafɛ̃ɛi í nyam ikã. Nŋui í bɛm n koo n sisia ilu are ŋa laabaau jiida, inɛ ŋa mɔ iyi à wɛɛò inɔ kufɔ, n tũ idɔ nŋa, nɔ n sɔ̃ aru ŋa n ni à nɛ ara nŋa mbɛ, inɛi piisɔ̃ɔ ŋa mɔ, n sɔ̃ ŋa n ni a fita.

Daniɛli 10:19

Si anyii nŋu, nɔ í sɔ̃m í ni, maà jɔ̀ njo ku muɛ awɔ iyi Ilaaɔ̃ í bi. Wɛɛò laakai ku sũ. Dasi gbugbã, dasi gbugbã. Si bɛi wa bam ide ku fɔu, ǹ ba gbugbã nɔ ǹ ni, fɔ ide Lafɛ̃ɛm, domi ì jɔ̀ ǹ ba gbugbã.

Zakari 9:9

Iŋɛ inɛi Siɔ̃ɔ ŋa i wɛɛò inɔ didɔ̃ ŋa. Nɔ iŋɛ inɛi Zeruzalɛmu ŋa, i dɔ̃ anu do inɔ didɔ̃ ŋa. I cɔ, ilaalu nŋɛ wa naa bi tu ŋɛ. Í jɛ dee dee, nɔ í jɛ woo jɛ igũ. Á naai do ara ku kaye, ku maa gũ gbankɛlɛ. Gbankɛlɛu, ama gbankɛlɛi.

Matie 14:27

Bɛ gbakã Jesu í ba ŋa ide ku fɔ í sɔ̃ ŋa í ni, i sũ laakai nŋɛ. Amui Jesu, i maà ce njo ŋa.

Matie 28:18

Ŋɔi Jesu í sɛkɛɛ si ŋa wa í ni, yiikoi lele do ti ilɛ fei à nam nii.

Matie 28:5

Ŋɔi amalekau í sɔ̃ inaabo ŋau í ni, iŋɛ, i maà jɔ̀ njo ku mu ŋɛ. Ǹ mà iyi Jesu inɛ iyi à kpakpa si jĩi ku gaauui ì waa dɛ ŋa.

Maaku 1:15

Í ni, awaati í to iyi Ilaaɔ̃ á na ku jɛ bommaɛ. I kpaasi idɔ nŋɛ nɔ i dasi laabaau jiidau naanɛ ŋa.

Maaku 16:15

Ŋɔi í sɔ̃ ŋa í ni, i bɔ si andunya fei, nɔ i waazoa inɛ baa yooma fei laabaau jiidau ŋa.

Luku 1:13

Amma amalekau í sɔ̃ɔ í ni, maà jɔ̀ njo ku muɛ, Zakari. Ilaaɔ̃ í gbɔ kutɔɔɛ. Elizabɛti aboɛ á bíɛ ama inɛmɔkɔ nɔ i sɔɔ Zãa.

Luku 1:19

Ŋɔi amalekau í jɛaa í ni, amui Gabiɛli. Amui ǹ ya n wa bi Ilaaɔ̃ n maa n ceaa icɛ. Nŋui í bɛm wa n na n baɛ ide ku fɔ nɔ n sisiɛ laabaau jiidau ihɛ̃.

Luku 1:30

Ŋɔi amalekau í sɔ̃ɔ í ni, maà jɔ̀ njo ku muɛ Maari. Ilaaɔ̃ í ceɛ didɔ̃.

Luku 2:11

Laabaauu wee. Nnyi, si ilui Davidi, à bí nŋɛ Woo faaba. Nŋui í jɛ Lafɛ̃ɛ, inɛ iyi Ilaaɔ̃ í cicau.

Luku 24:47

Nɔ aa waazo do irim si dimi fei, aa sintii hai Zeruzalɛmu. Aa waazo a kpe inɛ ŋa a kpaasi idɔ nɔ Ilaaɔ̃ ku kpa idei dulum du ŋa.

Luku 8:1

Si anyii nŋu, Jesu í dabii dabii si wangaa ŋa do si ilɛɛko ŋa, wa waazo wa sisi laabaau jiidai bommai Ilaaɔ̃. Nɔ mɔcɔ maateeji ŋau à suu

Woo bɛ ŋa 13:32

Awa mɔ idei kuwã iyi Ilaaɔ̃ í cea bala nwa ŋau, nŋui à waa sɔ̃ ŋɛ.

Romu 10:15

Nɔ bɛirei aa ce a ce waazoi ideu bii kù jɛ inɛ gɔi í bɛ ŋa. Kukɔi idei Ilaaɔ̃ wa fɔ í ni, inɔ didɔ̃ nlai kunaai inɛ ŋa iyi à dabii à waa sisi laabaau jiidau.

Efɛɛzu 3:8

Amu iyi ǹ jɛ keekei woo dasi Jesu naanɛ ŋa fei, amui Ilaaɔ̃ í cea didɔ̃ n sisia dimi mmu ŋa laabaau jiida nɔ n sɔ̃ ŋa bɛi didɔ̃i Kirisi í la í to nɔ í re kumà nwa.

Kolosee 1:23

Amma í gbe i temua ŋa si naanɛ ku dasi i leekĩ si dim dim ŋa. Nɔ si bɛi ì gbɔ laabaau jiidau ŋa iyi à sisia inɛi andunya fei, i maà ti i jɔ̀ a sinda ŋɛ hai si kpãa ku cɔ iyi wa jilɛ nŋɛ. Laabaau jiidau, amu Pɔlu, amui ǹ jɛ woo ce icɛɛ.