Luku 19:42 - Bibeli do fee

⁴² ǹ bi i mà ŋa wo mii iyi á mu nŋɛ laakai ku sũ baa nnyi. Amma nsɛi í manji nŋɛ.

Luku 19:42 Iomraidhean Croise

Iri ku kɔ̃ 32:6

Si bɛɛbɛ, inɛ dee dee ŋau fei à nɛ a tɔɔɛi si waati iyi í jɔ. Baa bii inyi nla wa bi ku jɛ ŋai aa fita si.

Iri ku kɔ̃ 81:13

Na ŋɔi í ce ǹ jɔ̀ ŋa a cica si idɔ nŋa, a ce iyi à lasabu.

Ezai 44:18

Inɛ ŋau a kù nɛ kumà, nɔ a kù nɛ bisi. Iju nŋa wa bii hee í jɔ̀ a kù waa yɛ ilu. Bɛɛbɛi idɔ nŋa mɔ í yɛ hee í jɔ̀ a kù nɛ yaase jiida kãma.

Ezai 48:18

Ntɔ ntɔ, bii ì de itĩ do laakai ì gbɔ woodam ŋa wo, kuwee nkpɔ nkpɔi á naa siɛ bɛi inyii ido nla iyi wa cã, nɔ dee dee ku jɛɛ á yɛi bɛi kutãngãm dii inyii tenku.

Ezai 55:6

I dɛdɛ Aɔ̃ Lafɛ̃ɛ ŋa hai waati iyi nŋu takaɛ á jɔ̀ i yɔɔ ŋa. I kpoo ŋa hai waati iyi í wa amɛɛ.

Zeremi 13:17

Bii ì kɔ̀ ku gbɔ iyi ihɛ̃ ŋa, an kpatai si asii na faau nŋɛ. An kpatai ntɔ ntɔ si na iyi í jɔ̀ aa na a mu mɛɛmu gaai Aɔ̃ Lafɛ̃ɛ aru a nɛò.

Ezekiɛli 33:11

Na nŋu, koo i sɔ̃ ŋa iyi amu Aɔ̃ Lafɛ̃ɛ ǹ ni, hee do kuwɛɛm fei, n kù bi ikui inɛ laalɔ. Iyi ǹ bii í jɛ, ku jɔ̀ kpãa laalɔɛ nɔ ku wɛɛ. Iŋɛ inɛi Izirɛli ŋa, i jɔ̀ laalɔ ku ce nŋɛ. Na mii í jɔ̀ ì waa bi i ku ŋa.

Luku 19:41

Si bɛi Jesu í maai Zeruzalɛmu, ŋɔi í yɛ iluu nɔ wa kpataa inɛɛ ŋa í ni,

Luku 19:43

Awaati wa naa si ŋɛ iyi mbɛɛ nŋɛ ŋa aa bu ilu nŋɛ koe, aa bii si ŋɛ a mante ŋɛ canga do njɛ.

Luku 19:44

Aa lɛgɛ ilu nŋɛ nɔ a kpa iŋɛ inɛɛ ŋa iyi ì wa inɔɛ ŋa. A kaa jɔ̀ kuta baa akã ku maa lesi njɛ ajɔ nŋu. Bɛɛbɛi á ce si na iyi í jɔ̀ Ilaaɔ̃ í naa bi tu ŋɛ nɔ i kù mà waati iyi í to wa bi tu ŋɛ.

Woo bɛ ŋa 10:36

Ì mà laabaau jiida iyi Ilaaɔ̃ í jɔ̀ à waazoa inɛi Izirɛli ŋa à ni inɛ ŋa aa ba laakai ku sũ do saabui Jesu Kirisi nŋu iyi í jɛ Lafɛ̃ɛi inɛ fei.

Woo bɛ ŋa 13:46

Amma Pɔlu do Baanabasi à sɔ̃ ŋa do wɔɔkɔ à ni, tilasii iŋɛ Zuifu ŋa a tako a sɔ̃ ŋɛ idei Ilaaɔ̃. Amma si na iyi í jɔ̀ ì waa kɔ̀si ŋa nɔ i kù ka ara nŋɛ si inɛ ŋa iyi à bi a ba kuwɛɛ hai tã, na nŋu, aa ka jɔ̀ ŋɛ nɔ ka bɔ bi dimi mmu ŋa,

Wooda ku kɔsi 32:29

Bii à nɛ laakai baa keeke wo, aa gbɔ yaasei tengi bii ide ŋau ihɛ̃ fei wa bɔò ŋa.

Wooda ku kɔsi 5:29

Bii í jɛ waati kãma fei aa ya maa jirimam wo, nɔ a maa ceò woodam ŋau fei icɛ, aŋa do tɔku nŋa ŋau fei aa ya maa wɛɛò inɔ didɔ̃i wo waati kãma fei.

Ebɛɛ 3:13

Amma si na iyi í jɔ̀ Ilaaɔ̃ í mu nwa ajɔi nnyi, nɔ ala kù jɛ tu wa, í sĩa i ya maa mua njɛ gbugbã ajɔ fei ŋa ku ba inɛ gɔ nŋɛ ku maà jɔ̀ dulum ku dĩ ijuɛ hee ku lele idɔɛ.

Ebɛɛ 3:15

Na ŋɔi í jɔ̀ à ni, bii ì waa gbɔ ide ku fɔi Ilaaɔ̃ nnyi ŋa, i maà lele idɔ nŋɛ bɛi si ajɔ iyi bala nŋɛ ŋa à kɔ̀siɛ.

Ebɛɛ 3:7

Na nŋu, i sotĩ i gbɔ ide iyi Hundei Ilaaɔ̃ í fɔ í ni, bii ì waa gbɔ ide ku fɔi Ilaaɔ̃ nnyi ŋa,