Luku 19:46 - Bibeli do fee

⁴⁶ Í sɔ̃ ŋa í ni, à kɔɔ à ni, Ilaaɔ̃ í ni ilei nŋu ile bi kutɔɔi á jɛ. Amma iŋɛ wee ì coo bi kutɔtɔɔi ile ŋa.

Luku 19:46 Iomraidhean Croise

Iri ku kɔ̃ 93:5

Aɔ̃ Lafɛ̃ɛ, woodaɛ ŋa fei ntɔi. Kpasɛ̃ɛ í nɛ ku jɛ kpasɛ̃ iyi í mái hee do ajɔ fei.

Ezai 56:7

an gbã ŋai n bɔò ŋa si iri kuta kumám nɔu, nɔ an jɔ̀ inɔ nŋa ku dɔ̃i si inɔ kpasɛ̃m bi ku ce kutɔɔu. Kuwee nŋa iyi à ya jo si ina fei sãa sãa do kuwee mmuɛ nŋa ŋa iyi aa ce si antaii bi ku ce kuweem nɔu á dɔ̃ɔm si, domi aa kpe kpasɛ̃m nii, kpasɛ̃ bi ku ce kutɔɔi inɛi andunya fei.

Zeremi 7:11

Ileu ihɛ̃ iyi à nya ikã í jɛ titom nɔu, ì waa tamaa bɛi bi kutɔtɔɔi ile ŋai de. Amu Aɔ̃ Lafɛ̃ɛ amu takam iyi ǹ yɛi ǹ ya n fɔ.

Ezekiɛli 43:12

Wooda ku nɛ gbugbã si gãmɛi kpasɛ̃u wee. Bantuma iyi í kaakoɛu hee ku bɔ si antaii iri kutau fei, à nɛ a nyaa ikãi ku jɛ ti Aɔ̃ Lafɛ̃ɛ.

Ozee 12:7

Ì nɛ i sinda i nyi wa bi Ilaaɔ̃ Lafɛ̃ɛɛi. Ce iyi í jɛ jiida, nɔ i jirima dee dee ku jɛ. Jɔ̀ kpãa ku cɔɛ ku wa si Aɔ̃ Lafɛ̃ɛɛ waati kãma fei.

Matie 21:13

Nɔ í sɔ̃ ŋa í ni, à kɔɔ à ni, Ilaaɔ̃ í ni ilei nŋu ile bi kutɔɔi á jɛ. Amma iŋɛ wee ì coo bi kutɔtɔɔi ile ŋa.

Matie 23:13

Jesu í ni, iŋɛ woo kɔ inɛ ŋa si wooda ŋa do Farisi ŋa, iŋɛ ilu muafiti ŋai. Aa yɛ ijuukpã ŋa, si na iyi í jɔ̀ ì waa cĩmboa inɛ ŋa kpãai bommai Ilaaɔ̃ ŋa. Iŋɛ taka nŋɛ, i kù jɛsi i lɔ ŋa, nɔ inɛ ŋa iyi à bi ku lɔ, ì waa ganji ŋa ŋa. [

Maaku 11:17

Ŋɔi í sinti ku kɔ inɛ ŋau si cio í ni, à kɔɔ à ni, Ilaaɔ̃ í ni ilei nŋu ile bi kutɔɔi dimi feii á jɛ. Amma iŋɛ wee ì coo bi ku tɔtɔɔi ile ŋa.