Luku 19:18 - Bibeli do fee

¹⁸ Inɛ minjisiau mɔ í naa í ni, Lafɛ̃ɛ, kpɛkɛlɛ iyi ì nam nɔu ǹ ceò sĩa hee ǹ ba riba miiu.

Luku 19:18 Iomraidhean Croise

Matie 13:23

Inɛ mɔ iyi í gba ideu bɛi si ilɛ jiida, nŋui í jɛ inɛ iyi wa gbɔ ideu nɔ í gbɔɔ do yaaseɛ, nɔ í so iso. Bi inɛ gɔ ŋa, dimiu í so iso cĩɔ, bi inɛ gɔ ŋa kita, bi inɛ gɔ ŋa mɔ kuntaa.

Matie 25:22

Inɛ iyi í na kpɛkɛlɛ minjiu mɔ í naa í ni, lafɛ̃ɛ, fia kpɛkɛlɛ minji iyi ì nam nɔu, ǹ ba riba minji má.

Maaku 4:20

Inɛ gɔ ŋa mɔ à yɛi bɛi dimi ŋa iyi à cuku si ilɛ ncɛɛ. Iyi à gbɔ idei Ilaaɔ̃ à gbaa nɔ wa so. Si inɔ nŋa inɛ gɔ ŋa à so kuntaa, inɛ gɔ ŋa mɔ kita, inɛ gɔ ŋa mɔ cĩɔ.

Luku 19:13

Hee ku maa nɛ ŋɔi í kpe amaacɛɛ ŋa aŋa mɛɛwa, nɔ í na aŋa fei kpɛkɛlɛi wura gɔ nɔ í ni, i ceò fiau ihɛ̃ sĩa hee n maa n baa. Iyi í fɔ bɛɛbɛ í tã nɔ í nɛ.

Luku 19:17

Ŋɔi í sɔ̃ɔ í ni, í sĩa, awɔ amaacɛ jiidai. Si bɛi ì jɛ ilu naanɛ si mii keekeu ihɛ̃, an jɔ̀ i jɛ inɛ ngbo si ilu mɛɛwa.

Luku 19:19

Nɔ í sɔ̃ɔ í ni, awɔ mɔ, an jɔ̀ i jɛ inɛ ngbo si ilu miiu.

Kɔrɛnti 2, 8:12

Bii ì na do inɔ akã, Ilaaɔ̃ í ya gbai. Zaka bɛi ì nɛi í ya cɔ, nɔ baaɛ ci ya wa si iyi i kù nɛ ŋa.