Luku 19:47 - Bibeli do fee

⁴⁷ Jesu í ya maa kɔa inɛ ŋa si cioi idei Ilaaɔ̃ ajɔ fei kpasɛ̃i Ilaaɔ̃ bɛ. Ŋɔi inɛ ngboi woo weei Ilaaɔ̃ ŋa do woo kɔ inɛ ŋa si wooda ŋa do inɛ ngboi Zuifu ŋa à waa bi a kpaa.

Luku 19:47 Iomraidhean Croise

Matie 21:23

Ŋɔi Jesu í to Zeruzalɛmu nɔ í bɔ bantumai kpasɛ̃i Ilaaɔ̃ má wa kɔ inɛ ŋa si cio. Ŋɔi inɛ ngboi woo weei Ilaaɔ̃ ŋa do inɛ ngboi Zuifu ŋa à naa bi tɛɛ, à beeɛ à ni, mii ŋa iyi ì waa ceu ihɛ̃, yooi í naɛ kpãa iyi ì waa cooò. Do gbugbãi yooi ì waa cooò.

Matie 26:55

Ŋɔi Jesu í bee zamaau í ni, amui ì naa ku mu bɛ ŋa do taakuba do golo ŋa bɛi woo ce ile? Ǹ ya n wa si inɔ nŋɛ ajɔ fei n maa n kɔ inɛ ŋa si cio kpasɛ̃i Ilaaɔ̃, nɔ i kù mum ŋa.

Maaku 11:18

Iyi inɛ ngboi woo weei Ilaaɔ̃ ŋa do woo kɔ inɛ ŋa si wooda ŋau à gbɔ ideu, ŋɔi à waa dɛ kpãa iyi aa kpaò Jesu, domi à waa ce njoɛ si na iyi í jɔ̀ zamaau fei í biti do cioɛ.

Maaku 12:12

Iyi Jesu í fɔ bɛɛbɛ í tã ŋɔi inɛ ngboi Zuifu ŋau à waa dɛ Jesu ku mu, domi à mà na irii aŋai í kpa mɔndau. Amma si bɛi à waa ce njoi zamaau, ŋɔi í jɔ̀ à jɔ̀ɔ à nɛ.

Maaku 14:1

Si afei ajɔ minji jingaui Iku ku kua do ti Pɛ̃ɛ hai nɛ levɛ̃ɛ á to wa. Ŋɔi inɛ ngboi woo weei Ilaaɔ̃ ŋa do woo kɔ inɛ ŋa si wooda ŋau à waa dɛ kpãa bɛi aa ce a mu Jesu do bisi a kpaa.

Maaku 14:49

Ǹ ya n wa inɔ nŋɛ ajɔ fei n maa n kɔ inɛ ŋa si cio kpasɛ̃i Ilaaɔ̃, nɔ i kù mum ŋa. Amma mii ŋau ihɛ̃ fei wa cei ku ba kukɔi idei Ilaaɔ̃ ku kɔ̃.

Luku 19:48

Amma a kù mà bɛirei aa ce, domi inɛ feii í ya maa de si ideɛ itĩ do laakai.

Luku 20:19

Iyi inɛ ngboi woo weei Ilaaɔ̃ ŋa do woo kɔ inɛ ŋa si wooda ŋau à gbɔ ideu gbakã ŋɔi à waa dɛ bɛi aa ce a mu Jesu. Amma à waa ce njoi zamaau. À waa bi a muui domi à mà iyi na irii aŋai í kpa mɔndau.

Laabaau jiida iyi Zãa í kɔ 10:39

Iyi à gbɔ bɛɛbɛ ŋɔi à waa dɛ kpãa má a ba a muu, amma Jesu í gbã si ŋa,

Laabaau jiida iyi Zãa í kɔ 18:20

Ŋɔi Jesu í jɛaa í ni, ideu si bantumai ǹ sɔ̃ inɛ fei. Ǹ ya n kɔ inɛ ŋa si ciom nii ile bii à ya ce kutɔtɔɔ ŋa do si kpasɛ̃i Ilaaɔ̃, bii Zuifu ŋa fei à ya tɔtɔɔ. N kù fɔ ide kãma si asii.

Laabaau jiida iyi Zãa í kɔ 7:19

Moizii í na ŋɛ wooda, mà irei. Amma do nŋu fei, kãma nŋɛ kù waa jirima woodau. To, na mii í ce ì waa dɛ ku kpam ŋa.

Laabaau jiida iyi Zãa í kɔ 7:44

Inɛ gɔ ŋa à bi a muu, amma inɛ kãma kù lesiɛ awɔ.