Luku 19:29 - Bibeli do fee

²⁹ Si isɛɛnɛɛu í maai ilui Bɛtifazee do Betani, kɔkɔi geetei Olivie. Ŋɔi í bɛ mɔcɔ minjiɛ gɔ ŋa

Luku 19:29 Iomraidhean Croise

Zakari 14:4

Waati bɛɛbɛ á leekĩi si geetei Olivie iyi í wa kɔkɔi Zeruzalɛmu ikpa nunui daakɔi iluu. Nɔ ku kpalɔɛ geeteu minji hai nunui daakɔ hee ku bɔ nunui alɛ. Ikpa akã ku nɛ ikpa awɔ njɛi kpãai inunu, nɔ akã mɔ ku nɛ ikpa awɔ cangai kpãai inunu, nɔ angbɔɔ nla ku ce si afei iri kuta minjiu.

Matie 21:17

Si anyii nŋu, í jɔ̀ ŋa í nɛ hai ilu bɛ í koo í sũ Betani.

Luku 19:30

í sɔ̃ ŋa í ni, i bɔ ilu iyi í wa waju nŋɛu bɛ ŋa. Bii ì to bɛ ŋa aa yɛ ama gbankɛlɛ gɔ wa so bɛ iyi inɛ gɔ kù gũu titã. I fũu i naam wa ihɛ̃ ŋa.

Luku 19:37

Iyi í maai Zeruzalɛmu tengi bii kpãai geetei Olivieu í sinti ku dasi lɔɔma, ŋɔi mɔcɔɛ ŋau fei à waa dɔ̃ anu à lɔsi Ilaaɔ̃ ku saabu do inɔ didɔ̃ na irii maamaake ŋa iyi à yɛu fei.

Luku 21:37

Ajɔ fei Jesu í ya kɔ inɛ ŋa si cio kpasɛ̃i Ilaaɔ̃, alɛ nɔ koo sũ geetei Olivie.

Luku 22:39

Iyi Jesu í fɔ bɛɛbɛ í tã nɔ í fita hai inɔ iluu í bɔ geetei Olivie si bɛi í nɛ dɔ̃ɔnɛɛ. Nɔ mɔcɔɛ ŋa à waa tooɛ.

Luku 24:50

Ŋɔi Jesu í gbã mɔcɔɛ ŋau í fitaò ŋa hai inɔ iluu. Nɔ í bɔò ŋa hee ikpa Betani, nɔ í wu awɔ lele í wee nŋa.

Woo bɛ ŋa 1:12

Iyi inɛ ŋau à fɔ bɛɛbɛ à tã, ŋɔi woo bɛ ŋau à sinda wa hai geetei Olivie bii à wau à nyi wa Zeruzalɛmu. Iri kutau í wa kɔkɔi iluu zakai kiloo akã.